جمعہ، 17 جولائی، 2020

فضائل قربانی کی احادیث کا ایک علمی جائزہ ‏غازی ‏عزیر

.
 
 فضائل قربانی کی احادیث کا ایک علمی جائزہ 
 
محقق غازی عزیر 
 
 محدث، جلد 23، شمارہ 195، اپریل 1993 
 
http://magazine.mohaddis.com/shumara/231-apr1993/3839-fazael-qurbani-ahadees-ilmi-jaeza 
 
 ~~~~~~~~~~~~~؛
 
 شروع پیج 
 
عید الاضحیٰ کے موقع پر قربانی کا درس رسول کریم صلی اللہ علیہ وسلم کی سنت ثابتہ ہے، لہذا اس کی فضیلت میں کسی قسم کا شبہ لاحق نہیں ہونا چاہیے البتہ علمی اعتبار سے فضیلت قربانی کے بارے میں وارد احادیث کا تجزیہ تحقیقی ذوق رکھنے والوں کے لئے اہمیت رکھتا ہے۔ اسی نقطہ نظر سے زیر نظر مضمون "محدث" میں شائع کیا جا رہا ہے ورنہ یہ مغالطہ شروع میں دور ہو جانا چاہیے کہ اس سے قربانی کی اصل فضیلت متاثر ہو سکتی ہے۔ قربانی ایک اہم اسلامی شعار اور سنت ابراہیمی کی یادگار کے طور پر ہمیشہ سے مسلمانان عالم میں مروج چلی آ رہی ہے محدثین کے ہاں جب کسی عمل کا اصل ثابت ہو تو اس کے بارے میں وارد احادیث کو روایت کرنے میں سختی نہیں کی جاتی۔ بلکہ ایسی احادیث کے ساتھ وہی معاملہ کیا جاتا ہے جو اسرائیلیات کے بارے میں ہے۔ امام ابن تیمیہ رحمہ اللہ نے اپنی کتاب "الوسیلہ" میں امام احمد بن حنبل رحمہ اللہ کے حوالہ سے اس سلسلے میں بڑی عمدہ بحث کی ہے اور محدثین کا فضیلت اعمال میں وارد احادیث کے بارے میں چند شرائط کے ساتھ رویہ واضح کیا ہے۔ اگرچہ احادیث میں امام حاکم رحمہ اللہ اور ترمذی رحمہ اللہ کا تساہل معروف ہے لیکن علماء امام حاکم رحمہ اللہ اور ترمذی رحمہ اللہ سے استفادہ اسی بنا پر کرتے ہیں۔

برصغیر پاک و ہند میں احادیث ضعیفہ اور موضوعہ کو فضائل اعمال میں بلا امتیاز کثرت سے استعمال کرنے کا رواج رہا ہے جس کا ایک اثر یہ ہے کہ عوام ان پر عقیدہ رکھ کر عمل کرنے لگے ہیں حالانکہ محدثین نے ضعیف حدیث کی بنا پر کوئی عقیدہ اختیار کرنے کی ممانعت فرمائی ہے۔ غالبا محترم غازی عزیر کا مضمون بھی اسی رجحان کا رد عمل ہے۔

واضح رہے کہ ایسی احادیث پر نقد و جرح حدیث کے ثبوت اور عدم ثبوت کے اعتبار سے ہے۔ جہاں تک ان کی روایت اور بطور وعظ بیان کرنے کے تعلق ہے اس سلسلے میں امام ابن تیمیہ رحمہ اللہ کے معتدل نقطہ نظر کا حوالہ اوپر دیا جا چکا ہے۔ بلکہ زیر نظر مضمون سے بھی مترشح ہوتا ہے کہ بڑے بڑے محدثین ایسی روایات بیان کرنے میں کوئی باک محسوس نہیں کرتے تھے اس سلسلے میں محدثین کا نقطہ نظر وضاحت کے ساتھ "محدث" کے شمارہ 2 جلد 9 بابت محرم، صفر 1339ھ ملاحظہ کیا جا سکتا ہے۔ (حسن مدنی) 

ـــــــــــــــــــــــــــــــــــــــ

پہلی حدیث 
اس باب کی پہلی اور سب سے زیادہ مشہور حدیث پیش خدمت ہے 

ما عملَ آدميٌّ من عملٍ يومَ النَّحرِ أحبُّ إلى اللهِ من إهراقِ الدَّمِ إنَّهُ ليأتي يومَ القيامةِ بقُرونها وأشعَارِها وأظلافِها وإنَّ الدَّمَ ليقعُ من اللهِ بمكانٍ قبلَ أن يقعَ من الأرضِ فطيبُوا بها نفساً 

"عید قربان کے دن کسی آدمی کا کوئی عمل اللہ کو خون بہانے سے زیادہ پیارا نہیں۔ یاد رکھو قیامت کے دن قربانی کا جانور اپنے سینگوں، بالوں، اور کھروں سمیت آئے گا اور خون زمین پر گرنے سے قبل اللہ تعالیٰ کے یہاں درجہ قبولیت حاصل کر لیتا ہے، لہذا قربانیاں خوشی خوشی کیا کرو۔" 

اس حدیث کو امام ترمذی رحمہ اللہ نے اپنی "جامع" (1) کے باب "ما جاء فی فضل الاضحیہ" میں، امام ابن ماجہ رحمہ اللہ نے اپنی "سنن" (2) میں، امام حاکم رحمہ اللہ نے "مستدرک علی الصحیحین" (3) میں اور امام بغوی رحمہ اللہ نے "شرح السنہ" (4) میں بطریق عبداللہ بن نافع الصائغ عن ابی المثنی (سلیمان بن یزید) عن ہشام بن عروہ عن ابیہ عن عائشہ مرفوعا بہ روایت کیا ہے۔ امام ترمذی رحمہ اللہ اس کی تحسین فرماتے ہوئے رقمطراز ہیں "وھذا حدیث حسن غریب لا نعرفہ من حدیث ھشام بن عروۃ الا من ھذا الوجہ" اور امام حاکم رحمہ اللہ کا قول ہے "یہ صحیح الاسناد ہے" علامہ عبدالرحمٰن مبارکپوری رحمہ اللہ، امام ترمذی رحمہ اللہ کے قول "وھذا حدیث حسن غریب" کی شرح میں امام حاکم رحمہ اللہ کا قول نقل فرماتے ہیں۔ (5)
امام ابن تیمیہ رحمہ اللہ نے اس حدیث کو اپنی مشہور کتاب "منتقی الاخبار" کے باب " الحث علي الاضحيه " میں بحوالہ ابن ماجہ و ترمذی رحمہ اللہ (6) اور امام ابن قدامہ المقدمی رحمہ اللہ نے اپنی کتاب "المغنی" میں بحوالہ ابن ماجہ (7) تائیدا نقل کیا ہے مگر امام ابن حبان رحمہ اللہ نے اسے اپنی کتاب "المجروحین" (8) میں، امام ذہبی رحمہ اللہ نے اپنی کتاب "میزان الاعتدال فی نقد الرجال" (9) میں اور امام ابن الجوزی رحمہ اللہ نے اپنی کتاب "العلل المتناہیہ فی الاحادیث الواھیہ" (10) میں وارد کیا ہے اور فرماتے ہیں "یہ حدیث صحیح نہیں ہے۔" یحییٰ کا قول ہے کہ عبداللہ بن نافع کچھ بھی نہیں ہے امام نسائی رحمہ اللہ نے اسے متروک اور امام بخاری رحمہ اللہ نے منکر الحدیث بتایا ہے۔ امام ابن حبان رحمہ اللہ کا قول ہے کہ "اس کی اخبار کے ساتھ احتجاج نہیں ہے۔" علامہ مناوی رحمہ اللہ نے "فیض القدیر" (11) میں امام ابن الجوزی رحمہ اللہ کی ہی اتباع کی ہے مگر حق بات یہ ہے کہ اس حدیث کے متعلق جتنی امام ترمذی رحمہ اللہ کی تحسین اور امام حاکم رحمہ اللہ کی تصحیح غلط ہے، امام ابن الجوزی و مناوی رحمہما اللہ کی مذکورہ علت بھی اس سے کچھ کم غلط نہیں ہے۔ کیونکہ مؤخر الذکر ہر دو حضرات کو حدیث کے راوی عبداللہ بن نافع کے بارے میں وہم ہوا ہے۔ جارحین کے اقوال جو آں رحمہما اللہ نے نقل فرمائے ہیں وہ عبداللہ بن نافع ابوبکر المدنی کے بارے میں وارد ہیں نہ کہ عبداللہ بن نافع الصائغ مولی بنی مخزوم (جو کہ اصلا اس سند کا راوی ہے) کے بارے میں۔ 
عبداللہ بن نافع الصائغ سے امام مسلم رحمہ اللہ نے اپنی صحیح میں روایت لی ہے۔ ابن معین، نسائی، عجلی، خلیلی، ابن حبان، ذہبی اور ابن حجر عسقلانی رحمہم اللہ نے اس کی ثقاہت بیان کی ہے۔ امام احمد رحمہ اللہ کا قول ہے "لم یکن فی الحدیث بذاک" ابو زرعہ رحمہ اللہ فرماتے ہیں "اس میں کوئی حرج نہیں ہے" آں رحمہ اللہ کا ایک دوسرا قول ہے کہ "ثقہ ہے" امام نسائی رحمہ اللہ نے بھی ایک مرتبہ اس کو "لیس بہ باس" بتایا ہے۔ ابن عدی رحمہ اللہ فرماتے ہیں کہ "مالک رحمہ اللہ سے روایت کرتا ہے اور اپنی روایت میں مستقیم الحدیث ہے" امام دارقطنی رحمہ اللہ فرماتے ہیں کہ "اس پر محدثین اعتبار کرتے ہیں" ابن قانع رحمہ اللہ کا قول ہے کہ "صالح ہے" ابن حجر رحمہ اللہ فرماتے ہیں "ثقہ صحیح الکتاب ہے، مگر اس کے حفظ میں لچک ہے" امام بخاری رحمہ اللہ کا قول ہے "فی حفظہ شئی" امام ابو حاتم الرازی رحمہ اللہ فرماتے ہیں "وہ حفظ حدیث میں لچک والا ہے اور اس کی کتاب اصح ہے" علامہ طاہر پٹنی گجراتی فرماتے ہیں "مجھے علم نہیں کہ کسی نے اس کو مطعون کیا ہے۔" مزید تفصیلی ترجمہ کے لئے حاشیہ (12) میں مذکور کتب ملاحظہ فرمائیں۔ 
زیر مطالعہ حدیث کے ضعف کی علت سلیمان بن یزید ابو المثنی راوی ہے جیسا کہ امام ذہبی رحمہ اللہ نے "تلخیص المستدرک" میں امام حاکم رحمہ اللہ کی تصحیح پر تعقبا تحریر فرمایا ہے کہ "میں کہتا ہوں سلیمان رادی "واہ" ہے۔ بعض ائمہ نے اس کو ترک کیا ہے" امام منذری رحمہ اللہ نے بھی "ترغیب" میں اس پر تعقب کرتے ہوئے لکھا ہے "تمام مخرجین اس کو ابو مثنیٰ کے طریق سے روایت کرتے ہیں اور وہ راہ ہے اگرچہ بعض نے اس کی توثیق بھی کی ہے۔" (13)
سلیمان بن یزید ابو مثنیٰ کے متعلق علامہ بغوی رحمہ اللہ فرماتے ہیں "ابو حاتم رحمہ اللہ نے اس کی بہت زیادہ تضعیف کی ہے" امام ابن حبان رحمہ اللہ کا قول ہے "اس کے ساتھ احتجاج جائز نہیں ہے۔" امام ذہبی رحمہ اللہ اور ابن الجوزی رحمہ اللہ بیان کرتے ہیں کہ "ابو حاتم الرازی رحمہ اللہ نے ابو مثنی کو منکر الحدیث اور غیر قوی بتایا ہے" امام ابن حجر عسقلانی رحمہ اللہ کا قول ہے کہ "طبقہ ششم کا ضعیف راوی ہے" تفصیلی ترجمہ کے لئے حاشیہ (14) کے تحت درج کتب کا مطالعہ مفید ہو گا۔ 
لہذا یہ حدیث سند میں عبداللہ بن نافع الصائغ کی موجودگی کے باعث نہیں بلکہ ابو مثنی سلیمان بن یزید الکوفی الکعبی کی بدولت "ضعیف" ہے۔ محدث عصر علامہ شیخ محمد ناصر الدین الالبانی حفظہ اللہ نے بھی "سلسلۃ الاحادیث الضعیفہ والموضوعہ" میں اس حدیث کو وارد کر کے اس پر "ضعیف" (15) ہونے کا حکم لگایا ہے 

 مگر افسوس کہ دور حاضر اور ماضی قریب کے علماء میں سے مولانا اشرف علی تھانوی مرحوم نے "حیوۃ المسلمین" (16) میں، مفتی ولی حسن ٹونکی صاحب نے "قربانی کے احکام و مسائل" (17) کے زیر عنوان، مولانا طارق محمود مدنی صاحب نے "قربانی کی فضیلت" (18) کے تحت، مولانا سعید احمد جلال پوری صاحب نے "قربِ الٰہی کا بہترین ذریعہ قربانی" (19) اور "الاضحیہ واجبہ" (20) کے تحت، پروفیسر عبدالمجید صاحب نے "عید الاضحیٰ سنت ابراہیمی کی تجدید کا دن" (21) کے زیر عنوان، مولانا عبدالرشید ارشد صاحب نے "قربانی کی حقیقت رضائے الٰہی کا حصول اور سنتِ ابراہیمی کا احیاء ہے" (22) کے تحت، مولانا منظور احمد نعمانی صاحب نے "عیدالاضحیٰ، ارشادات نبوی صلی اللہ علیہ وسلم کی روشنی میں" (23) کے تحت اور مولانا عبدالرؤف ظفر صاحب "مسئلہ قربانی کی شرعی حیثیت" (24) کے زیر عنوان اس حدیث کو مختصرا یا مطولا بطور دلیل نقل کیا ہے۔ فیا للعجب

~~~~

دوسری حدیث: 
اس باب کی دوسری مشہور حدیث یہ ہے 

" ما عمل آدمي في هذا اليوم أفضل من دم يهراق، إلا أن يكون رحما توصل "

"اس دن کسی آدمی کا کوئی عمل قربانی سے افضل نہیں ہے سوائے اس کے کہ رشتہ داری کا پاس کیا جائے" 

