.
✦✦ بسم الله الرحمن الرحيم ✦✦
💥 جشن میلاد کس کی سنت؟
حافظ أبو یحییٰ نورپوری
~~~~~~~~~~~~؛
بریلوی احباب عید میلاد ثابت کرنے کی ناکام کوشش میں بدترین کافر ابو لہب کے لونڈی کو آزاد کرنے والے عمل کو دلیل بناتے ہیں...
♦️ اولا؛ یہ روایت منقطع ہے، ثابت ہی نہیں.
♦️ دوسرے نمبر پر اس میں ایک کافر کا خواب مذکور ہے. کسی کافر کا خواب کیسے دلیل شرعی بن سکتا ہے؟
♦️ تیسرے نمبر پر اس میں ولادت کی خوشی میں ایسا کرنے کا کوئی ذکر تک نہیں، اس منقطع روایت میں یہ جھوٹ بھی شامل کرنا ضروری سمجھا گیا، اس کے بغیر استدلال ہی نہیں ہو سکتا تھا.
♦️ چوتھے نمبر پر قرآن کریم کے خلاف ہے. قرآن کہتا ہے کہ ابو لہب کو اس کے کسی عمل نے کوئی فائدہ نہیں دیا، یہاں منقطع روایت میں ایک کافر کا خواب فائدہ دکھا رہا ہے.
♦️ پانچویں نمبر پر افسوس کی بات ہے کہ عاشقان رسول کو عمل کرنے کے لیے ابو لہب کی سنت ملی ہے، کاش کہ وہ محبت رسول میں ابو بکر وعمر وعثمان وعلی رضی اللہ عنہم کا طریقہ اپناتے.
♦️ چھٹے نمبر پر بریلوی علماء نے اس بات کا قرار کیا ہے کہ تینوں بہترین زمانوں (صحابہ، تابعین اور تبع تابعین) نے عید میلاد النبی کو نہیں منایا، بل کہ پہلے چھ سو سال تک کسی نے ربیع الاول کے مہینے یا بارہ ربیع الاول کو کوئی خصوصیت نہیں دی. کسی کافر کے اس غیر ثابت خواب کو نبی کریم صلی اللہ علیہ وسلم اور چھ سو سال تک کے مسلمانوں نے کیوں دلیل نہ بنایا؟
♦️ ساتویں نمبر پر شیخ عبد القادر جیلانی رحمہ اللہ جیسے ولی اس خواب سے کیسے لاعلم رہے؟ سوال تو یہ بھی یے کہ جیلانی رحمہ اللہ کس تاریخ کو جشن ولادت مناتے تھے، کیوں کہ وہ تو نبی کریم صلی اللہ علیہ وسلم کی تاریخ ولادت 10 محرم قرار دیتے تھے.
♦️ آٹھویں نمبر پر کسی حدیث کی کتاب میں تیسری عید کا ذکر تک نہیں، کیا وجہ ہے کہ "سب سے بڑی عید (عیدوں کی عید)" چھوڑ کر محدثین صرف دو ہی عیدوں کا بیان کرتے رہے؟ یہ منقطع روایت ذکر کرنے والے کسی محدث نے تین عیدوں کا عنوان قائم کیا؟
♦️ نویں نمبر پر فقہ حنفی کی ہر کتاب میں دو عیدوں کا تذکرہ ملتا ہے، اس خواب کو کسی حنفی فقیہ نے بھی تیسری عید کی دلیل کیوں نہ بنایا؟
♦️ دسویں نمبر پر برصغیر میں کچھ عرصہ پہلے تک 12 ربیع الاول کو بارہ وفات کے نام سے منایا جاتا تھا، جسے بعد میں 12 میلاد سے بدل دیا گیا. کیا اس دور کے بریلوی علماء کو کسی کافر کا یہ خواب اور ابو لہب کی یہ سنت معلوم نہ تھی؟
.