اس حدیث کو امام طبرانی رحمہ اللہ نے "معجم الکبیر" (25) میں بطریق حسن بن یحییٰ الخشنی عن اسماعیل بن عیاش عین لیث بن ابی سلیم عن طاؤس عن ابن عباس قال قال رسول اللہ صلی اللہ علیہ وسلم فی یوم الاضحیٰ (فذکرہ) روایت کیا ہے۔ پاکستان کے مشہور عالم دین مولانا مفتی ولی حسن ٹونکی صاحب نے اس حدیث کو اپنے محولہ مضمون میں بطور دلیل نقل کیا ہے مگر اس کے ضعف کی جانب اشارہ فرماتے ہوئے علامہ ہیثمی رحمہ اللہ فرماتے ہیں 
"اس کو طبرانی رحمہ اللہ نے کبیر میں روایت کیا ہے لیکن اس کی سند میں یحییٰ بن حسن الخشنی ہے جو کہ ضعیف ہے ایک جماعت نے اس کی توثیق بھی کی ہے۔" (26)
اور علامہ منذری فرماتے ہیں
"طبرانی رحمہ اللہ نے اسے کبیر میں حضرت ابن عباس رضی اللہ عنہ سے روایت کیا ہے مگر اس کی سند میں یحییٰ بن الحسن الخشنی ہے جس کا حال میرے سامنے نہیں ہے۔" (27)
یحییٰ بن الحسن الخشنی کہ جس کی طرف علامہ ہیثمی و علامہ منذری رحمہما اللہ نے اشارہ فرمایا ہے، کا ترجمہ باوجود تلاش بسیار کے راقم کو کہیں نہ مل سکا البتہ علامہ سمعانی رحمہ اللہ نے حسن بن یحییٰ الخشنی کے متعلق علماء کا اختلاف نقل کیا ہے۔ اصل "معجم الکبیر" میں بھی حسن بن یحییٰ ہی مذکور ہے۔ نہ معلوم کس طرح علامہ ہیثمی و منذری رحمہما اللہ کو اس راوی کے نام کے بارے میں وہم ہوا ہے۔
حسن بن یحییٰ الخشنی الدمشقی البلاطی "تہذیب" کے رجال میں سے ہے۔ ابن معین رحمہ اللہ کا قول ہے کہ "کچھ بھی نہیں۔" نسائی رحمہ اللہ فرماتے ہیں "ثقہ نہیں ہے" دارقطنی رحمہ اللہ نے اسے "متروک" قرار دیا ہے۔ دحیم رحمہ اللہ کا قول ہے کہ "اس میں کوئی حرج نہیں" یحییٰ رحمہ اللہ نے ایک مرتبہ "ثقہ" اور دوسری مرتبہ "غیر ثقہ" کہا ہے۔ ابن عدی کا قول ہے "تحتمل روایایۃ" ابو حاتم رحمہ اللہ فرماتے ہیں "صدوق! مگر بُرے حافظہ والا تھا" ابن حبان رحمہ اللہ فرماتے ہیں "بہت زیادہ منکر الحدیث تھا ثقات کی طرف سے بے اصل اور متقدمین کی طرف سے غیر متابع روایات بیان کرتا تھا۔" علامہ ابن حجر عسقلانی فرماتے ہیں "طبقہ ہشتم کا صدوق مگر کثیر الغلط راوی ہے" تفصیلی ترجمہ کے لئے حاشیہ (28) میں درج کتب ملاحظہ فرمائیں۔
حسن بن یحییٰ الخشنی کے علاوہ اس حدیث کی اسناد میں سے اسماعیل بن عیاش اور لیث بن ابی سلیم کا شمار بھی ضعیف راویوں میں ہوتا ہے۔
اسماعیل بن عیاش کو ابو حاتم رحمہ اللہ نے "لین" یعنی لچک والا بتایا ہے۔ دارقطنی، بیہقی، ابن دقیق العید رحمہ اللہ، نسائی رحمہ اللہ اور منذری رحمہ اللہ وغیرہ نے ابن عیاش کو ضعیف قرار دیا ہے مگر ابن معین رحمہ اللہ نے اس کی توثیق کی ہے۔ ابن حبان رحمہ اللہ نے ایک طرف تو ابن عیاش کو اپنی کتاب "الثقات" میں وارد کیا ہے مگر دوسری طرف اپنی دوسری کتاب "المجروحین" میں فرماتے ہیں "اس کی حدیث میں بہت خطا ہوتی ہے" امام بخاری رحمہ اللہ بیان فرماتے ہیں "اپنے شہر والوں سے روایت کرنے میں صدوق مگر دوسروں سے روایت کرنے میں مخلط ہے" امام احمد رحمہ اللہ کا قول ہے "اسماعیل تمام ضرب سے روایت کرتا ہے" علامہ شوکانی رحمہ اللہ فرماتے ہیں "اسماعیل بن عیاش مقبول ہے کیونکہ جمہور کے نزدیک اس کی وہ روایت جو وہ شامیوں سے بیان کرتا ہے قوی ہوتی ہیں" امام ابن الجوزی رحمہ اللہ فرماتے ہیں "جب اسماعیل عمر دراز ہوا تو اس کے حافظہ میں تغیر آ گیا تھا اس لئے وہ اپنی حدیثوں میں بکثرت خطا کرتا اور اسے اس کا قطعا علم نہ ہوتا تھا" تفصیلی ترجمہ کے لئے حاشیہ (29) کے تحت مذکور کتب کا مطالعہ مفید ہو گا۔
اب اسی سند کے تیسرے ضعیف راوی لیث بن ابی سلیم کے حالات کا بھی ایک مختصر جائزہ لے لیں۔ امام احمد رحمہ اللہ فرماتے ہیں "مضطرب الحدیث ہے" یحییٰ رحمہ اللہ و نسائی رحمہ اللہ نے اسے "ضعیف" بتایا ہے۔ ابن معین رحمہ اللہ کا قول ہے کہ "اس میں کوئی حرج نہیں ہے" عجلی رحمہ اللہ کا ایک قول بھی یہی ہے۔ آں رحمہ اللہ کے دوسرے قول کے مطابق لیث "جائز الحدیث ہے" امام بیہقی رحمہ اللہ فرماتے ہیں "محدثین کے نزدیک ضعیف ہے" امام بیہقی رحمہ اللہ نے اس کی بہت سی روایات کو معلوم کرا ہے۔ ابن قطان رحمہ اللہ کا قول ہے "فیہ مقال" ابن سعد رحمہ اللہ فرماتے ہیں "صالح شخص تھا مگر ضعیف الحدیث تھا۔"
ثقات میں سے شعبہ اور ثوری رحمہما اللہ نے اس سے روایت کی ہے، امام مسلم رحمہ اللہ نے بھی متابعات میں اس سے تخریج کی ہے مگر امام ابن حجر عسقلانی رحمہ اللہ فتح الباری میں فرماتے ہیں "ضعیف اور سیئی الحفظ ہے اس کے باوجود اس کی حدیث پر اعتبار و استشہاد کیا جاتا ہے" آں رحمہ اللہ ہی اپنی دوسری کتاب "تقریب" میں فرماتے ہیں "صدوق ہے، آخر عمر میں اختلاط کرتا تھا اور اپنی حدیث میں تمیز نہ کر پاتا تھا پس متروک ہے" خلاصہ یہ ہے کہ "فضیل بن عیاض کہتے ہیں کہ اہل علم میں سے ہے" ابن حبان رحمہ اللہ فرماتے ہیں "آخر عمر میں اختلاط کا شکار تھا، اسانید گھڑتا تھا، مراسیل کو مرفوع کرتا اور ثقات کی طرف سے ایسی روایات لاتا جو ان کی احادیث میں سے نہیں ہوتی تھیں۔ عبدالحق رحمہ اللہ فرماتے ہیں "ضعیف الحدیث ہے" علامہ زیلعی حنفی رحمہ اللہ بیان کرتے ہیں "مستضعف، متکلم فیہ، ضعیف اور فیہ مقال ہے" علامہ شمس الحق عظیم آبادی رحمہ اللہ فرماتے ہیں "یحییٰ قطان رحمہ اللہ، ابن مہدی رحمہ اللہ، ابن معین رحمہ اللہ اور احمد بن حنبل رحمہ اللہ نے اس کو ترک کیا ہے" اور امام نووی رحمہ اللہ "تہذیب الاسماء" میں فرماتے ہیں "علماء کا اس کے ضعف پر اتفاق ہے" مزید تفصیلی حالات کے لئے حاشیہ (30) کے تحت درج کی گئی کتب کا مطالعہ مفید ہو گا۔
لہذا یہ حدیث بھی اسناد میں مسلسل ضعفاء کی موجودگی کے باعث "ضعیف" قرار پائے گی۔ علامہ محمد ناصر الدین الالبانی حفظہ اللہ نے بھی اس حدیث کو ضعیف قرار دیا ہے۔ (31)

~~~~

تیسری حدیث: 
اس سلسلہ کی تیسری زبان زد حدیث یہ ہے

من ضحي طيبة نفسه محتسبا لاضحيته كانت له حجابا من النار

"جو شخص اس طرح قربانی کرے کہ اس کا دل خوش ہو اور وہ اپنی قربانی میں ثواب کی نیت رکھتا ہو تو وہ قربانی اس کے لئے دوزخ سے آڑ ہو جائے گی" 

اس حدیث کو امام طبرانی رحمہ اللہ نے "معجم الکبیر" میں حسن بن علی رضی اللہ عنہ سے مرفوعا روایت کیا ہے اور علامہ جلال الدین سیوطی رحمہ اللہ نے "جامع الصغیر" میں وارد کر کے گویا اس کی صحت کی طرف اشارہ فرمایا ہے لیکن اس کے متعلق علامہ ہیثمی رحمہ اللہ فرماتے ہیں "اس کی سند میں سلیمان بن عمرو نخعی ہے جو کذاب ہے" (32)
علامہ مناوی رحمہ اللہ نے "جامع الصغیر" کی شرح میں علامہ ہیثمی رحمہ اللہ کا مذکورہ بالا قول نقل کرتے ہوئے علامہ سیوطی رحمہ اللہ کا رد فرمایا ہے اور لکھتے ہیں کہ "مصنف کو چاہیے تھا کہ اس حدیث کو کتاب سے حذف کر دیں"
اس حدیث کے مجروح راوی سلیمان بن عمرو النخعی ابوداؤد الکوفی کو امام نسائی رحمہ اللہ نے "متروک الحدیث" بتایا ہے۔ امام احمد رحمہ اللہ فرماتے ہیں کہ "کذاب" ہے۔ یحییٰ رحمہ اللہ کا قول ہے "وہ ان راویوں میں سے ہے جو کذاب اور حدیث گھڑنے کے لئے مشہور ہیں۔" یزید بن ہارون فرماتے ہیں "کسی شخص کو اس سے حدیث کی روایت کرنا جائز نہیں ہے" امام بخاری رحمہ اللہ فرماتے ہیں "وہ کذب کے لئے معروف ہے" امام دارقطنی رحمہ اللہ نے اسے "متروک" بتایا ہے۔ امام ابن حبان رحمہ اللہ فرماتے ہیں "بظاہر صالح شخص تھا مگر جھوٹی حدیثیں گھڑا کرتا تھا، قدری بھی تھا اس کی حدیث کا لکھنا جائز نہیں ہے اور نہ ہی اس کا ذکر اِلا یہ کہ علی جہتِ الاعتبار ہو" علامہ زیلعی رحمہ اللہ فرماتے ہیں "ابن الجوزی رحمہ اللہ نے اس کی تکذیب کی ہے" امام ذہبی فرماتے ہیں "کذاب ہے، امام بخاری کا قول ہے کہ متروک ہے۔ قتیبہ رحمہ اللہ اور اسحاق رحمہ اللہ نے اس پر کذب کے ساتھ جرح کی ہے" ابن عدی رحمہ اللہ فرماتے ہیں "اس بات پر اجماع ہے کہ وہ حدیث گھڑتا تھا" مزید تفصیلات کے لئے حاشیہ (33) میں درج کتب کی طرف رجوع فرمائیں۔
پس یہ حدیث سلیمان بن عمرو النخعی کی موجودگی کے باعث "موضوع" قرار پائے گی۔ شیخ الحدیث علامہ محمد ناصر الدین الالبانی حفظہ اللہ نے "سلسلۃ الاحادیث الضعیفہ والموضوعہ" میں اسے "موضوع" قرار دیا ہے (34) مگر علوم حدیث سے عدم ممارست کے باعث مولانا اشرف علی تھانوی مرحوم نے "حیوۃ المسلمین" (35) میں اور مولانا طارق مدنی صاحب نے اپنے مضمون "قربانی کی فضیلت" میں اس موضوع حدیث سے احتجاج کیا ہے۔ فانا للہ

~~~~

چوتھی حدیث: 
فضائل قربانی کے بارے میں چوتھی حدیث یوں بیان کی جاتی ہے۔ 

ايها الناس ضحوا واحتسبوا بدمائها فان الدم وان وقع في الارض فانه يقع في حرز الله عزوجل 

"اے لوگو قربانی کرو اور اس کے خون سے ثواب کی امید رکھو کیونکہ جب خون زمین پر گرتا ہے ہے تو وہ حرز اللہ عزوجل میں پہنچ جاتا ہے" 

اس حدیث کو بھی امام طبرانی رحمہ اللہ نے اپنی "معجم الاوسط" میں حضرت علی رضی اللہ عنہ سے مرفوعا روایت کیا ہے لیکن امام ہیثمی رحمہ اللہ فرماتے ہیں "اس کی سند میں عمرو بن الحصین العقیلی موجود ہے جو کہ متروک الحدیث ہے" (36)
اس عمرو بن الحصین العقیلی الکلابی کے متعلق امام ابن حجر عسقلانی رحمہ اللہ فرماتے ہیں "طبقہ دہم کا متروک راوی ہے۔" امام دارقطنی رحمہ اللہ نے اسے "متروک"، ابو حاتم الرازی رحمہ اللہ نے "ذاہب الحدیث، لیس بشئی" ابو زرعہ رحمہ اللہ نے "واہی الحدیث"، ابن عدی رحمہ اللہ نے "متروک الحدیث" اور ازدی رحمہ اللہ نے "بہت زیادہ ضعیف" قرار دیا ہے۔ تفصیلی ترجمہ کے لئے حاشیہ (37) میں مذکور کتب ملاحظہ فرمائیں۔ 
عمرو بن الحصین راوی کی موجودگی کے باعث یہ حدیث "موضوع" قرار پائی۔ علامہ محمد ناصر الدین الالبانی حفظہ اللہ نے بھی اس حدیث کو "موضوع" یعنی مَن گھڑت قرار دیا ہے۔ (38)

~~~~

پانچویں حدیث: 
اس باب کی پانچویں حدیث یہ ہے 

ما انفقت الورق في شئ احب الي الله من نحير ينحر في يوم عيد 

"قربانی کے دن کہیں روپیہ پیسہ خرچ کرنا اللہ تعالیٰ کے نزدیک قربانی میں خرچ کرنے سے افضل نہیں ہے" 

اس حدیث کو امام طبرانی رحمہ اللہ نے "معجم الکبیر" میں (39) امام دارقطنی رحمہ اللہ نے اپنی "سنن" (40) اور اپنے "خلاصہ فوائد" (41) میں، قاسم الھمدانی نے اپنی کتاب "الفوائد" میں (42) اور ابن ابی شریح نے اپنی "جزء بیی" (43) میں بطریق ابراہیم بن یزید الخوزی عن عمرو بن دینار عن طاؤس عن ابن عباس مرفوعا بہ روایت کیا ہے۔
ان مخرجین حدیث کے علاوہ امام ابن تیمیہ رحمہ اللہ نے اس حدیث کو "منتقی الاخبار" (44) میں بحوالہ دارقطنی رحمہ اللہ علامہ متقی رحمہ اللہ نے "کنز العمال" (45) میں، علامہ منذری رحمہ اللہ نے "ترغیب" (46) میں اور علامہ سیوطی رحمہ اللہ نے "جامع الصغیر" (47) میں بحوالہ طبرانی و سنن بیہقی رحمہ اللہ وارد کر کے گویا اس کی صحت کی طرف اشارہ کیا ہے جبکہ امام ابن الجوزی رحمہ اللہ نے اپنی کتاب "العلل المتناہیہ فی الاحادیث الواہیہ" میں اسے وارد کرنے کے بعد فرمایا ہے
"یہ حدیث صحیح نہیں ہے امام احمد رحمہ اللہ اور امام نسائی رحمہ اللہ فرماتے ہیں ابراہیم بن یزید متروک ہے اور یحییٰ رحمہ اللہ کا قول ہے کہ "دھیلہ کے برابر بھی نہیں ہے۔" (48)
امام ابن الجوزی رحمہ اللہ کے علاوہ محدثین میں سے علامہ ہیثمی رحمہ اللہ بھی "مجمع الزوائد و منبع الفوائد" میں فرماتے ہیں (49)
"اس کی سند میں ابراہیم بن یزید الخوزی ہے جو کہ ضعیف ہے"
اور امام ابن حبان رحمہ اللہ نے اپنی کتاب "المجروحین" (50) میں اسے ابراہیم بن یزید الخوزی کے ترجمہ میں وارد کیا ہے لیکن ابن حبان رحمہ اللہ کی روایت میں " مِن نحير يُنحر " کے بجائے " مِن نحرة تنحر " کے الفاظ وارد ہیں۔
اس ابراہیم بن یزید الخوزی المکی کے متعلق امام احمد، نسائی، علی بن جنید، اور ابن حجر عسقلانی رحمہم اللہ فرماتے ہیں کہ "متروک الحدیث" ہے۔ امام یحییٰ رحمہ اللہ کا قول ہے کہ "کچھ بھی نہیں ہے" آں رحمہ اللہ کا ہی ایک دوسرا قول ہے کہ "ثقہ نہیں ہے" امام دارقطنی رحمہ اللہ نے اسے "منکر الحدیث بتایا ہے" امام بخاری رحمہ اللہ کا قول ہے "سکتوا عنہ" امام ترمذی رحمہ اللہ فرماتے ہیں کہ اس کے بارہ میں بعض اہل علم نے حافظ کی نسبت سے کلام کیا ہے۔ مگر ابن عدی فرماتے ہیں "یکتب حدیثہ" امام ابن حبان فرماتے ہیں "اس نے بہت سی منکرات اور اوہام غلیظہ روایت کی ہیں" برقی رحمہ اللہ کا قول ہے کہ "وہ کذب کے لئے مہتم ہے" تفصیلی ترجمہ کے لئے حاشیہ (51) میں درج کتب ملاحظہ فرمائیں۔
پس یہ حدیث ابراہیم بن یزید الخوزی کی موجودگی کے باعث بہت زیادہ ضعیف قرار پائے گی۔ علامہ شیخ محمد ناصر الدین الالبانی حفظہ اللہ نے اس کو بجا طور پر "ضعیف جدا" قرار دیا ہے۔ (52)  

مگر افسوس کہ جامعہ ملک سعود الریاض سے وابستہ ہمارے ایک فاضل دوست جناب محمد اقبال کیلانی صاحب نے ادارۃ العامہ لشئون المصاحف و مراقبہ الکتب (رئاسۃ ادارۃ البحوث العلمیہ والافتاء والدعوۃ والارشاد، الریاض) سے منظور شدہ اپنی "کتاب الصیام" میں اس حدیث سے ایک مسئلہ یوں تخریج فرمایا ہے
"مسئلہ 178: قربانی کا پیسہ کسی دوسری جگہ خرچ کرنے سے نہ قربانی کا ثواب ملتا ہے نہ اس کا بدل بن سکتا ہے" (53) ۔۔۔۔ فانا للہ وانا الیہ راجعون

~~~~

چھٹی حدیث: 
اس باب کی چھٹی حدیث حسب ذیل ہے 

يا فاطمه قومي الي اضحيتك فاشهديها فانه يغفرلك عند اول قطرة من دمها كل ذنب عملتيه وقولي ﴿إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِينَ لَا شَرِيكَ لَهُ ۖ وَبِذَٰلِكَ أُمِرْتُ وَأَنَا أَوَّلُ الْمُسْلِمِينَ﴾ (الآية) قال عمران: قلت يا رسول الله هذا لك ولاهل بيتك خاصة ام للمسلمين عامة؟ قال لا بل للمسلمين عامة 

"اے فاطمہ! اٹھ کر اپنی قربانی کے پاس ہو جاؤ کیونکہ تم کو معلوم ہونا چاہیے کہ اس قربانی کے خون کا پہلا قطرہ گرنے پر ہی تیرے تمام گناہوں کی مغفرت ہو جائے گی۔ اس وقت یہ دعا پڑھو ﴿إِنَّ صَلاتى وَنُسُكى وَمَحياىَ وَمَماتى لِلَّهِ رَبِّ العـٰلَمينَ ﴿١٦٢﴾ لا شَريكَ لَهُ وَبِذ‌ٰلِكَ أُمِرتُ وَأَنا۠ أَوَّلُ المُسلِمينَ ﴿١٦٣﴾ (54) حضرت عمران بیان کرتے ہیں کہ میں نے سوال کیا یا رسول اللہ! کیا یہ فضیلت خاص آپ صلی اللہ علیہ وسلم اور آپ صلی اللہ علیہ وسلم کے اہل بیت کے لئے ہے یا عام مسلمانوں کے لئے بھی ہے؟ آپ صلی اللہ علیہ وسلم نے فرمایا نہیں بلکہ اس میں عام مسلمان بھی شامل ہیں" 

اس حدیث کی تخریج امام حاکم رحمہ اللہ نے "مستدرک علی الصحیحین" (55) میں، امام بیہقی رحمہ اللہ نے اپنی "سنن الکبریٰ" میں اور طبرانی رحمہ اللہ نے "المعجم الکبیر" و "المعجم الاوسط" میں بطریق نضر بن اسماعیل البجلی ثنا ابو حمزہ الشمالی عن سعید بن جبیر عن عمران بن الحصین مرفوعا قابل بہ کی ہے۔ امام ترمذی رحمہ اللہ نے اپنی "جامع" میں اس حدیث کی طرف ان الفاظ میں اشارہ فرمایا ہے "وفی الباب عن عمران بن الحصین" (56) اس حدیث کو اسحاق بن راہویہ رحمہ اللہ نے بھی اپنی "سند" میں بطریق یحییٰ بن آدم و ابوبکر بن عیاش، عن ثابت عن ابی اسحاق عن عمران بن الحصین فذکرہ روایت کیا ہے۔ جیسا کہ علامہ زیلعی رحمہ اللہ نے "نصب الرایہ" (57) میں اور علامہ عبدالرحمٰن مبارکپوری رحمہ اللہ نے "تحفۃ الاحوذی" (58) میں بیان کیا ہے۔
امام حاکم رحمہ اللہ فرماتے ہیں: "یہ صحیح الاسناد ہے" لیکن امام ذہبی رحمہ اللہ "تلخیص المستدرک" میں امام حاکم رحمہ اللہ کا رد فرماتے ہوئے لکھتے ہیں "قلت ابو حمزہ الشمالی ضعیف جدا" و ابن اسماعیل لیس بذالک" امام بیہقی رحمہ اللہ فقط یہ فرماتے ہیں کہ "فی اسنادہ مقال" اور علامہ ہیثمی رحمہ اللہ کا قول ہے: "اس کی سند میں ابو حمزہ الشمالی ہے اور وہ ضعیف ہے" (59)
ابو حمزہ الشمالی جو ثابت بن ابی صفیہ ہے کے متعلق حافظ ابن حجر عسقلانی فرماتے ہیں "ضعیف رافضی ہے" امام احمد رحمہ اللہ فرماتے ہیں "ضعیف الحدیث اور کچھ بھی نہیں ہے" یحییٰ رحمہ اللہ کا بھی قول ہے کہ "کچھ نہیں ہے کہ "کچھ نہیں ہے" نسائی رحمہ اللہ بیان کرتے ہیں "ثقہ نہیں ہے"۔ سعدی رحمہ اللہ فرماتے ہیں "واھی الحدیث ہے" علی بن الجنید رحمہ اللہ نے اسے "متروک" اور دارقطنی رحمہ اللہ نے "ضعیف" قرار دیا ہے۔ ابو حاتم رحمہ اللہ کا قول ہے کہ "لین الحدیث ہے" اور امام ابن حبان رحمہ اللہ فرماتے ہیں "اخبار میں کثیر الوہم ہے لہذا اگر روایت میں منفرد ہو تو حد احتجاج سے خارج ہے، تشیع میں غلو بھی کرتا ہے" تفصیلی ترجمہ کے لئے حاشیہ (60) کے تحت درج شدہ کتب ملاحظہ فرمائیں۔ 
پس یہ حدیث "منکر" قرار پائی جیسا کہ علامہ محمد ناصر الدین الالبانی حفظہ اللہ نے سلسلہ الاحادیث الضعیفہ والموضوعہ (61) میں بیان فرمایا ہے

امام حاکم رحمہ اللہ نے اس حدیث کی ایک شاہد روایت اپنی "مستدرک علی الصحیحین" میں بطریق عمرو بن قیس عن عطیہ عن ابی سعید الخدری مرفوعا اس طرح تخریج فرمائی ہے: 
يا فاطمة قومي الي اضحيتك فاشهديها فان لك باول قطرة تقطر من دمها ان يغفرلك ما سلف من ذنوبك فقالت فاطمة يا رسول الله هذا لنا اهل البيت خاصة او لنا و للمسلمين عامة؟ قال لا بل لنا وللمسلمين عامة (62)

اس حدیث کو امام بزار رحمہ اللہ نے اپنی "مسند" میں اور ابو الشیخ ابن حبان رحمہ اللہ نے اپنی کتاب "الضحایا" میں بھی روایت کیا ہے جیسا کہ "ترغیب" (63) میں مذکور ہے۔ امام بزار رحمہ اللہ فرماتے ہیں "اس باب میں ابو سعید سے مروی اس سے بہتر کسی اور طریق کا ہمیں علم نہیں ہے۔ عمرو بن قیس کوفہ کے فضلاء میں سے تھے کہ جن کی حدیث لکھی جاتی ہے" (64) امام حاکم رحمہ اللہ نے بھی اس روایت پر سکوت اختیار کیا ہے مگر علامہ ذہبی "تلخیص المستدرک" میں فرماتے ہیں "میں کہتا ہوں کہ اس میں عطیہ واہ ہے" علامہ ہیثمی رحمہ اللہ بھی "مجمع الزوائد و منبع الفوائد" میں بزار رحمہ اللہ کی روایت کے متعلق تحریر فرماتے ہیں "اس میں عطیہ بن قیس رحمہ اللہ ہے جس پر بکثرت کلام کیا گیا ہے لیکن بعض نے اس کی توثیق بھی کی ہے" (65)
اس عطیہ بن سعد بن جنادہ العونی ابو الحسن الکونی کی ثوری رحمہ اللہ، ہشیم رحمہ اللہ، یحییٰ رحمہ اللہ، احمد رحمہ اللہ، رازی رحمہ اللہ، اور نسائی رحمہ اللہ نے تضعیف فرمائی ہے۔ امام ابن حجر عسقلانی رحمہ اللہ "تقریب" میں فرماتے ہیں "صدوق مگر بکثرت خطا کرنے والا اور مدلس شیعہ تھا" "فتح الباری" میں فرماتے ہیں "اس میں ضعف ہے" اور "تعریف اہل التقدیس" میں فرماتے ہیں "معروف تابعی، ضعیف الحفظ، اور قبیح تدلیس کے لئے مشہور ہے" امام عجلی فرماتے ہیں "کوفی ثقہ تابعی ہے لیکن قوی نہیں ہے" ابن حبان رحمہ اللہ فرماتے ہیں "ابو سعید الخدری رضی اللہ عنہ سے احادیث سنیں پھر جب ابو سعید رضی اللہ عنہ کا انتقال ہو گیا تو کلبی کی مجالس میں بیٹھنا اختیار کیا۔ اور جب یہ کہنا چاہتا کہ کلبی نے کہا تو ابو سعید کی کنیت کے ساتھ کہتا جس سے لوگوں کو یہ گمان ہوتا کہ اس کی مراد الخدری رضی اللہ عنہ سے ہے حالانکہ اس کی مراد کلبی سے ہوتی تھی۔ پس اس سے احتجاج جائز نہیں ہے اور نہ اس کی حدیث کا لکھنا اِلا یہ کہ علی جہت التعجب ہو" امام ذہبی رحمہ اللہ فرماتے ہیں "مشہور تابعی لیکن ضعیف ہے"۔ ابو حاتم رحمہ اللہ کا قول ہے "اس کی حدیث لکھی جاتی ہے مگر وہ ضعیف ہے" سالم المراوی رحمہ اللہ فرماتے ہیں کہ "عطیہ تشیع کیا کرتا تھا" ابن معین رحمہ اللہ کا قول ہے کہ "صالح تھا" ابن المدینی رحمہ اللہ نے یحییٰ رحمہ اللہ سے نقل کیا ہے کہ "عطیہ، ابو ہارون اور بشر بن حرب میرے نزدیک ہم پلہ ہیں" مزید تفصیلی حالات کے لئے حاشیہ (66) میں درج کتب کی طرف رجوع فرمائیں۔ 
ابن ابی حاتم رحمہ اللہ نے کتاب "العلل" میں اپنے والد رحمہ اللہ سے نقل فرمایا ہے کہ "یہ حدیث منکر ہے" (67) محدث شہیر عبدالرحمٰن مبارکپوری رحمہ اللہ نے "تحفۃ الاحوذی" میں ابو حاتم رحمہ اللہ کا یہ قول نقل فرمایا ہے۔ (68)
امام حاکم رحمہ اللہ نے "مستدرک علی الصحیحین" (69) میں، امام بیہقی رحمہ اللہ نے "سنن الکبریٰ" میں، ابو قاسم اصبہانی رحمہ اللہ نے "ترغیب والترہیب" میں اور ابو الفتح سلیم بن ایوب الفقیہ الشافعی رحمہ اللہ نے کتاب "الترغیب" میں اس حدیث کو بطریق مسلم بن ابراہیم ثنا سعید بن زید ثنا عمرو بن خالد مولی بنی ہاشم عن محمد بن علی بن الحسین بن علی بن ابی طالب عن ابیہ عن جدہ عن علی بن ابی طالب مرفوعا بھی روایت کیا ہے اس حدیث کے متعلق "ترغیب" میں مذکور ہے "ہمارے بعض مشائخ نے حضرت علی رضی اللہ عنہ کی اس حدیث کی تحسین فرمائی ہے۔ علامہ متقی رحمہ اللہ نے اس کو "کنز العمال" (70) میں وارد کیا ہے علامہ زیلعی حنفی رحمہ اللہ نے "نصب الرایہ" میں (71) اس حدیث پر سکوت اختیار فرمایا ہے۔ مگر ابو الفتح رحمہ اللہ فرماتے ہیں "اس میں سعید بن زید اخو حماد بن زید ہے" اور شارح ترمذی رحمہ اللہ علامہ عبدالرحمٰن مبارکپوری رحمہ اللہ فرماتے ہیں "اس کی سند میں عمرو بن خالد والواسطی ہے اور وہ متروک ہے جیسا کہ تلخیص میں مذکور ہے" (72)
سعید بن زید بن درہم الازدی الجہنی اخو حماد بن زید کی یحییٰ بن سعید رحمہ اللہ نے بہت زیادہ تضعیف کی ہے۔ سعدی رحمہ اللہ کا قول ہے کہ "ائمہ حدیث اس کی احادیث کی تضعیف کرتے تھے وہ حجت نہیں ہے" نسائی رحمہ اللہ کا قول ہے "قوی نہیں ہے" امام احمد رحمہ اللہ فرماتے ہیں "اس میں کوئی حرج نہیں ہے" ابن معین رحمہ اللہ اور عجلی رحمہ اللہ نے اس کی توثیق کی ہے۔ ابن عدی رحمہ اللہ فرماتے ہیں "میرے نزدیک وہ ان رواۃ میں سے ہے جن کے ساتھ صدق منسوب ہے" امام ذہبی رحمہ اللہ فرماتے ہیں "ابن معین رحمہ اللہ نے اس کی توثیق کی ہے مگر قطان رحمہ اللہ اور دارقطنی رحمہ اللہ نے اس کی تضعیف کی ہے" ابن حبان رحمہ اللہ فرماتے ہیں "حافظ صدوق تھا اور ان روایانِ حدیث میں سے تھا جو اخبار میں خطا اور آثار میں وہم کرتے ہیں حتی کہ اگر روایت میں منفرد ہوں تو ان سے احتجاج نہیں کیا جاتا" اور امام ابن حجر عسقلانی رحمہ اللہ فرماتے ہیں "صدوق ہے مگر اس کے پاس اوہام ہیں" اور "فتح الباری" میں فرماتے ہیں "صدوق ہے، بعض ائمہ نے اس کے حافظہ پر کلام کیا ہے۔ صحیح بخاری میں سوائے ایک مقام کے اور وہ بھی معلقا اس سے کوئی روایت نہیں ہے" تفصیلی ترجمہ کے لئے حاشیہ (73) کے تحت مذکورہ کتب کا مطالعہ مفید ہو گا۔
اور عمرو بن خالد الواسطی القرشی الکوفی مؤطا بنی ہاشم کی امام احمد رحمہ اللہ و یحییٰ بن معین رحمہ اللہ اور دارقطنی رحمہ اللہ نے تکذیب فرمائی ہے۔ وکیع رحمہ اللہ فرماتے ہیں "ہمارے پڑوس میں رہتا تھا، حدیث گھڑا کرتا تھا جب اس کے خلاف فتنہ اٹھ کھڑا ہوا تو وہ اوسط چلا گیا" اسحاق بن راہویہ رحمہ اللہ اور ابو زرعہ رحمہ اللہ کا قول ہے کہ "حدیث گھڑا کرتا تھا" نسائی رحمہ اللہ فرماتے ہیں "متروک الحدیث ہے" امام ذہبی رحمہ اللہ بیان کرتے ہیں "عباس رحمہ اللہ نے یحییٰ رحمہ اللہ سے نقل کیا ہے کہ کذاب، غیر ثقہ تھا"۔ ابن حبان رحمہ اللہ فرماتے ہیں "یہ ان رواۃ میں سے تھا جو اثبات کی طرف سے موضوعات روایت کرتے ہیں" اور ابن حجر عسقلانی رحمہ اللہ فرماتے ہیں کہ "طبقہ ہشتم کا متروک راوی ہے" وکیع رحمہ اللہ نے اس پر کذب بیانی کا الزام عائد کیا ہے" تفصیلی ترجمہ کے لئے حاشیہ (74) کے تحت درج کتب ملاحظہ فرمائیں۔ 

مقام صد افسوس ہے کہ اس "موضوع" حدیث کو مولانا اشرف علی تھانوی مرحوم نے "حیوۃ المسلمین" (75) میں، مولانا طارق محمود مدنی صاحب نے اپنے مضمون "قربانی کی فضیلت" میں، مولانا سعید احمد جلال پوری صاحب نے "الاضحیۃ واجبۃ" اور "قرب الٰہی کا بہترین ذریعہ قربانی" میں، مفتی ولی حسن ٹونکی صاحب نے "قربانی کے احکام و مسائل" میں اور ڈاکٹر سید محمود اللہ نور صاحب نے "ذوالحجہ کے عشرہ اول میں معجزات انبیاء کرام علیہم السلام" میں بطور دلیل پیش کیا ہے۔

~~~~

نویں حدیث
اس باب کی نویں حدیث جو زبان زد ہر خاص و عام ہے یوں بیان کی جاتی ہے 

قال اصحاب رسول الله صلي الله عليه وسلم يا رسول الله ما هذه الاضاحي قال سنة ابيكم ابرهيم عليه الصلوة والسلام قالوا فما لنا فيها يا رسول الله قال بكل شعرة حسنة قال فالصوف يا رسول الله قال بكل شعرة من الصوف حسنة 

"اصحاب رسول اللہ صلی اللہ علیہ وسلم نے سوال کیا یا رسول اللہ یہ قربانیاں کیا ہیں؟ آپ صلی اللہ علیہ وسلم نے فرمایا کہ تمہارے باپ حضرت ابراہیم علیہ الصلوۃ والسلام کی سنت ہے لوگوں نے پوچھا ان کا ہمارے لیے کیا ثواب ہے؟ فرمایا ہر بال کے بدلہ میں ایک نیکی ہے انہوں نے پوچھا اور اون؟ فرمایا: اون کے ہر بال کے بدلہ بھی ایک نیکی ہے" 

اس حدیث کو امام احمد بن حنبل رحمہ اللہ نے اپنی "مسند" میں، ابن ماجہ رحمہ اللہ نے اپنی "سنن" (76) میں، ابن عدی رحمہ اللہ نے "کامل فی الضعفاء" (77) میں، حاکم رحمہ اللہ نے "مستدرک علی الصحیحین" (78) میں اور امام بیہقی رحمہ اللہ نے "سنن الکبریٰ" (79) میں بطریق سلام بن مسکین عن عائذ اللہ عن ابی داؤد عن زید بن ارقم قال قال اصحاب الرسول صلی اللہ علیہ وسلم بہ تخریج فرمایا ہے۔ امام ترمذی رحمہ اللہ نے اپنی "جامع" میں اس حدیث کو ان الفاظ کے ساتھ وارد کیا ہے "ويروي عن رسول الله صلي الله عليه وسلم انه قال في الاضحيته لصاحبها بكل شعرة حسنه ويروي بقرونها" (80)
اگرچہ اس روایت کو علامہ ابن تیمیہ رحمہ اللہ نے "منتقی الاخبار" (81) میں، علامہ متقی رحمہ اللہ نے "کنز العمال" (82) میں وارد کیا ہے اور کوئی کلام نہیں کیا لیکن امام ترمذی رحمہ اللہ نے البتہ اس کو معلقا بدون اسناد ذکر فرما کر گویا اس کی تضعیف فرمائی ہے حالانکہ امام حاکم رحمہ اللہ کا قول ہے کہ "یہ صحیح الاسناد ہے" امام ذہبی رحمہ اللہ امام حاکم رحمہ اللہ پر تعقب کرتے ہوئے "تلخیص المستدرک" میں تحریر فرماتے ہیں "میں کہتا ہوں کہ عائذ اللہ کو ابو حاتم رحمہ اللہ نے منکر الحدیث بنایا ہے" علامہ عبدالرحمٰن مبارکپوری رحمہ اللہ فرماتے ہیں "اس کی سند میں ایک راوی عائذ اللہ المجاشعی ہے جس کے متعلق امام بخاری رحمہ اللہ کا قول ہے " لا يصح حديثه " مگر ابن حبان رحمہ اللہ نے اس کی توثیق کی ہے جیسا کہ خلاصہ میں مذکور ہے۔ (83) بوصیری رحمہ اللہ "الزوائد" میں فرماتے ہیں "اس کی اسناد میں ابوداؤد ہے جس کا نام نفیع بن الحارث ہے اور وہ متروک اور حدیث وضع کرنے کے لئے مہتم ہے" اور حافظ منذری رحمہ اللہ "ترغیب" میں فرماتے ہیں "بلکہ یہ روایت واہی ہے۔ عائذ اللہ جو المجاشعی ہے اور ابوداؤد جو نفیع بن الحارث الاعمی ہے دونوں ساقط ہیں" (84) امام ابن عدی رحمہ اللہ نے اس حدیث کو عائذ اللہ المجاشعی کے ترجمہ میں وارد کیا ہے اور فرماتے ہیں " لا يصح حديثه " امام بخاری رحمہ اللہ سے بھی ایسا ہی منقول ہے۔ امام عقیلی رحمہ اللہ نے اس حدیث کو اپنی "ضعفاء الکبیر" (85) میں عائذ اللہ المجاشعی کے ترجمہ کے تحت وارد کیا ہے جبکہ امام ابن حبان رحمہ اللہ نے "کتاب المجروحین" میں (86) نفیع بن الحارث کے ترجمہ میں، امام ذہبی نے "میزان الاعتدال فی نقد الرجال" میں (87) عائذ اللہ اور نفیع بن الحارث دونوں راویوں کے ترجموں میں وارد کیا ہے۔ محدث عصر علامہ شیخ محمد ناصر الدین الالبانی حفظہ اللہ نے "سلسلۃ الاحادیث الضعیفہ والموضوعہ" (88) میں اس کو "موضوع" قرار دیا ہے۔

مگر افسوس کہ اس حدیث کو مولانا اشرف علی تھانوی مرحوم نے "حیوۃ المسلمین" میں (89) مولانا منظور احمد نعمانی صاحب نے اپنے مضمون "عید الاضحیٰ ارشادار نبوی کی روشنی میں" میں، مفتی ولی حسن ٹونکی صاحب نے "قربانی کے احکام و مسائل" میں، مولانا طارق محمود مدنی صاحب نے "قربانی کی فضیلت" میں، مولانا سعید احمد جلال پوری صاحب نے "الاضحية واجبة" اور "قرب الٰہی کا بہترین ذریعہ قربانی" میں، مولانا عبدالرشید ارشد صاحب نے اپنے مضمون "قربانی کی حقیقت رضائے الٰہی کا حصول اور سنت ابراہیمی کا احیاء ہے" کے تحت اور جامعہ ملک سعود الریاض سے وابستہ ہمارے ایک فاضل دوست جناب محمد اقبال کیلانی صاحب نے ادارہ العامتہ لشؤن المصاحب و مراقبۃ الکتب (رئاستہ ادارۃ البحوث العلمیۃ والافتاء والدعوۃ والارشاد بالریاض) سے منظور شدہ اپنی "کتاب الصیام" (90) میں، "مسئلہ نمبر 17 قربانی کی فضیلت" کے زیر عنوان بطور دلیل نقل کیا ہے۔ إِنَّا لِلَّـهِ وَإِنَّا إِلَيْهِ رَاجِعُونَ
زیر مطالعہ حدیث نیز اس کے رواۃ پر تفصیلی بحث کے لئے راقم کا زیر نظر مضمون کے آخر میں طبع شدہ مضمون "کیا قربانی کے جانوروں کے ہر بال کے عوض ایک نیکی کا ثواب ہے؟" ملاحظہ فرمائیں۔

~~~~

دسویں حدیث: 
اس باب کی دسویں حدیث وہ ہے جس میں مروی ہے کہ 

اپنی قربانیوں کے جانوروں کو خوب کھلا پلا کر فربہ کرو کیونکہ وہ پل صراط پر تمہاری سواریاں ہوں گی۔ 

بعض روایات میں ان قربانیوں کو جنت کی سواریاں بھی بیان کیا گیا ہے۔ عام طور پر بیان کی جانے والی روایات کے الفاظ اس طرح ہیں 

استفرهوا ضحايكم فانها مطاياكم علي الصراط 

اس حدیث کو ضیاء مقدسی رحمہ اللہ نے "منتقی من مسموعاتہ بمرو" (91) میں اور دیلمی رحمہ اللہ نے "مسند الفردوس" میں بطریق ابن المبارک عن یحییٰ بن عبیداللہ عن ابیہ قال سمعت ابا ہریرۃ فذکرہ مرفوعا بہ روایت کیا ہے لیکن اس سند کا راوی یحییٰ بن عبیداللہ بن عبداللہ بن موہب المدنی التیمی بقول امام نسائی رحمہ اللہ و دارقطنی رحمہ اللہ ضعیف ہے۔ ابن حبان فرماتے ہیں "اپنے والد سے بے اصل چیزوں کی روایت کرتا ہے اس کا باپ ثقہ ہے لیکن یہ ساقط الاحتجاج ہے" قطان رحمہ اللہ نے اسے "ثقہ" بتایا ہے، شعبہ رحمہ اللہ فرماتے ہیں "میں نے اس کی احادیث کو ترک کر دیا ہے" ابن معین رحمہ اللہ کا قول ہے "کچھ بھی نہیں ہے" ابن مثنی رحمہ اللہ بیان کرتے ہیں کہ "اس سے یحییٰ القطان رحمہ اللہ نے روایت کی تھی پھر اسے ترک کر دیا تھا" امام احمد رحمہ اللہ فرماتے ہیں "اس کی احادیث مناکیر ہوتی ہیں" ایک مرتبہ آں رحمہ اللہ نے فرمایا "ثقہ نہیں ہے" ابن عیینہ رحمہ اللہ کا قول ہے کہ "ضعیف ہے" علامہ ابن حجر عسقلانی رحمہ اللہ فرماتے ہیں "طبقہ ششم کا متروک راوی ہے"۔ امام حاکم رحمہ اللہ نے اس کو "فاحش بتایا ہے اور حدیث گھڑنے کے لئے مہتم قرار دیا ہے" ابو حاتم رحمہ اللہ کا قول ہے کہ "بہت زیادہ ضعیف الحدیث و منکر الحدیث ہے" امام مسلم رحمہ اللہ نے بھی اسے "متروک الحدیث" قرار دیا ہے۔ تفصیلی ترجمہ کے لئے حاشیہ (92) ملاحظہ فرمائیں۔
اس مجروح راوی یحییٰ کا والد عبیداللہ بن عبداللہ بن موہب المدنی بھی عند المحدثین "مجہول" ہے اگرچہ امام ابن حجر عسقلانی رحمہ اللہ نے اسے "مقبول" اور علامہ عجلی رحمہ اللہ و ابن حبان رحمہ اللہ نے "ثقہ" بتایا ہے مگر عجلی رحمہ اللہ و ابن حبان رحمہ اللہ کی توثیق عند المحققین بسبب تساہل مقبول و مؤثر نہیں ہوا کرتی۔ عبیداللہ بن عبداللہ کے متعلق امام شافعی رحمہ اللہ، امام احمد رحمہ اللہ، ہیثمی رحمہ اللہ، اور جوزجانی رحمہ اللہ متفقہ طور پر فرماتے ہیں: "لا یعرف" مزید تفصیلات کے لئے حاشیہ (93) میں درج کتب ملاحظہ فرمائیں۔
اس حدیث کے متعلق امام ابن حجر عسقلانی رحمہ اللہ فرماتے ہیں "اس کی تخریج صاحب مسند الفردوس نے یحییٰ بن عبیداللہ بن موہب کے طریق سے کی ہے اور یحییٰ بہت زیادہ ضعیف ہے" (94) علامہ سخاوی رحمہ اللہ فرماتے ہیں "اس کو دیلمی نے ابن المبارک میں یحییٰ بن عبیداللہ عن ابیہ عن ابی ہریرۃ مرفوعا مسندا روایت کیا ہے اور یحییٰ بہت زیادہ ضعیف ہے۔ (پھر حافظ ابن الصلاح رحمہ اللہ کا قول نقل فرماتے ہیں جو ذرا آگے پیش کیا جائے گا)" (95)
علامہ شیبانی اثری رحمہ اللہ فرماتے ہیں "مختلف الفاظ کے ساتھ متعدد طرق سے حضرت ابو ہریرہ رضی اللہ عنہ سے مرفوعا مروی ہے۔ حافظ ابن الصلاح رحمہ اللہ کا قول ہے "یہ حدیث غیر معروف ہے اور ہمارے علم کے مطابق اس بارے میں کچھ بھی ثابت نہیں ہے۔" (96) علامہ عجلونی جراحی رحمہ اللہ بیان کرتے ہیں "دیلمی رحمہ اللہ نے اس کو حضرت ابو ہریرہ رضی اللہ عنہ سے بہت زیادہ ضعیف سند کے ساتھ مرفوعا روایت کیا ہے" (97) علامہ محمد درویش حوت البیروتی رحمہ اللہ فرماتے ہیں "یہ حدیث غیر ثابت ہے جیسا کہ ابن الصلاح رحمہ اللہ وغیرہ نے بیان کیا ہے اسی طرح "انها مطاياكم في الجنه" والی حدیث بھی غیر ثابت ہے اور فضیلتِ و صفِ اضحیہ کی کوئی حدیث صحیح نہیں ہے" (98) علامہ سمہودی رحمہ اللہ فرماتے ہیں "ابن الصلاح رحمہ اللہ نے اس کو بے اصل بتایا ہے"۔ بعض دوسرے محققین فرماتے ہیں ضحایا (کی فضیلت) کے متعلق کوئی صحیح چیز وارد نہیں ہے" (99) علامہ جلال الدین سیوطی رحمہ اللہ نے اسے "الدرر المنشرہ" (100) اور "جامع الصغیر" (101) میں بحوالہ دیلمی رحمہ اللہ وارد کیا ہے اور فرماتے ہیں ہیں کہ "یحییٰ ضعیف ہے" مگر اس کے باوجود آں رحمہ اللہ ہی نے اس حدیث کو اپنی دوسری کتاب "الجامع الکبیر" (102) میں بحوالہ مسند دیلمی رحمہ اللہ "وامالی" للقاضی عبدالجبار عن ابی ہریرۃ رحمہ اللہ توقیرا وارد کیا ہے۔ علامہ متقی رحمہ اللہ نے "کنز العمال" میں اور مولانا اشرف علی تھانوی مرحوم نے "حیوۃ المسلمین" (103) میں اس کو بطور دلیل ذکر کیا ہے، فانا للہ وانا الیہ راجعون۔ واضح رہے کہ علامہ مناوی رحمہ اللہ نے "فیض القدیر شرح الجامع الصغیر" (104) میں اس کی تضعیف فرمائی ہے اور محدث عصر علامہ شیخ محمد ناصر الدین الالبانی حفظہ اللہ نے "ضعیف الجامع الصغیر" (105) اور "سلسلہ الاحادیث الضعیفہ والموضوعہ" (106) میں اس کو "بہت زیادہ ضعیف" قرار دیا ہے۔ 
اسی مضمون کی ایک اور حدیث ان الفاظ کے ساتھ بھی بیان کی جاتی ہے " عظموا ضحاياكم فانها علي الصراط مطاياكم " مگر اس کے متعلق علامہ سخاوی رحمہ اللہ اور اسماعیل عجلونی رحمہ اللہ فرماتے ہیں "امام الحرمین الجوینی رحمہ اللہ کی النہایہ میں، غزالی رحمہ اللہ کی الوسیط اور الوجیز میں نیز رافعی رحمہ اللہ کی العزیز (جو شوافع کے نزدیک شرح الکبیر ہے) میں یہ حدیث ان الفاظ کے ساتھ وارد ہے۔ عظموا ضحاياكم فانها علي الصراط مطاياكم امام الحرمین رحمہ اللہ فرماتے ہیں اس کا مطلب یہ ہے کہ قربانی کرنے والوں کے لئے قربانی کے جانور خود سواریاں بن جائیں گے۔ بعض دوسرے لوگوں کا قول ہے کہ ان قربانیوں کی برکت سے پل صراط پر سے بہ آسانی گزرنا ممکن ہو گا گویا کہ وہ سواریاں بن جائیں گی۔ لیکن علامہ ابن الصلاح رحمہ اللہ کا قول ہے کہ یہ حدیث غیر معروف اور ہمارے علم کے مطابق غیر ثابت ہے۔"(107)
علامہ شیخ محمد ناصر الدین الالبانی حفظہ اللہ "سلسلۃ الاحادیث الضعیفہ والموضوعہ" میں فرماتے ہیں "یہ حدیث ان الفاظ کے ساتھ بے اصل (108) ہے۔ 

مولانا اشرف علی تھانوی مرحوم نے "حیوۃ المسلمین" میں، (109) اس حدیث پر اعتماد کرتے ہوئے تقریبا وہی معانی بیان کیے ہیں جو اوپر ذکر ہو چکے ہیں ۔۔۔ فانا للہ ونا الیہ راجعون 

اور ابن ملقن رحمہ اللہ کا قول ہے "میں کہتا ہوں کہ صاحب الفردوس نے اس کو "غطموا" کے بجائے "استفرھوا" کے ساتھ متشدا روایت کیا ہے لہذا مروی ہے: 
ضحوا بالثمينة القوية السمينة (یعنی قیمتی، طاقتور اور فربہ جانوروں کی قربانیاں کیا کرو)۔" (110)

لیکن محدث عصر علامہ محمد ناصر الدین الالبانی حفظہ اللہ فرماتے ہیں کہ "ابن ملقن رحمہ اللہ کی یہ حدیث سندا بہت زیادہ ضعیف ہے۔" (111)

افسوس کہ مشہور حنفی محقق ملا علی قاری رحمہ اللہ نے اپنی شہرہ آفاق شرح مشکوۃ میں دیگر فضائل قربانی کے ساتھ قربانیوں کے پل صراط پر سواریاں ہونے والی مذکورہ بالا روایت پر بھی اعتماد کیا ہے چنانچہ تحریر فرماتے ہیں 

افضل العبادات يوم العيد اراقة دم القربات وانه ياتي يوم القيمة كما كان في الدنيا من غير نقصان شيئی ليكون بكل عضو سنه اجر و تصير مركبه علي الصراط وكل يوم مختص بعبادة وخص يوم النحر بعبادة فعلها ابراهيم عليه الصلوة والسلام من التضحية والتكبير ولو كان شيئی افضل من ذبح الغنم في فداء الانسان لما فدي اسماعيل عليه السلام بذبح الغنم (112) 

"عید کے روز تمام عبادات سے افضل (عبادت) خون بہانا ہے اور وہ (قربانی) بغیر کسی نقصان کے قیامت کے دن لائی جائے گی جس طرح کہ وہ دنیا میں تھی اور اس کے ہر عضو کے بدلہ اجر دیا جائے گا اور پل صراط پر اس کے لیے سواری کا کام دے گی۔ ہر دن عبادت کے لئے مخصوص ہوتا ہے۔ قربانی کا دن بھی عبادت کے لئے مخصوص ہے اس دن کو حضرت ابراہیم علیہ الصلوۃ والسلام نے قربانی اور تکبیر کے ساتھ عبادت میں گزارا۔ اگر (اس دن) بکری کی قربانی سے افضل کوئی چیز ہوتی تو حضرت اسماعیل علیہ السلام کے بدلہ میں بکری ذبح نہ کی جاتی" 

واضح رہے کہ بعض روایات میں اضافہ کرنے والوں کے لئے ان قربانیوں کا پل صراط کے بجائے جنت میں سواریاں ہونا بھی مذکور ہے " فانها مطاياكم في الجنة " جیسا کہ اوپر ضمنا بیان کیا جا چکا ہے مگر علامہ سخاوی و شیبانی و حوت بیروتی وغیرہم رحمہم اللہ نے اس کو بھی "غیر معروف و غیر ثابت" بتایا ہے۔ (113)

حاصل کلام 
قربانی کی تاکید و اہمیت و مسنونیت اپنی جگہ مسلم ہے 

مگر افسوس کہ اس کی فضیلت میں بیان کی جانے والی کوئی ایک حدیث بھی صحت کے درجہ کو نہیں پہنچتی جو بھی روایات اس بارے میں وارد ہیں ان میں سے کچھ تو بہت زیادہ ضعیف ہیں، کچھ منکر، کچھ بے اصل اور کچھ موضوع۔ اس باب کی اصح یعنی بہتر سے بہتر روایات بھی ضعیف راویوں سے خالی نہیں ہے۔ اسی باعث "جامع ترمذی" کے مشہور شارح علامہ ابن العربی رحمہ اللہ یہ فرمانے پر مجبور ہوئے کہ "اضحیہ کی فضیلت میں کوئی صحیح حدیث وارد نہیں ہے۔" (114) مگر محدث شہیر دادا مرحوم (علامہ عبدالرحمٰن مبارکپوری رحمہ اللہ) نے علامہ ابن العربی رحمہ اللہ کے اس قول کا مطلب یہ بیان فرمایا ہے "امر واقعہ یہی ہے جیسا کہ ابن العربی رحمہ اللہ نے بیان کیا ہے لیکن اس باب کی (مذکورہ بالا نویں) حدیث سے ظاہر ہے کہ وہ حسن درجہ کی ہے صحیح نہیں ہے، واللہ اعلم۔" (115) 

ایسی ہی بہت سی ناقابل احتجاج روایات میں سے ایک زبان زد روایت وہ بھی ہے جس میں قربانی کے جانور کے ہر ہر بال کے عوض ایک نیکی کے اجر و ثواب کا ملنا مذکور ہے۔ 

"کیا قربانی کے جانور کے ہر بال کے عوض ایک نیکی کا ثواب ہے؟" 
مولانا منظور احمد نعمانی صاحب اپنے مضمون میں فرماتے ہیں 
"حضرت زید بن ارقم رضی اللہ عنہ سے روایت ہے کہ رسول اللہ صلی اللہ علیہ وسلم کے بعض اصحاب نے عرض کیا یا رسول اللہ! ان قربانیوں کی کیا حقیقت اور کیا تاریخ ہے؟ آپ نے فرمایا یہ تمہارے (روحانی اور نسلی) مورث حضرت ابراہیم علیہ السلام کی سنت ہے (یعنی سب سے پہلے ان کو اللہ تعالیٰ کی طرف سے اس کا حکم دیا گیا اور وہ کیا کرتے تھے، ان کی اس سنت اور قربانی کے اس عمل کی پیروی کا حکم مجھ کو اور میری امت کو بھی دیا گیا ہے) ان صحابہ نے عرض کیا پھر ہمارے لئے یا رسول اللہ ان قربانیوں میں کیا اجر ہے؟ آپ صلی اللہ علیہ وسلم نے فرمایا: قربانی کے جانور کے ہر ہر بال کے عوض ایک نیکی، انہوں نے عرض کیا تو کیا اون کا بھی یا رسول اللہ یہی حساب ہے؟ (اس سوال کا مطلب تھا کہ بھیڑ، دنبہ، مینڈھا، اونٹ، جیسے جانور جن کی کھال پر گائے یا بکری کی طرح کے بال نہیں ہوتے بلکہ اون ہوتا ہے اور یقینا ان میں سے ایک جانور کی کھال پر لاکھوں یا کروڑوں بال ہوتے ہیں تو کیا اون والے جانوروں کی قربانی کا ثواب بھی ہر بال کے عوض ایک نیکی کی شرح سے ملے گا) آپ صلی اللہ علیہ وسلم نے فرمایا ہاں اون یعنی اون والے جانور کی قربانی کا اجر بھی اسی شرح اور اسی حساب سے ملے گا کہ اس کے بھی ہر بال کے عوض ایک نیکی (مسند احمد، سنن ابن ماجہ)" 

اور مولانا مفتی ولی حسن ٹونکی صاحب فرماتے ہیں
"قربانی کی بڑی فضیلتیں ہیں۔ مسند احمد کی روایت میں ایک حدیث پاک ہے۔ 

زید بن ارقم کہتے ہیں کہ حضور صلی اللہ علیہ وسلم کے صحابہ رضی اللہ عنہم نے عرض کیا کہ یہ قربانیاں کیا ہیں؟ آپ صلی اللہ علیہ وسلم نے فرمایا قربانی تمہارے باپ ابراہیم علیہ السلام کی سنت ہے۔ صحابی نے پوچھا ہمارے لئے اس میں کیا ثواب ہے؟ آپ صلی اللہ علیہ وسلم نے فرمایا ایک بال کے عوض ایک نیکی ہے۔ اون کے متعلق فرمایا اس کے ایک بال کے عوض بھی ایک نیکی ہے۔" 

اور جناب طارق محمود مدنی صاحب اپنے مضمون "قربانی کی فضیلت" میں فرماتے ہیں 

"زید بن ارقم رضی اللہ عنہ سے روایت ہے کہ صحابہ رضی اللہ عنہم نے پوچھا یا رسول اللہ صلی اللہ علیہ وسلم یہ قربانی کیا چیز ہے۔ آپ صلی اللہ علیہ وسلم نے فرمایا تمہارے (نسبی یا روحانی) باپ ابراہیم علیہ السلام کا طریقہ ہے۔ انہوں نے عرض کیا کہ ہم کو اس میں کیا ملتا ہے؟ آپ صلی اللہ علیہ وسلم نے فرمایا ہر بال کے بدلے ایک نیکی انہوں نے عرض کیا کہ اگر اون والا جانور (یعنی بھیڑ یا دنبہ) ہو۔ آپ صلی اللہ علیہ وسلم نے فرمایا کہ ہر اون کے بدلے میں بھی ایک نیکی۔" (حاکم) 

اور جناب سعید احمد جلال پوری صاحب "قرب الٰہی کا بہترین ذریعہ قربانی" کے زیر عنوان تحریر فرماتے ہیں
"آپ نے فرمایا کہ (قربانی کے جانور کے) ہر ہر بال کے عوض ایک نیکی ہے پھر انہوں نے عرض کیا اون کا بھی یہی حساب ہے؟ آپ صلی اللہ علیہ وسلم نے فرمایا ہاں اون والے جانور کی قربانی کا اجر بھی اسی شرح سے ملے گا کہ ہر بال کے عوض ایک نیکی" (کنز العمال صفحہ 239 ج نمبر 5) 

اور مولانا عبدالرشید ارشد صاحب "قربانی کی حقیقت رضائے الٰہی کا حصول اور سنت ابراہیمی کا احیاء ہے" کے عنوان کے تحت فرماتے ہیں 

" ۔۔ چنانچہ حدیث میں آتا ہے کہ ایک مرتبہ صحابہ کرام نے آپ صلی اللہ علیہ وسلم سے پوچھا ترجمہ ۔۔۔ اے اللہ کے رسول! ان قربانیوں کی کیا حقیقت ہے؟ تو آپ صلی اللہ علیہ وسلم نے فرمایا کہ یہ تمہارے والد گرامی سیدنا ابراہیم علیہ السلام کی سنت ہے تو صحابہ نے پوچھا کہ ان قربانیوں سے کیا حاصل ہو گا تو آپ نے فرمایا کہ ایک ایک بال کے بدلے نیکی ملے گی۔" 

یہ تھے اس بارے میں شائع ہونے والی علماء کرام کی حالیہ تحریروں کے چند اقتباسات، اب اس بارے میں وارد ہونے والی اصل حدیث ملاحظہ فرمائیں 

قال اصحاب رسول الله صلي الله عليه وسلم: يا رسول الله ما هذه الاضاحي؟ قال سنة ابيكم ابراهيم عليه الصلوة والسلام قالوا فما لنا فيها يا رسول الله؟ قال بكل شعرة حسنة قال فالصوف يا رسول الله؟ قال بكل شعرة من الصوف حسنة 

"اصحابِ رسول اللہ صلی اللہ علیہ وسلم نے سوال کیا یا رسول اللہ! یہ قربانیاں کیا ہیں؟ آپ صلی اللہ علیہ وسلم نے فرمایا تمہارے باپ حضرت ابراہیم علیہ الصلوۃ والسلام کی سنت ہے، لوگوں نے پوچھا ان کا ہمارے لئے کیا ثواب ہے؟ فرمایا ہر بال کے بدلہ ایک نیکی۔ انہوں نے پوچھا اور اون؟ فرمایا اون کے ہر بال کے بدلہ بھی ایک نیکی ہے۔" 

اس حدیث کی تخریج امام احمد بن حنبل رحمہ اللہ نے "مسند" میں، امام ابن ماجہ رحمہ اللہ نے "سنن"  میں، امام ابن عدی رحمہ اللہ نے "کامل فی الضعفاء"  میں، امام حاکم رحمہ اللہ نے "مستدرک علی الصحیحین" میں اور امام بیہقی رحمہ اللہ نے "سنن الکبریٰ" میں بطریق سلام بن مسکین عن عائذ اللہ عن ابی داؤد عن زید بن ارقم قال قال اصحاب رسول اللہ صلی اللہ علیہ وسلم بہ فرمائی ہے۔ امام ترمذی رحمہ اللہ نے "جامع" میں اس حدیث کو یوں ذکر فرمایا ہے
ويروي عن رسول الله صلي الله عليه وسلم انه قال في الاضحية لصاحبها بكل شعرة حسنة ويروي بقرونها
علامہ ابن تیمیہ رحمہ اللہ نے امام احمد رحمہ اللہ اور ابن ماجہ رحمہ اللہ کی روایت کو اپنی مشہور کتاب "منتقی الاخبار" کے "باب الحث علی الاضحیہ"  کے تحت وارد کیا ہے مگر اس کی صحت پر کوئی کلام نہیں کیا ہے۔ امام ترمذی رحمہ اللہ نے اپنی "جامع" میں اس کو معلقا بدون اسناد ذکر فرما کر گویا اس کے ضعف کی طرف اشارہ فرمایا ہے جبکہ امام حاکم رحمہ اللہ اپنی "مستدرک" میں فرماتے ہیں کہ "یہ حدیث صحیح الاسناد ہے" اس بات کے قطعی فیصلہ کے لئے جب ہم حدیث کی اسناد پر غور کرتے ہیں تو واضح طور پر پتہ چلتا ہے کہ زیر مطالعہ حدیث قطعا غیر صحیح اور ناقابل حجت ہے۔ امام حاکم رحمہ اللہ نے اس کی تصحیح فرمانے میں خطا کی ہے۔ آں رحمہ اللہ کا تصحیح احادیث کے معاملہ میں تساہل اہل علم حضرات کے نزدیک معروف و مشہور ہے۔ چنانچہ امام ذہبی رحمہ اللہ "تلخیص المستدرک" میں امام حاکم رحمہ اللہ کی تصحیح کا رد فرماتے ہوئے لکھتے ہیں
"میں کہتا ہوں عائذ اللہ کو ابو حاتم رحمہ اللہ نے منکر الحدیث بتایا ہے۔" اور علامہ عبدالرحمٰن مبارکپوری رحمہ اللہ فرماتے ہیں 
"اس حدیث کو امام احمد رحمہ اللہ، ابن ماجہ رحمہ اللہ اور حاکم رحمہ اللہ نے روایت کیا ہے۔ حاکم رحمہ اللہ نے اسے صحیح الاسناد قرار دیا ہے مگر میں کہتا ہوں کہ اس کی سند میں ایک راوی عائذ اللہ المجاشعی ہے جس کے متعلق امام بخاری رحمہ اللہ فرماتے ہیں لا يصح حديثه ، لیکن امام ابن حبان رحمہ اللہ نے اس کی توثیق کی ہے جیسا کہ خلاصہ میں مذکور ہے۔"
واضح رہے کہ یہاں امام ذہبی اور علامہ عبدالرحمٰن مبارکپوری رحمہ اللہ نے سند میں صرف عائذ اللہ المجاشعی کی ہی موجودگی کو ناقص صحت قرار دیا ہے گویا باقی دوسرے تمام رواۃ سالم ہیں، حالانکہ ایسا نہیں ہے عائذ اللہ المجاشعی سے اوپر جو راوی ہے اس کا نام نفیع بن الحارث ابو داؤد الاعمی الکوفی ہے جو صرف مطعون ہی نہیں بلکہ تعصیب الجنایہ میں عائذ اللہ سے بھی بڑھ چڑھ کر ہے۔ ذیل میں سند کے ان دونوں مجروح راویوں کے متعلق ائمہ جرح و تعدیل کی کچھ آراء پیش خدمت ہیں 
زید بن ارقم سے روایت کرنے والے اس سند کے پہلے راوی نفیع بن الحارث کی قتادہ رحمہ اللہ نے تکذیب کی ہے، یحییٰ بن معین رحمہ اللہ فرماتے ہیں " ليس بشئی (یعنی ہیچ ہے)" یحییٰ رحمہ اللہ کا دوسرا قول ہے "نہ ثقہ ہے اور نہ مامون" امام نسائی رحمہ اللہ، فلاس رحمہ اللہ اور دارقطنی رحمہ اللہ بیان کرتے ہیں "متروک الحدیث ہے۔" ابو زرعہ کا قول ہے کہ "وہ کچھ بھی نہیں تھا" امام بخاری فرماتے ہیں ائمہ جرح اس کے بارے میں کلام کیا کرتے تھے" ابن مہدی رحمہ اللہ کا قول ہے " يعرف و ينكر " امام عقیلی رحمہ اللہ فرماتے ہیں "یہ وہ شخص ہے جو رفض میں غلو کرتا تھا" حافظ ابن حجر عسقلانی رحمہ اللہ فرماتے ہیں "متروک ہے، ابن معین رحمہ اللہ نے اس کی تکذیب کی ہے" علامہ ھیثمی رحمہ اللہ ایک مقام پر اسے "ضعیف" اور دوسرے مقام پر "متروک" بتاتے ہیں۔ بعض رواۃ کے ساتھ اس کا تدلیس کرنا بھی مروی ہے۔ امام ابن حبان رحمہ اللہ فرماتے ہیں "یہ شخص ان میں سے تھا جو ثقات کی طرف سے توہما اشیائے موضوعات روایت کرتے ہیں، اس کے ساتھ نہ احتجاج جائز ہے اور نہ اس سے روایت لینا الا یہ کہ علی جہت الاعتبار ہو۔" وغیرہ 
اس سند کے دوسرے راوی عائذ اللہ المجاشعی ابو معاد بصری کے متعلق امام بخاری رحمہ اللہ کا مشہور قول ہے " لا يصح حديثه " امام ذہبی رحمہ اللہ فرماتے ہیں "ابو حاتم رحمہ اللہ نے عائذ اللہ کو منکر الحدیث قرار دیا ہے۔" حافظ ابن حجر عسقلانی رحمہ اللہ بیان کرتے ہیں "ساتویں طبقہ کا ضعیف راوی تھا" امام بخاری رحمہ اللہ، امام عقیلی رحمہ اللہ اور امام ابن الجوزی رحمہ اللہ نے اس کا ترجمہ اپنی کتب الضعفاء (والمتروکین) میں اور امام ابن حبان رحمہ اللہ نے اپنی کتاب "المجروحین" میں درج کیا ہے۔ 
اس حدیث کے متعلق بعض مشاہیر علمائے حدیث کی آراء میں سے امام ذہبی رحمہ اللہ اور علامہ مبارکپوری رحمہ اللہ کے اقوال تو اوپر بیان ہو چکے ہیں، چند مزید آراء ملاحظہ فرمائیں حافظ ابن العربی رحمہ اللہ "عارضۃ الاحوذی شرح جامع الترمذی" میں فرماتے ہیں قربانی کی فضیلت میں بیان کی جانے والی کوئی بھی حدیث صحیح نہیں ہے" بوصیری رحمہ اللہ "الزوائد" میں لکھتے ہیں "اس کی اسناد میں ابوداؤد ہے جس کا نام نفیع بن الحارث ہے، وہ متروک اور حدیث گھڑنے کے لئے مہتم ہے" حافظ منذری رحمہ اللہ "ترغیب والترہیب" میں فرماتے ہیں "یہ حدیث جس کی طرف امام ترمذی رحمہ اللہ نے اشارہ فرمایا ہے ابن ماجہ رحمہ اللہ اور حاکم رحمہ اللہ وغیرہ سب نے عن عائذ اللہ عن ابی داؤد عن زید بن ارقم قال بہ، روایت کی ہے ہم نے اس کے الفاظ انفا ذکر کئے ہیں" پھر حافظ منذری رحمہ اللہ حاکم رحمہ اللہ پر معقبا لکھتے ہیں "بلکہ یہ روایت واھی ہے۔ عائذ اللہ جو المجاشعی ہے اور ابو داؤد جو نفیع بن الحارث الاعمی ہے دونوں ساقط ہیں۔"  امام ابن عدی رحمہ اللہ نے اس حدیث کو عائذ اللہ المجاشعی کے ترجمہ میں وارد کیا ہے اور فرماتے ہیں " لا يصح حديثه " امام بخاری سے بھی ایسا ہی منقول ہے۔ امام عقیلی نے بھی زیر مطالعہ حدیث کو عائذ اللہ کے ترجمہ میں ہی وارد کیا ہے جبکہ امام ابن حبان رحمہ اللہ نے اس حدیث کو نفیع بن الحارث کے ترجمہ کے تحت ذکر کیا ہے۔ امام ذہبی رحمہ اللہ نے اس حدیث کو نفیع بن الحارث اور عائذ اللہ دونوں کے تراجم میں نقل کیا ہے۔ خاتمہ بحث
ائمہ جرح و تعدیل اور کبار محدثین و شارحین حدیث کے مندرجہ بالا اقوال کی روشنی میں زیر مطالعہ حدیث کو کسی طرح بھی صحیح یا قابل حجت قرار نہیں دیا جا سکتا ہے۔ جو لوگ فضائل اعمال میں ضعیف احادیث کے مقبول ہونے کے قائل ہیں ان کے لئے بھی یہ حدیث کچھ زیادہ سود مند ثابت نہیں ہو سکتی کیونکہ اس کا مرتبہ "ضعیف" سے بہت فروتر "موضوعات" کے زمرہ میں ہوتا ہے۔ جیسا کہ محدث عصر علامہ شیخ محمد ناصر الدین الالبانی حفظہ اللہ نے اس حدیث کے متعلق "سلسلہ الاحادیث الضعیفہ والموضوعہ"  میں بیان فرمایا ہے۔ 

~~~~~~~~~~~~

حوالہ جات:

(1) جامع ترمذی مع تحفۃ الاحوذی ج نمبر 2 ص 352

(2) سنن ابن ماجہ ص 226

(3) مستدرک للحاکم ج نمبر 4 ص 221-222

(4) شرح السنہ للبغوی ج نمبر 1/1 ص 129

(5) تحفۃ الاحوذی للمبارکپوری ج نمبر 2 ص 353

(6) منتقی الاخبار لابن تیمیہ مترجم ج نمبر 1 ص 1040

(7) مغنی لابن قدامہ ج نمبر 8 ص 618

(8) مجروحین لابن حبان ج نمبر 3 ص 151

(9) میزان الاعتدال للذہبی ج نمبر 4 ص 569

(10) علل المتناھیہ لابن الجوزی ج نمبر 2 ص 79

(11) فیض القدیر للمناوی ج نمبر 5 ص 458

(12) میزان الاعتدال للذہبی ج نمبر 2 ص 513، معرفۃ الرواۃ للذہبی ص 13، معرفۃ الثقات للعجلی ج نمبر 2 ص 64، تقریب التہذیب لابن حجر ج نمبر 1 ص 456، تہذیب التہذیب لابن حجر ج نمبر 6 ص 52، ضعفاء الکبیر للعقیلی ج نمبر 2 ص 311، من کلام ابن معین فی الرجال ص 116، قانون الضعفاء للفتنی ص 274، تحفۃ الاحوذی للمبارکپوری ج نمبر 1 ص 376 ج نمبر 2 ص 352، نصب الرایہ للزیلعی ج نمبر 3 ص 101

(13) ترغیب للمنذری ج نمبر 2 ص 101

(14) میزان الاعتدال للذہبی ج نمبر 2 ص 228، تقریب التہذیب لابن حجر ج نمبر 2 ص 469، تہذیب التہذیب لابن حجر ج نمبر 12 ص 221، ضعفاء والمتروکین لابن الجوزی ج نمبر 2 ص 25، قانون الضعفاء للفتنی ص 261، تحفۃ الاحوذی للمبارکپوری ج نمبر 2 ص 352

(15) سلسلہ الاحادیث الضعیفہ والموضوعہ للالبانی ج نمبر 2 ص 14

(16) حیوۃ المسلمین للتھانوی ص 120، ماہنامہ محدث لاہور (قسط نمبر 3) ج نمبر 14 عدد نمبر 12 ص 27

(17) روزنامہ جنگ کراچی (عیدالاضحیٰ ایڈیشن) مجریہ 4 جولائی 1990ء

(18) ایضا

(19) ایضا

(20) ماہنامہ بینات کراچی ج نمبر 43 عدد نمبر 6 ص 36 ماہ ذوالحجہ 1403ھ

(21) روزنامہ نوائے وقت لاہور (عید الاضحیٰ ایڈیشن) مجریہ 4 جولائی 1990ء

(22) ایضا

(23) ایضا

(24)ایضاً

(25) معجم الکبیر للطبرانی ج نمبر 3/1 ص 104

(26) مجمع الزوائد للہیثمی ج نمبر 4 ص 18

(27) ترغیب والترہیب للمنذری ج نمبر 2 ص 102

(28) تاریخ یحییٰ بن معین ج نمبر 4 ص 467، تاریخ الکبیر للبخاری ج نمبر ½ ص 309، ضعفاء الکبیر للعقیلی ج نمبر 1 ص 244، جرح والتعدیل لابن ابی حاتم ج نمبر 1 ص 44، مجروحین لابن حبان رحمہ اللہ ج نمبر 1 ص 235، کامل فی الضعفاء لابن عدی ج نمبر 2 ترجمہ 736، ضعفاء والمتروکون للنسائی ترجمہ نمبر 150، ضعفاء والمتروکون للدارقطنی ترجمہ نمبر 190، ضعفاء والمتروکین لابن الجوزی ج نمبر 1 ص 210، میزان الاعتدال للذہبی ج نمبر 1 ص 524-525، مغنی فی الضعفاء للذہبی ج نمبر 1 ص 168، تہذیب التہذیب لابن حجر ج نمبر 2 ص 326، تقریب التہذیب لابن حجر ج نمبر 1 ص 172، قانون الضعفاء للفتنی ص 250 تنزیہ الشریعہ لابن عراق ج نمبر 1 ص 51، مجمع الزوائد للہیثمی ج نمبر 1 ص 249 ج نمبر 2 ص 7

(29) تاریخ یحییٰ بن معین ج نمبر 4 ص 412، 433، 457، تاریخ الکبیر للبخاری ج نمبر 1 ص 369، 370، ضعفاء الکبیر للعقیلی ج نمبر 1 ص 88، جرح والتعدیل لابن ابی حاتم ج نمبر 2 ص 191، کامل فی الضعفاء لابن عدی ج نمبر 1، ص 288، میزان الاعتدال للذہبی ج نمبر 1، ص 240-244 ضعفاء والمتروکون للنسائی ترجمہ نمبر 34، ضعفاء و المتروکین لابن الجوزی ج نمبر 1، ص 118، قانون الضعفاء للفتنی ص 241، معرفۃ الرواۃ للذہبی ص 70، کنی دولابی ج نمبر 2 ص 25، سوالات السجزی للحاکم ص 9، سوالات ابن ابی شیبہ لعلی المدینی ص 161، تغلیق التعلیق لابن حجر ج نمبر 1 ص 266، تقریب التہذیب لابن حجر ج نمبر 1 ص 73، تہذیب التہذیب لابن حجر ج نمبر 1 ص 321-326، تعریف اہل التقدیس لابن حجر ص 82، مجروحین لابن حبان ج نمبر 1، ص 124، الاعتبار للحازمی ص 9، تحقیق لابن الجوزی ج نمبر 1، ص 40، 109، 131، 132، 327، 351، کاشف فی معرفۃ من لہ روایہ فی الکتب الستہ للذہبی ج نمبر 1 ص 127، تاریخ بغداد للخطیب ج نمبر 6 ص 227، موضوعات ابن الجوزی ج نمبر 1 ص 158، 159، فوائد المجموعہ للشوکانی ص 472-473، سنن دارقطنی ج نمبر 1 ص 65، ج نمبر 4 ص 118، 230، سنن الکبریٰ للبیہقی ج نمبر 1 ص 89، 142، 240، ج نمبر 2 ص 256، ج نمبر 3 ص 138، ج نمبر 4 ص 150، ج نمبر 5 ص 333، ج نمبر 6 ص 48 ج نمبر 9 ص 326، فتح الباری لابن حجر ج نمبر 5 ص 375، 221 ج نمبر 9 ص 665 ج نمبر 13 ص 164، 374، 545 تحفۃ الاحوذی للمبارکپوری ج نمبر 1 ص 123، مجمع الزوائد للہیثمی ج نمبر 1 ص 16، 122 ج نمبر 3 ص 25، 60 ج نمبر 4 ص 38، ج نمبر 6 ص 1، ج نمبر 9، ص 285، نصب الرایہ للزیلعی ج نمبر 1 ص 80، 39، 103، 195، 414، ج نمبر 2 ص 167، 310، 329 ج نمبر 3 ص 235، 35 ج نمبر 4 ص 58، 107، 195، 123، 329، 340، 403

(30) تاریخ یحییٰ بن معین ج نمبر 2 ص 501، تاریخ الکبیر للبخاری ج نمبر 4 ص 246 ضعفاء الکبیر للعقیلی ج نمبر 4 ص 14، جرح والتعدیل لابن ابی حاتم ج نمبر 3 ص 177، مجروحین لابن حبان ج نمبر 2 ص 231، کامل فی الضعفاء لابن عدی ج نمبر 6 ص 2105، میزان الاعتدال للذہبی ج نمبر 3 ص 420، تہذیب التہذیب لابن حجر ج نمبر 8 ص 465، تقریب التہذیب لابن حجر ج نمبر 2 ص 138، ضعفاء والمتروکون للنسائی ترجمہ نمبر 511، ضعفاء والمتروکین لابن الجوزی ج نمبر 3 ص 29، قانون الضعفاء للفتنی ص 286-287، علل لاحمد بن حنبل ج نمبر 1 ص 389، تاریخ الداری عن ابن معین ص 159، 197، طبقات الکبریٰ لابن سعد ج نمبر 6 ص 349، معرفۃ الثقات للعجلی ج نمبر 2 ص 23، شرح صحیح مسلم للنووی ج نمبر 1 ص 51، 53 سنن دارقطنی ج نمبر 1 ص 67، 68، 331 ج نمبر 2 ص 191 ج نمبر 3 ص 269، سنن الکبریٰ للبیہقی ج نمبر 1 ص 108 ج نمبر 2 ص 120، 160 ج نمبر 4 ص 108 ج نمبر 5 ص 58، ج نمبر 7 ص 170، 192 ج نمبر 10 ص 38 ھدی الساری لابن حجر ص 349، فتح الباری لابن حجر ج نمبر 1 ص 258 ج نمبر 2 ص 214، 335، 417 ج نمبر 3 ص 233، 459، 534 ج نمبر 4 ص 167، 169، ج نمبر 5 ص 375 ج نمبر 10 ص 138 ج نمبر 11 ص 234، 594 ج نمبر 13 ص 429، تحفۃ الاحوذی للمبارکپوری ج نمبر 1 ص 261 ج نمبر 2 ص 216، مجمع الزوائد للہیثمی ج نمبر 1 ص 83 ج نمبر 3 ص 22 ج نمبر 6 ص 245، 279 ج نمبر 10 ص 94، 142، 180، 349، عون المعبود للعظیم آبادی ج نمبر 1 ص 49، بذل المجھود للسہارنپوری ج نمبر 1 ص 322، 325، نصب الرایہ للزیلعی ج نمبر 1 ص 417 ج نمبر 2 ص 9، 475، 334، 389، ج نمبر 3 ص 99، 102 ج نمبر 4 ص 27، 330، 411

(31) سلسلہ الاحادیث الضعیفہ والموضوعہ للالبانی ج نمبر 2 ص 13

(32) مجمع الزوائد للہیثمی ج نمبر 4 ص 17

(33) تاریخ یحییٰ بن معین ج نمبر 3 ص 554، تاریخ الکبیر للبخاری ج نمبر 2 ص 28، تاریخ الصغیر للبخاری ج نمبر 2 ص 292، ضعفاء الصغیر للبخاری ترجمہ نمبر 53، علل لابن حنبل ج نمبر 1 ص 4، معرفۃ والتاریخ للبستوی ج نمبر 3 ص 57، ضعفاء الکبیر للعقیلی ج نمبر 2 ص 134، جرح والتعدیل لابن ابی حاتم ج نمبر 2 ص 132، مجروحین لابن حبان ج نمبر 1 ص 333، کامل فی الضعفاء لابن عدی ج نمبر 3 ص 1096، ضعفاء والمتروکون للنسائی ترجمہ نمبر 247، ضعفاء والمتروکون للدارقطنی ترجمہ نمبر 256، میزان الاعتدال للذہبی ج نمبر 2 ص 216، ضعفاء والمتروکین لابن الجوزی ج نمبر 2 ص 22-23، کشف الحثیث عمن رمی بوضع الحدیث للحلبی ص 202-203، قانون الضعفاء للفتنی ص 261، تنزیہ الشریعہ لابن عراق ج نمبر 1 ص 65، مختصر سنن ابی داؤد للمنذری ج نمبر 2 ص 187، نصب الرایہ للزیلعی ج نمبر 2 ص 338

(34) سلسلۃ الاحادیث الضعیفہ والموضوعۃ للالبانی ج نمبر 2 ص 15

(35) حیوۃ المسلمین للتھانوی ص 121

(36) مجمع الزوائد ج نمبر 4 ص 17

(37) جرح والتعدیل لابن ابی حاتم ج نمبر 3 ص 229، کامل فی الضعفاء لابن عدی ج نمبر 5 ص 1798، میزان الاعتدال للذہبی ج نمبر 3 ص 252-253، تہذیب التہذیب لابن حجر ج نمبر 8 ص 21، تقریب التقریب لابن حجر ج نمبر 2 ص 68 ضعفاء والمتروکون للدارقطنی ترجمہ نمبر 390 قانون الضعفاء للفتنی ص 280، ضعفاء والمتروکین لابن الجوزی ج نمبر 2 ص 224، کشف الحثیث عمن ری بوضع الحدیث للعجلی رحمہ الہ ص 322، سنن دارقطنی جلد نمبر 1 ص 102، 128، 221، تلخیص المستدرک للذہبی جلد نمبر 2 ص 12 ج نمبر 3 ص 138 جلد نمبر 4 ص 342، تنزیہ الشریعہ لابن عراق ج نمبر 1 ص 93، مجمع الزوائد للہیثمی ج نمبر 5 ص 171، نصب الرایہ للزیلعی ج نمبر 1 ص 20، 125، 205، 206، ج نمبر 4 ص 262

(38) سلسلہ الاحادیث الضعیفہ والموضوعہ للالبانی ج نمبر 2 ص 16

(39) معجم الکبیر للطبرانی ج نمبر 3/1 ص 102

(40) سنن دارقطنی ج نمبر 4 ص 282

(41) خلاصہ فوائد للدارقطنی ج نمبر 1 ص 80

(42) فوائد الھمدانی ج نمبر 1/1 ص 196

(43) جزء بیبی لابن ابی شرح ج نمبر ½ ص 168

(44) منتقی الاخبار لابن تیمیہ مترجم ج نمبر 1 ص 1041

(45) کنز العمال للمتقی ج نمبر 2 ص 371

(46) ترغیب للمنذری ج نمبر 2 ص 155

(47) جامع الصغیر للسیوطی ج نمبر 2 ص 142

(48) علل المتناھیہ لابن الجوزی ج نمبر 2 ص 78

(49) مجمع الزوائد للہیثمی ج نمبر 4 ص 17

(50) مجروحین لابن حبان ج نمبر 1 ص 101

(51) معرفہ والتاریخ للبستوی ج نمبر 3 ص 42، جرح والتعدیل لابن ابی حاتم ج نمبر 1 ص 146، مجروحین لابن حبان ج نمبر 1 ص 100، تاریخ یحییٰ بن معین ج نمبر 3 ص 111، تاریخ الکبیر للبخاری ج نمبر 1 ص 336، تاریخ الصغیر للبخاری ج نمبر 2 ص 110، ضعفاء الصغیر للبخاری ترجمہ 12، ضعفاء الکبیر العقیلی ج نمبر 1 ص 70-71 ضعفاء والمتروکون للنسائی ترجمہ نمبر 14، ضعفاء والمتروکون للدارقطنی ترجمہ نمبر 13، قانون الضعفاء للفتنی ص 234، ضعفاء والمتروکین لابن الجوزی ج نمبر 1 ص 60، میزان الاعتدال للذہبی ج نمبر 1 ص 75، تقریب التہذیب لابن حجر ج نمبر 1 ص 46، تہذیب التہذیب لابن حجر ج نمبر 1 ص 179-180 لسان المیزان لابن حجر ج نمبر 1 ص 125، کامل فی الضعفاء لابن عدی ج نمبر 1 ص 227، تحفۃ الاحوذی للمبارکپوری ج نمبر 4 ص 81، مجمع الزوائد للہیثمی ج نمبر 9 ص 315، تنزیہ الشریعہ لابن عراق ج نمبر 1، ص 25، نصب الرایہ للزیلعی ج نمبر 2 ص 77 ج نمبر 3 ص 8، 9، 12، 33، 34، 86

(52) سلسلہ الاحادیث الضعیفہ والموضوعہ للالبانی ج نمبر 2 ص 12

(53) کتاب الصیام للکیلانی ص 92

(54) الانعام: 162، 163

(55) مستدرک علی الصحیحین للھاکم ج نمبر 4 ص 222

(56) جامع ترمذی مع تحفۃ الاحوذی ج نمبر 2 ص 352

(57) نصب الرایہ للزیلعی ج نمبر 4 ص 219

(58) مجمع الزوائد للہیثمی ج نمبر 4 ص 17

(59) ضعفاء والمتروکون للنسائی ترجمہ نمبر 93، ضعفاء والمتروکون للدارقطنی ترجمہ نمبر 139، ضعفاء والمتروکین لابن الجوزی ج نمبر 1 ص 158، قانون الضعفاء للفتنی ص 39، تقریب التہذیب لابن حجر ج نمبر 1 ص 116، تہذیب التہذیب لابن حجر ج نمبر 2 ص 7 جرح والتعدیل لابن ابی حاتم ج نمبر 1 ص 450، مجروحین لابن حبان ج نمبر 1 ص 206، کامل فی الضعفاء لابن عدی ج نمبر 1 ص 520، میزان الاعتدال للذہبی ج نمبر 1 ص 363، ضعفاء الکبیر للعقیلی ج نمبر 1 ص 172، تاریخ الکبیر للبخاری ج نمبر 1 ص 165، تاریخ یحییٰ بن معین ج نمبر 3 ص 279 تحفۃ الاحوذی للمبارکپوری ج نمبر 1 ص 52 ج نمبر 3 ص 96، مجمع الزوائد للہیثمی ج نمبر 1 ص 145، ج نمبر 3 ص 15، ج نمبر 4 ص 17 ج نمبر 5 ص 37، فتح الباری لابن حجر ج نمبر 13 ص 525

(60) حاشیہ مذکورہ

(61) سلسلۃ الاحادیث الضعیفہ والموضوعہ للالبانی ج نمبر 2 ص 15

(62) مستدرک علی الصحیحین للحاکم ج نمبر 4 ص 222

(63) ترغیب ج نمبر 2 ص 102

(64) کما فی نصب الرایہ الزیلعی ج نمبر 4 ص 219

(65) مجمع الزوائد للہیثمی ج نمبر 4 ص 17

(66) ضعفاء والمتروکون للنسائی ترجمہ نمبر 481، تاریخ یحییٰ بن معین ج نمبر 2 ص 407، تاریخ الکبیر للبخاری ج نمبر 7 ص 8، تاریخ الکبیر العقیلی ج نمبر 3 ص 359 جرح والتعدیل لابن ابی حاتم ج نمبر 6 ص 382، مجروحین لابن حبان ج نمبر 2 ص 176، کامل فی الضعفاء لابن عدی ج نمبر 5 ص 2007، میزان الاعتدال للذہبی ج نمبر 3 ص 79، معرفۃ الثقات للعجلی ج نمبر 2 ص 140، علل لابن حنبل ج نمبر 1 ص 198، تہذیب الکمال للمزی ج نمبر 2 ص 940، تعریف اہل التقدیس لابن حجر ص 130، تہذیب التہذیب لابن حجر ج نمبر 7 ص 224، تقریب التہذیب لابن حجر ج نمبر 2 ص 24، قانون الضعفاء للفتنی ص 278، ضعفاء والمتروکین لابن الجوزی ج نمبر 2 ص 180، فتح الباری لابن حجر ج نمبر 9 ص 66، سنن دارقطنی ج نمبر 4 ص 39، تلخیص المستدرک للذہبی ج نمبر 4 ص 222 سنن الکبریٰ للبیہقی ج نمبر 2 ص 126، ج نمبر 6 ص 30، ج نمبر 7 ص 66، ج نمبر 8 ص 126، مجمع الزوائد للہیثمی ج نمبر 4 ص 59 ج نمبر 9 ص 109 ج نمبر 10 ص 331 ج نمبر 5 ص 74 ج نمبر 3 ص 180، تحفۃ الاحوذی للمبارکپوری ج نمبر 1 ص 347 ج نمبر 3 ص 210 ج نمبر 4 ص 60، نصب الرایہ للزیلعی ج نمبر 1 ص 389، 406، ج نمبر 2 ص 206، ج نمبر 3 ص 227، ج نمبر 4 ص 297، 219، 51، 68

(67) کتاب العلل لابن ابی حاتم ج نمبر 2 ص 38-39

(68) تحفۃ الاحوذی للمبارکپوری ج نمبر 2 ص 352

(69) مستدرک علی الصحیحین للحاکم ج نمبر 4 ص 222

(70) کنز العمال للمتقی ج نمبر 5 ص 221

(71) نصب الرایہ للزیلعی ج نمبر 4 ص 220

(72) تحفۃ الاحوذی للمبارکپوری ج نمبر 2 ص 352

(73) ضعفاء والمتروکون للنسائی ترجمہ نمبر 275، تاریخ یحییٰ بن معین ج نمبر 2 ص 199، تاریخ الکبیر للبخاری ج نمبر 3 ص 472، ضعفاء الکبیر للعقیلی ج نمبر 2 ص 105، جرح والتعدیل لابن ابی حاتم ج نمبر 4 ص 21، کامل فی الضعفاء لابن عدی ج نمبر 3 نمبر 1212، میزان الاعتدال للذہبی ج نمبر 2 ص 138، معرفۃ الرواۃ للذہبی ص 113، تہذیب التہذیب لابن حجر ج نمبر 4 ص 32، معرفۃ الثقات للعجلی ج نمبر 1 ص 399، قانون الضعفاء للفتنی ص 258، ضعفاء والمتروکین لابن الجوزی ج نمبر 1 ص 319، تقریب التہذیب لابن حجر ج نمبر 1 ص 296، مجروحین لابن حبان ج نمبر 1 ص 320، فتح الباری لابن حجر ج نمبر 1 ص 244، تحفۃ الاحوذی للمبارکپوری ج نمبر 2 ص 249

(74) ضعفاء والمتروکون للنسائی ترجمہ نمبر 449، تاریخ یحییٰ بن معین ج نمبر 3 ص 215، 375، 488 ج نمبر 4 ص 352، 378، علل لابن حنبل ج نمبر 1 ص 56، تاریخ الکبیر للبخاری ج نمبر 3 ص 328، تاریخ الصغیر للبخاری ج نمبر 1 ص 310، ضعفاء الصغیر للبخاری ترجمہ نمبر 83، ضعفاء الکبیر للعقیلی ج نمبر 3 ص 268، جرح والتعدیل لابن ابی حاتم ج نمبر 3 ص 230، مجروحین لابن حبان ج نمبر 2 ص 76، کامل فی الضعفاء لابن عدی ج نمبر 5 ص نمبر 1774، ضعفاء والمتروکون للدارقطنی ترجمہ نمبر 403، میزان الاعتدال للذہبی ج نمبر 3 ص 257، مغنی فی الضعفاء للذہبی ج نمبر 2 ص 483، تہذیب التہذیب لابن حجر ج نمبر 8 ص 27، تقریب التہذیب لابن حجر ج نمبر 2 ص 69، سیر اعلام النبلاء للذہبی ج نمبر 10 ص 428، قانون الضعفاء للفتنی ص 281، ضعفاء والمتروکین لابن الجوزی ج نمبر 2 ص 225، علل لابن ابی حاتم ج نمبر 1، ص 46، 48، 140، 151، ج نمبر 2 ص 10، 271، تنقیح ج نمبر 1 ص 166، 167، سنن دارقطنی ج نمبر 1 ص 156، 227، 364، مجمع الزوائد للہیثمی ج نمبر 1 ص 140، 246، تنزیہ الشریعہ لابن عراق ج نمبر 1 ص 93، نصب الرایۃ للزیلعی ج نمبر 1 ص 41، 186، 187، ج نمبر 2 ص 60، 120، 257 اور ج نمبر 3 ص 331

(75) حیوۃ المسلمین للتھانوی ص 121

(76) سنن ابن ماجہ، حدیث نمبر 3127

(77) کامل فی الضعفاء لابن عدی ج نمبر ½ ص 316-317

(78) مستدرک علی الصحیحین للحاکم ج نمبر 2 ص 389

(79) سنن الکبریٰ للبیہقی ج نمبر 9 ص 261

(80) جامع ترمذی مع تحفۃ الاحوذی ج نمبر 2 ص 352

(81) منتقی الاخبار لابن تیمیہ مترجم ج نمبر 1 ص 1040-1041

(82) کنز العمال للمتقی ج نمبر 5 ص 239

(83) تحفۃ الاحوذی للمبارکپوری ج نمبر 2 ص 352-353

(84) ترغیب والترہیب للمنذری ج نمبر 2 ص 101-102

(85) ضعفاء الکبیر للعقیلی ج نمبر 3 ص 419

(86) مجروحین لابن حبان ج نمبر 3 ص 55

(87) میزان الاعتدال للذہبی ج نمبر 2 ص 364 و ج نمبر 4 ص 272

(88) سلسلۃ الاحادیث الضعیفہ والموضوعہ للالبانی ج نمبر 3 ص 157

(89) حیوۃ المسلمین للتھانوی ص 120

(90) کتاب الصیام للکیلانی ص 89

(91) منتقی من مسموعاتہ بمرو للضیاء المقدسی ج نمبر 2 ص 33

(92) تاریخ یحییٰ بن معین ج نمبر 3 ص 280، تاریخ الکبیر للبخاری ج نمبر 4/2 ص 295، تاریخ الصغیر للبخاری ج نمبر 2 ص 4-5، ضعفاء الصغیر للبخاری ترجمہ نمبر 120، ضعفاء الکبیر للعقیلی ج نمبر 4 ص 415، ضعفاء والمتروکون الدارقطنی ترجمہ نمبر 571، جرح والتعدیل لابن ابی حاتم ج نمبر 4/2 ص 167، مجروحین لابن حبان ج نمبر 3 ص 121، کامل فی الضعفاء لابن عدی ج نمبر 7 ص نمبر 2651، میزان الاعتدال للذہبی ج نمبر 4 ص 395، تہذیب التہذیب لابن حجر ج نمبر 1 ص 252، تقریب التہذیب لابن حجر ج نمبر 2 ص 353، ضعفاء والمتروکون لابن الجوزی ج نمبر 3 ص 199، مجمع الزوائد للہیثمی ج نمبر 5 ص 132، ج نمبر 10 ص 319

(93) تقریب التہذیب لابن حجر ج نمبر 1 ص 535، تحفۃ الاحوذی للمبارکپوری ج نمبر 3 ص 287، معرفۃ الثقات للعجلی ج نمبر 2 ص 112، میزان الاعتدال للذہبی ج نمبر 3 ص 11، تحفۃ اللطیفہ ج نمبر 3 ص 124، تہذیب التہذیب لابن حجر ج نمبر 7 ص 29، مجمع الزوائد للہیثمی ج نمبر 1 ص 167

(94) تلخیص للحافظ ج نمبر 4 ص 138

(95) مقاصد الحسنہ للسخاوی ص 58

(96) تمییز الطیب من الخیث الشیبانی ص 27-28

(97) کشف الخفاء و مزیل الالباس للعجلونی رحمہ اللہ ج نمبر 1 ص 133

(98) اسسنی المطالب للحوت بیروتی ص 55 

(99) الغماز علی اللماز للسمہودی ص 41

(100) درر المنشرۃ للسیوطی ص 83

(101) جامع الصغیر للسیوطی حدیث نمبر 992

(102) الجامع الکبیر للسیوطی ج نمبر 1 ص 106

(103) حیوۃ المسلمین للتھانوی ص 123

(104) فیض القدیر للمناوی ج نمبر 1 ص 496

(105) ضعیف الجامع الصغیر للالبانی ص نمبر 924

(106) سلسلہ الاحادیث الضعیفہ والموضوعہ للالبانی ج نمبر 3 ص 411

(107) مقاصد الحسنہ للسخاوی ص 58 و کشف الخفائ و مزیل الالباس للعجولنی ج نمبر 1 ص 133

(108) سلسلہ الاحادیث الضعیفہ والموضوعہ للالبانی ج نمبر 1 ص 102

(109) حیوۃ المسلمین للتھانوی ص 123

(110) خلاصہ لابن الملقن ج نمبر 2 ص 164

(111) سلسلۃ الاحادیث الضعیفہ والموضوعہ للالبانی ج نمبر 1 ص 102

(112) مرقاۃ للقاری ج نمبر 2 ص 268

(113) تمییز الطیب من الخیث للشیبانی ص 28، مقاصد الحسنہ للسخاوی ص 58 اسنی المطالب للحوت بیروتی ص 55

(114) عارضۃ الاحوذی (کتاب الاضاحی) لابن العربی، تحفۃ الاحوذی للمبارکفوری ج نمبر 2 ص 353، مقاصد الحسنہ للسخاوی ص 58، و تمییز الطیب من الخیث للشیبانی ص 27-28

(115) تحفۃ الاحوذی للمبارکفوری ج نمبر 2 ص 353 

اتمام پیج 

شئیر 

.

جمعہ کے دن سورہ کہف پڑھنے کی ‏تحقیق ‏

.

جمعہ کے دن سورہ کہف پڑھنے کی فضیلت پر دلالت کرنے والی حدیث کی تحقیق 
 
شیخ عبد اللہ بن فوزان بن صالح الفوزان 
 اسسٹنٹ پروفیسر کلیۃ المعلمین، ریاض 

     ترجمہ 
ابو عبد العزیز محمد یوسف مدنی 

https://yusufmadani56.blogspot.com/2018/12/blog-post_24.html?m=1 

~~~~؛

تلاش و جستجو کے بعد  اس مسئلہ میں صرف سات حدیثیں مل سکی ہیں، ان میں سے ابو سعید خدری رضی اللہ عنہ سے مروی حدیث ہی اصل ہے اور یہ دیگر چھ حدیثوں کی بہ نسبت زیادہ قوی ہے ، حافظ ابن حجر فرماتے ہیں :
                 " وھو اقوی ماورد فی سورۃ الکہف"
 یعنی سورۂ کہف کے بارے میں مروی احادیث میں یہ حدیث سب سے زیادہ قوی ومضبوط ہے۔ (دیکھئے : فیض القدیر:6/198)۔
آئندہ سطور میں ان احادیث پر تفصیلی کلام  پیش خدمت ہے:

پہلی حدیث: 
ابو سعید خدروی رضی اللہ عنہ  کی حدیث:
  اس حدیث  کی سند کا دارومدار ابو ھاشم(2) عن ابی مجلز (3)عن قیس بن عباد(4) عن ابی سعید(5) پر ہے۔ اور ابو ھاشم پر اس کے مرفوع وموقوف ہونے کے تعلق سے اختلاف  واقع ہوا ہے  جس کی تفصیل  حسب ذیل ہے: 

اس حدیث  کو ابو ھاشم سے ان کے صرف چھ تلامذہ  روایت کرتے ہیں  جو درج ذیل ہیں: 

(1) 
روایت سفیان ثوری(6): اسے عبد الرزاق(7) نے  - اور ان کے طریق سے طبرانی (8)نے-  اور ابن ابی شیبہ(9) ونعیم بن حماد (10)نے وکیع بن الجراح سے، اور نعیم بن حماد (11) ، نسائی(12) اور حاکم (13)نے عبد الرحمن بن مھدی کے طریق سے، نسائی(14) نے  عبد اللہ بن المبارک کے طریق سے اور بیھقی(15) نے قبیصہ بن عقبہ کے طریق سے روایت  کیا ہے۔ اور یہ پانچوں  راوی: عبد الرزاق، وکیع، ابن مھدی، ابن المبارک ، قبیصہ نے  اس حدیث کو سفیان عن ابی ھاشم  کی سند سے ابو سعید  رضی اللہ عنہ  سے موقوفا  بایں لفظ روایت کیا ہے: 

"من توضا، ثم فرغ من وضوئہ فقال: سبحانک  اللھم وبحمدک ، اشھد ان لا الہ الا انت، استغفرک ، واتوب الیک، ختم علیھا بخاتم، ثم وضعت تحت العرش، فلم تکسر الی یوم القیامۃ ، ومن قرا سورۃ الکھف کما انزلت، ثم ادرک الدجال لم یسلط علیہ، ولم یکن لہ علیہ سبیل، ورفع لہ نور من حیث یقراھا الی مکۃ"۔ 

(  جس نے وضو کیا ، پھر وضو سے فارغ ہونے کے بعد یہ دعا پڑھی:" اے اللہ! تو اپنی تعریف کے  ساتھ پاک ہے اور میں گواہی  دیتا ہوں کہ تیرے سوا کوئي معبود بر حق نہیں، میں تجھ سے بخشش طلب کرتا ہوں اور تیری طرف توبہ (رجوع) کرتا ہوں "، اس پر ایک مہر لگا  دی جاتی ہے پھر وہ عرش کے نیچے  رکھ دی جاتی ہے جسے قیامت تک توڑا نہیں  جائیگا. 
اور جس نے سورۂ کہف اسی طرح پڑھی  جس طرح اتاری گئی ہے، پھر  اس نے دجال کو   پالیا  تو  وہ  اس پر مسلط  نہیں ہوگا  اوردجال  اس تک کسی بھی طریقہ سے پہنچ نہیں پائيگا، اور اس کے لیے ایک نور پڑھنے  کی جگہ سے مکہ تک بلند کیا جائيگا)۔ 

 یہ عبد الرزاق کے الفاظ ہیں، اور وکیع وابن المبارک  نے وضو والے جملہ پر اور  ابن مھدی  اور قبیصہ  نے قراءت سورت کے ذکر پر اکتفا کیا ہے ،نیز قبیصہ  کے ذکر کردہ الفاظ میں کچھ اختلاف  بھی واقع ہے۔ 
 امام حاکم نے کہا: " اس حدیث کی سند صحیح ہے اس کے باوجود امام بخاری  وامام مسلم نے اسے روایت نہیں کیا ہے"۔ 
 سفیان ثوری  کے ایک شاگرد  یوسف بن اسباط نے ان مذکورہ پانچوں  شاگردوں کی مخالفت کرتے ہوئے  اس حدیث کو ان سے صرف وضو کے الفاظ کے ساتھ مرفوعا روایت کیا ہے۔
اس روایت کو معمری(16) ، ابن السنی(17)-   ان کے طریق سے  حافظ ابن حجر (18)نے-  اور بیھقی (19) نے مسیب  بن واضح  سے اور اس نےیوسف بن اسباط سےروایت کیا ہے۔ لیکن یوسف بن اسباط کی روایت شاذ ہے کیونکہ مسیب بن واضح گرچہ صدوق ہے لیکن کثرت سے خطا کرتا ہے ۔ امام ابو حاتم  کہتے ہیں : " یہ صدوق  ہے لیکن بکثرت خطائیں کرتا تھا ، اور جب تنبیہ کی جاتی تو  اسے قبول نہ کرتا "۔(20)
 اور  یہی حال اس کے شیخ یوسف بن اسباط  شیبانی  زاہد کا ہے، وہ بھی متکلم  فیہ راوی ہے ، حدیث میں وہم کا شکار  ہوتا ہے،  کیونکہ  وہ کتابوں کو دفن  کردینے کے بعد اپنے حافظہ سے حدیث بیان کیا کرتا تھا ۔
 ابن ابی حاتم کہتے ہیں :" میں نے اپنے والد ابو حاتم  کو فرماتے ہوئے سنا کہ یوسف عبادت گزار آدمی تھا ، اس نے اپنی کتابوں  کو زیر زمین  دفن کردیا تھا ، اور بکثرت غلطی  کیا کرتا تھا ، وہ صالح  ونیکوکارشخص تھا  لیکن اس کی حدیث لائق  حجت نہیں ہے"۔(21)
 ابن عدی کہتے ہیں :" یوسف میرے نزدیک صدوق راوی ہے، لیکن جب  اس نے اپنی کتابوں کو کھودیا  یعنی دفن کردیا تو اپنے حافظہ سے حدیث بیان کرنا شروع  کردیا جس  کی وجہ سے غلطیاں  کرنے لگا اور حدیثیں  گڈ  مڈ ومشتبہ  ہونے لگیں  البتہ جان بوجھ  کر جھوٹ نہیں بولتا"۔(22)
      یہ جرح مفسر ہے جو   ابن معین  کا یوسف کو ثقہ قرار دینے پر مقدم ہے(23)  اور یہ بھی ممکن  ہے کہ امام ابن معین  کی توثیق عدالت  دینیہ  پر محمول ہو۔
ہاں امام دار قطنی(24)  کے  بیان   کے مطابق  اس حدیث کو  سفیان ثوری  سے مرفوع  روایت  کرنے میں ابو اسحاق  فزاری اور عبد الملک  ذماری نے یوسف بن اسباط  کی متابعت کی ہے۔ 
 ابو اسحاق  فزاری ابراھیم بن محمد بن بنی حارث کوفی  ثقہ مامون  اور حافظ ہیں(25)  اور عبد الملک  ذماری  بن عبد الرحمن  بن ھشام ابو ہشام ابناوی  صدوق ہیں لیکن تصحیف  کیا کرتے تھے ۔(26)
      بنا بریں  یہ دونوں راوی ثقہ تو ہیں لیکن ان دونوں تک کی سند معلوم نہیں ہے تاکہ یہ دیکھا  جاسکے کہ اس میں ان دونوں کے نیچے طبقہ میں کوئی علت  اور سبب ضعف ہے یا نہیں ؟۔
     بہر صورت  جن راویوں نے اس حدیث کوثوری  سے موقوف روایت کیا ہے وہ زیادہ ثقہ ہیں اور انہیں مرفوع  روایت کرنے والے  پر مقدم  کرنا  اولی اور زیادہ بہتر ہے ۔ اور کیوں ایسا نہ ہو؟جبکہ موقوف  روایت  کرنے والوں میں ابن مھدی،  وکیع  اور ابن المبارک  جیسے  اساطین  روایت  موجود  ہیں۔ رحمھم اللہ  تعالی۔ 
     اس سے یہ بات واضح ہوجاتی ہے کہ ثوری سے اس حدیث کا موقوفا مروی  ہونا ہی محفوظ ہے ، یہ اور بات ہے کہ ان کی روایت  میں سورۂ کہف کا جمعہ  کے دن پڑھنے کی تخصیص کا  ذکر نہیں ہے۔

~~~~

 (2) 
روایت ھشیم بن بشیر(27): اسے ابو عبید القاسم بن سلام نے (28)-  اور ان کے طریق سے  ذھبی  نے تاریخ  اسلام میں (29)-  اور دارمی نے (30)ابو النعمان محمد بن الفضل سدوسی سے ، ابن الضریس (31) نے -  اور ان کے طریق سے خطیب بغدادی (32) نے  احمد بن خلف  بغدادی سے- ** ، عبد اللہ بن احمد (33) نے اپنے والد امام احمد سے ، اور بیھقی  نے سنن کبری  میں – معلقا-  اور شعب الایمان  (34) میں بطریق  سعید بن منصور  روایت کیا ہے۔ اور ان پانچوں  راویوں  (ابو عبید، ابو النعمان ، احمد، ابن خلف  وسعید) نے ھشیم  سے اور اس نے ابو ھاشم  سے موقوفا بایں لفظ روایت  کیا ہے:         "من قرا  سورۃ الکھف یوم الجمعۃ  اضاء لہ من النور  ما بینہ  وبین البیت العتیق"۔

   یہ الفاظ ابوعبید کے ذکر کردہ ہیں اور باقی راویوں کے الفاظ بھی  قریب قریب یہی ہیں سوائے محمد بن الفضل کی روایت  کے کہ اس میں " لیلۃ الجمعۃ"  (35) کا ذکر ہے ، اور امام احمد  کے الفاظ میں صرف وضو کا ذکر ہے۔
         " اذا تؤضا الرجل  فقال : سبحانک  اللھم وبحمدک"۔
امام احمد کہتے ہیں : " ابو ھاشم سے ھشیم  نے اس حدیث کو نہیں سنا ہے"  ۔ لیکن مجھے ابو عبید ، دارمی اور بیھقی  کے یہاں ایسے الفاظ ملے ہیں جن  سےھشیم  کی  تحدیث کی صراحت  معلوم ہوتی ہے اور یہ الفاظ عموما سماع کا احتمال  رکھتے ہیں ، اور ھشیم  تک ان کی سند بھی صحیح ہے ۔ البتہ ھشیم  سے ان کے دیگر  چند شاگردوں نے ان مذکورہ  پانچوں شاگردان کی مخالفت  کرتے ہوئے اس حدیث کو مرفوعا  روایت کیا ہے، جسے حاکم(36) نے اور ان سے بیھقی(37) نے بطریق  نعیم بن حماد، اور بیھقی نے سنن کبری  میں معلقا  اور شعب الایمان  وفضائل  الاوقات   (38) میں موصولا  یزید بن مخلد بن یزید کے طریق سے روایت کیا ہے اور نعیم  ویزید  کی متابعت  حکم بن  موسی  نے کی ہے جیسا کہ امام دار قطنی  نے ذکر کیا ہے۔ (39)
 اور یہ تینوں (نعیم ، یزید وحکم) اسے ھشیم  سے مرفوعا روایت  کرتے  ہیں البتہ نعیم  نے اپنی روایت میں "اضا ء لہ من النور  ما بین الجمعتین" کے الفاظ ذکر کئےہیں۔
امام حاکم کہتے ہیں :" اس حدیث  کی سند صحیح  ہے اور اما م  بخاری  وامام مسلم  نے صحت سند  کے باوجود  اسے روایت نہیں کیا ہے"۔
لیکن ھشیم  سے اس کا موقوف  مروی ہونا ہی محفوظ ہے کیونکہ موقوف  روایت کرنے والے  راوی ، مرفوع روایت کرنے والے کی بہ نسبت زیادہ ثقہ ہیں، چنانچہ  نعیم بن حماد صدوق  مگر  کثرت سے خطا کرنے والا ہے(40)۔ اور یزید بن مخلد کو ابن ابی حاتم نے ذکر تو کیا ہے مگر جرح وتعدیل  سے متعلق  خاموشی  اختیار کی ہے(41)، اور حکم بن موسی ابو صالح  قنطری بغدادی صدوق ہے(42)۔
  امام دار قطنی  حکم بن موسی کی روایت  کے بارے میں کہتے ہیں : "حکم کے علاوہ دیگر راویوں نے اسے ھشیم  سے موقوفا روایت  کیا ہے اور یہی صورت درست ہے "(43)۔
بیھقی کہتے ہیں :" یہ حدیث موقوفا ہی محفوظ ہے"(44)۔
 حافظ ذھبی   امام حاکم  کی تصحیح مذکور  کا یوں تعاقب فرماتے ہیں :" نعیم منکر حدیثیں روایت کرنے والا ہے"۔

~~~~

 (3) 
روایت  شعبہ بن الحجاج(45): اسے نسائی(46) ، طبرانی(47)-  اور ان کے طریق سے ابن حجر نے " نتائج   الافکار میں(48)- ، حاکم(49) اور ان سے بیھقی(50) نے متعدد طرق  کے ساتھ یحیی  بن کثیر سے نیز بیھقی نے عبد الصمد  بن عبد الوارث (51) کے طریق سے اور دار قطنی   نے ربیع بن یحیی (52) سے معلقا  اور ان تینوں (یحیی، عبد الصمد، ربیع) نے شعبہ سے سفیان ثوری کی روایت کی طرح مرفوع روایت کیا ہے ۔
حاکم کہتے ہیں : "یہ حدیث مسلم کی شرط پر صحیح ہے لیکن امام بخاری  وامام مسلم  نے اسے روایت نہیں کیا ہے۔ اور ابو ھاشم سے سفیان  ثوری نے اسے موقوفا روایت کیا ہے۔"
لیکن مذکورہ تینوں  راویوں  کی مخالفت کرتے ہوئے شعبہ کے  دیگر تلامذہ نے اسے ان سے  موقوف  طور پر ہی روایت کیا ہے۔
    چنانچہ نسائی نے بطریق  غندر محمدبن جعفر(53) ، طبرانی نے"الدعاء" میں بطریق  عمروبن مرزوق (54)اور بیھقی  نے معلق طور پر بطریق  معاذ بن معاذ (55)روایت کیا ہے، اور ان تینوں (غندر، عمرو ، معاذ) نے شعبہ سے موقوفا روایت کیا ہے، اور یہی طریق محفوظ ہے کیونکہ موقوف روایت کرنے والے مرفوع روایت کرنے والوں کی بہ نسبت زیادہ ثقہ ہیں ۔ چنانچہ  غندر محمد بن جعفر جمہور  ناقدین حدیث کے قول کے مطابق شعبہ کے شاگردوں میں سب سے زیادہ ثقہ ہیں اور معاذ بن معاذ بھی شعبہ کے ثقہ شاگردوں میں سے ہیں (56)۔ اور جن روایوں نے شعبہ  سے اس حدیث کو مرفوع  روایت کیا ہے وہ ان کے کبار تلامذہ میں سے نہیں ہیں ، لہذا از روئے فن حدیث مرفوع روایت کرنے والوں کی روایت کو موقوف روایت کرنے والوں کی روایت  پر مقدم نہیں کیا جائیگا۔
    یحیی بن کثیر بن درہم العنبری  مولا ھم ابو غسان البصری  ثقہ ہیں (57) اور عبد الصمد بن عبد الوارث التمیمی العنبری مولاھم ابو سہل البصری  صدوق ہیں نیز شعبہ سے روایت کرنے والوں میں ثبت ( سب سے زیادہ لائق اعتماد ) (58) ہیں ،لیکن ان تک سند ہی صحیح نہیں ہے اور ربیع بن یحیی بن مقسم الاشنانی ابو الفضل البصری صدوق تو ہیں لیکن ان کے کچھ اوہام بھی ہیں (59)، امام ابو الحسن  دار قطنی فرماتے ہیں :"کہا گیا ہے کہ یہ حدیث شعبہ سے بطریق ربیع بن یحیی مرفوعا  روایت کی گئی ہے لیکن یہ صحیح وثابت نہیں ہے" ۔ (60)
      بنابریں ائمہ ناقدین  حدیث نے شعبہ  کے طریق سے اس حدیث پر موقوف ہونے کا حکم لگا یا ہے ،چنانچہ امام نسائی  فرماتے ہیں : "یہ حدیث (مرفوعا)خطا ہے اور اس کا موقوف ہونا صحیح  ہے"(61)، طبرانی  نے فرمایا : "شعبہ سے یحیی بن کثیر نے مرفوع روایت کیا ہے جبکہ ديگر راویوں نے موقوف روایت کیا ہے"(62)، دار قطنی  کہتے ہیں : " شعبہ  سے  اسے غندر اور دیگر شاگردوں نے موقوفا بیان  کیا ہے"۔(63) 

~~~~

 (4) 
روایت روح بن القاسم(64): اسے ابو اسحاق المزکی(65) نے اپنی کتاب "الفوائد(66) میں اور ان کے طریق سے حافط ابن حجر نے(67) ، بطریق  عیسی بن شعیب عن روح عن ابی ھاشم بہ مرفوعا روایت کیا ہےکہ رسول اللہ صلی اللہ علیہ وسلم نے فرمایا :
            "من قال حین یفرغ من وضوئہ:سبحانک اللھم وبحمدک ، اشھد ان لا الہ الا اللہ ، استغفرک واتوب الیک ، کتب فی رق وطبع بطابع ووضع تحت العرش حتی تدفع الیہ یوم القیامۃ"۔
امام دارقطنی  نے "جزء فوائد المزکی" کی تخریج میں  فرمایا : "روح بن القاسم سے یہ حدیث غریب ہے جسے روایت کرنے میں عیسی بن شعیب متفرد ہے"۔(68)
   حافظ ابن حجر" نتائج الافکار"(69) میں کہتے ہیں:    " عیسی صدوق ہے جیسا کہ امام بخاری نے فلاس  کے حوالہ سے نقل کیا ہے"۔
 اور عیسی  بن شعیب النحوی ابو الفضل البصری  الضریر کے بارے میں الفلاس  کہتے ہیں :"  بصرہ کارہنے والا صدوق  راوی ہے"۔
ابو حاتم  ابن حبان   کہتےہیں:" خطا کرنے والوں میں سے تھا یہانتک کہ  اس کی خطائیں  بہت زیادہ  ہوگئیں ،پس جب  اس کے اوہام حدیثوں پر غالب آگئے  تو قابل ترک بن گیا "(70)۔
   اور ابن الجوزی نے اسے "الضعفاء" میں اور ذھبی نے " المغنی" (71) میں ذکر کیا ہے اور حافظ ابن حجر نے اس کے متعلق" صدوق لہ اوھام" (72) کہاہے۔
          اس سند میں عیسی بن شعیب  کے نیچے طبقہ میں ایک اور علت  ہے اور وہ ہے ابو اسحاق المزکی کے شیخ ابن الازھراحمد بن محمدبن  الازھر  الازھری  السجزی کا وجود ، جس کے بارے میں ابن حبان نے کہا ہے: "یہ حفظ حدیث کا اہتمام  کرنے والوں میں سے تھا اور محدثیں کے دوش بدوش چلتا تھا  اور ابواب  حدیث میں جس باب کا  بھی اس کے لیے ذکر کیا جاتا وہ اس باب میں ثقہ راویوں کے حوالہ سے غریب حدیثیں بیان کرتا اور ثقہ وثبت راویوں سے ایسی حدیثیں روایت کرتا کہ ان  پراس کی متابعت نہیں کی جاتی "(73)۔
 ابن عدی نے کہا:"  اس نے منکر حدیثیں بیان  کررکھی ہے " (74) ، ابو الحسن الدارقطنی  کہتے ہیں :" یہ منکر الحدیث سے لیکن مجھے ابن خزیمہ کے سلسلہ میں یہ بات پہنچی ہے  کہ وہ اس کے بارے میں اچھی رائے رکھتے تھے ۔   اور یہ بات اس کے فخر کیلئے کافی ہے "۔(75)
          تفصیل بالا سے  یہ واضح  وظاہر  ہے کہ ابو ھاشم  سے روح کی روایت صحیح نہیں ہے ۔

~~~~

 (5) 
روایت ولید بن مروان:اسے ابو بکر شافعی(77-76) اور طبرانی (78) نے عمروبن عاصم الکلابی عن الولیدعن ابی ھاشم  کے طریق سے  مرفوعا بایں لفظ روایت کیا ہے:" من قال  اذا توضا: بسم اللہ  واذا فرغ قال : سبحانک اللھم وبحمدک ، اشھد ان لا الہ الا انت ، استغفرک،واتوب الیک، طبع علیھا بطابع ثم وضعت تحت العرش فلم تکسر الی یوم القیامۃ"۔
 یہ سند ضعیف ہے کیونکہ ولید بن مروان  مجہول ہے ۔ ابو حاتم نے اسے  مجہول  قرار دیا ہے(79) اور ابن الجوزی نے اسے "الضعفاء" اور ذھبی نے" المغنی"  اور"الدیوان" میں ذکر کیا ہے، ذھبی نے کہا:" یہ مجہول راوی ہے"۔(80) 

~~~~ 

 (6) 
روایت قیس بن الربیع: اسے طبرانی(81)نے بطریق یحیی بن  عبد الحمید - اور ابو نعیم نے "عمل الیوم واللیلۃ "(82) میں معلقا- قیس عن ابی ھاشم کی سند  سے مرفوعا بایں لفظ روایت کیا ہے:
"من قال  اذا توضا: بسم اللہ  واذا فرغ قال : سبحانک اللھم وبحمدک ، اشھد ان لا الہ الا انت ، استغفرک،واتوب الیک، طبع  علیھا  بطابع  ثم وضعت تحت العرش فلم تکسر الی یوم القیامۃ"۔
       یہ طریق بھی ضعیف ہے کیونکہ یحیی  بن عبد الحمید  باوجود یکہ حافظ حدیث تھا مگر اس پر سرقۂ حدیث (حدیث چرانے) کا الزام تھا(82) ، اور قیس بن الربیع کے بارے میں حافظ ابن حجر  کا کہنا ہے: " صدوق ہے لیکن سن رسیدہ  ہونے کیوجہ سے تغیر حفظ کا شکار  ہوگیا تھا ،چناچہ  اس کے بیٹے  نے دوسروں کی حدیثوں  کو اس کی حدیثوں میں داخل  کردیا تھا اور اس نے  انہیں (اپنی سمجھ کر )روایت  بھی کردیا"۔ (83)

         خلاصہ کلام یہ کہ اس حدیث کا ابو سعید  خدری  پر موقوف ہونا ہی راحج ہے ، اور اس کا مرفوع ہونا صحیح نہیں ہے ، امام نسائی  نے موقوف  ہی کو ترجیح دی ہے۔ جیسا کہ ماسبق  میں منقول ہوا ۔ اور بیھقی  نے کہا: "مشہور یہ ہیکہ  یہ حدیث موقوف ہے" (84) ۔ امام ابو نعیم  نے مرفوع  حدیث کو ذکر  کرنے کے بعد فرمایا : "سعید بن منصور نے اسے ابو سعید خدری  سے موقوفا روایت کیا ہے اور یہی اشبہ (زیادہ صحیح) ہے (85)۔ امام ذھبی  کہتے ہیں :" اس حدیث کا موقوف  ہونا ہی زیادہ صحیح ہے"۔ (86) ،حافظ ابن حجر نے کہا:" اس حدیث کے مرفوع وموقوف ہونے کے بارے میں اختلاف  ہے، نسائی نے موقوف  کو صحیح قرار دیا ہے اور حازمی نے مرفوع روایت کی تضعیف  کی ہے.... اور دارقطنی نے بھی "العلل" میں موقوف  ہی کو ترجیح  دی ہے"۔
حافط ابن حجر ، امام نووی  کا اس بات پر کہ حدیث موقوف ومرفوع  دونوں حالت میں ضعیف ہے ، رد کرتے ہوئے فرماتے ہیں : " رہی بات مرفوع حدیث کی تو اسے اختلاف  وشذوذ کی بنا پر ضعیف قرار دینا ممکن ہے  موقوف  روایت  بلاشبہ صحیح ہے"(87)۔
 حافظ نے یحیی  بن کثیر عن شعبہ  کے طریق کے متعلق  فرمایا: "بلا شبہ سندصحیح ہے  اور حقیقت میں  اختلاف  تو متن حدیث کے مرفوع اور موقوف ہونے کے بارے میں ہے، چنانچہ امام نسائی   نے اپنی ردش پر چلتے ہوئے  راویوں  کی کثرت  تعداد اور زیادتی حفظ کے لحاظ سے ترجیح  دیتے ہوئے مرفوع  روایت کے غلط وخطا ہونے کا حکم لگا ہے ۔لیکن ابن الصلاح  وغیرہ کی پیروی  میں نووی کے طریقہ کے مطابق حدیث کا مرفوع ہونا مقدم ہے کیونکہ  مرفوع روایت کرنے والے راوی   کے پاس زیادتی  علم ہے ۔ اور دوسرے طریقہ (موقوف  کو ترجیح دینے کی صورت) پر عمل کی صورت  میں چونکہ اس موقوف روایت میں رائے واجتہاد  کا کوئی دخل نہیں ہے اس لیے وہ مرفوع کے حکم  میں ہوگا واللہ اعلم"۔(88)
دمیا طی کہتے ہیں :"گرچہ (اسنادی حیثیت سے ) موقوف  ہے مگر مرفوع  کے حکم میں ہے۔ کیونکہ اس  طرح کی بات رائے واجتہاد سے نہیں کہی جاسکتی ہے "۔(89) واللہ اعلم۔
میں کہتا ہوں: ان ائمہ  کے کلام کا تعلق "الدعاء  بعد الوضوء" (وضو  کے بعد کہی جانے والی دعا) والے جملہ پر حکم لگانے  سے ہے اور بلاشبہ  یہ جملہ اور باقی الفاظ حدیث ایک ہی سند سے مروی ہیں۔ البتہ سورۂ کہف پڑھنے کی فضیلت  کی تخصیص جمعہ کے دن یا رات کے ساتھ کرنے والی بات کو ابو ھاشم سے روایت کرنے میں ھشیم   اپنے دیگر ساتھیوں  کے مقابلہ میں تنہا ہے۔ اس کی وضاحت  کے لیے اجمالی طور پر ہر راوی  کے الفاظ ذکر کئے جارہے ہیں: 

1-2 روایت  ثوری  کے الفاظ: "من توضا، ثم فرغ من وضوئہ فقال: سبحانک اللھم وبحمدک ، اشھد ان لا لہ الا انت، استغفرک ، واتوب الیک، ختم علیھا بخاتم، ثم وضعت تحت العرش، فلم تکسر الی یوم القیامۃ ، ومن قرا سورۃ الکھف کما انزلت، ثم ادرک الدجال لم یسلط علیہ، ولم یکن لہ علیہ سبیل، ورفع لہ نور من حیث یقر ھا الی مکۃ"  اور شعبہ کے الفاظ  بھی   اسی جیسے ہیں ۔ 

3 - روایت ھشیم کے الفاظ: " من قرا سورۃ  الکھف یوم الجمعۃ اضاء لہ من النور ما بینہ وبین  البیت العتیق"۔ 

4- روایت  روح بن القاسم  کے الفاظ: سبحانک اللھم وبحمدک ،اشھد ان لا الہ الا انت ، استغفرک واتوب الیک ، کتب فی رق وطبع بطابع ووضع تحت العرش حتی تدفع الیہ یوم القیامۃ"۔ 

5-6 روایت  ولید بن مروان  کے الفاظ: من قال  اذا توضا: بسم اللہ  واذا فرغ قال : سبحانک اللھم وبحمدک ، اشھد ان لا الہ الا انت ، استغفرک،واتوب الیک، طبع  علیھا  بطایع  ثم وضعت تحت العرش فلم تکسر الی یوم القیامۃ"۔
قیس بن الربیع کےالفاظ بھی  یہی ہیں ۔ 

خلاصہ  یہ کہ ھشیم کی روایت میں وارد"یوم الجمعۃ" کی قید کے سلسلہ میں دل مطمئن  نہیں ہے  جو ہمیں اس کے ثبوت کا قطعی  فیصلہ  کرنے سے  روک رہا ہے۔ اور اسے ثقہ کی زیادتی کہنا بھی ممکن نہیں ہے کہ جسکا قبول  کرنا واجب ہو کیونکہ یہ  نہ متقدمین  ائمہ فن  کے طریقہ  کے مطابق ہے  اور نہ ہی ان پختہ  کار ماہرین  علل حدیث کے قواعد  واصول   کے موافق ہے جو راوی کی حدیث پر طعن  کرتے ہیں اور اس کی روایت کو مخالفت کی صورت میں معلول  قرار دیتے ہیں ، اور پھر کیا ثقہ کے ضبط واتقان کی معرفت اس سے  بہتر واعلی یا اسی طرح کے روای کی موافقت  کے بغیر ممکن   بھی ہے؟ واللہ تعالی اعلم۔ 

~~~~~~~~
~~~~~~~~

دوسری قسط 

دوسری حدیث: 
حدیث علی ابن ابی طالب: اسےابن مردویہ (90) نے - اور ان کے طریق سے ضیاء مقدسی  نے مختارہ میں (91)-  محمد بن احمد بن الحسن  بن اسحاق کے طریق سے ، اور ابو الفضل  عبید اللہ  بن عبد الرحمن الزھری نے (92)-  ان کے طریق  سے ضیاء  مقدسی نے مختارہ میں (93)-  روایت کیا ہے اور ان دونوں (محمد و ابو الفضل) نے اسے بطریق  ابراھیم بن عبد اللہ بن ایوب المخرمی ثنا  سعید بن محمد الجرمی ثنا عبد اللہ بن مصعب  بن منظور بن زید بن خالد عن علی بن الحسین عن ابیہ عن علی قال: قال رسول اللہ صلی اللہ علیہ وسلم : 
"من قرا سورۃ الکھف یوم الجمعۃ ، فھو معصوم الی ثمانیۃ ایام، من کل فتنۃ تکون، وان خرج الدجال عصم منہ" روایت کیا ہے۔ 

( جس نے جمعہ کے روز سورۂ کہف پڑھی وہ آٹھ دن تک ہر ہونے والا فتنہ  سے معصوم و محفوظ رہیگا، اور اگر دجال کا ظہور ہوجائے تو اس  کے فتنہ سے بھی محفوظ رہیگا )۔ 

    یہ سند ضعیف ہے کیوکنہ اس کا مدار عبد اللہ بن مصعب پر ہے اور وہ  مجہول ہے، عبد الحق اشبیلی کہتے ہیں : اس کی سند مجہول ہے (94)۔ حافظ عراقی نے ابن عساکر سے نقل کیا کہ عبد اللہ بن مصعب اور اس کا باپ مصعب دونوں مجہول ہیں (95)۔ اسے ابو الحسن ابن القطان (96)، ذھبی(97) اور ابن حجر(98) نے بھی مجہول قرار دیا ہے۔ ضیاء مقدسی  نے اس حدیث کی روایت کے بعد کہا ہے کہ اس کی سند میں  ایسا راوی ہے جس سے میں واقف نہیں ہوں۔ (99) 

تیسری حدیث: 
حدیث عبد اللہ بن عمر: اسے روایت کیا  ہے ابن مردود (101)-  ان کے طریق  سے ضیاء مقدسی (102)- نے بطریق محمد بن علی بن یزید بن سنان عن اسحاق  بن ابراہیم المنجنیقی عن اسماعیل بن خالد المقدسی  عن محمد بن خالد البصری  عن خالد بن سعید بن ابی مریم عن نافع عن ابن عمر  رضی اللہ  عنہما قال : قال رسول اللہ صلی اللہ علیہ وسلم : من قرا سورۃ الکھف فی یوم الجمعۃ سطع لہ نور من تحت قدمہ الی عنان السماء، یضئ یوم القیامۃ وغفرلہ ما بین الجمعتین"۔ 

( جو شخص جمعہ کے دن  سورۂ کہف پڑھے گا اس کے قدم کے نیچے سے لیکر بلندی  آسمان تک ایک نور چمکے گا ، جو روز قیامت روشن ہوگا اور اس کے لیے دو جمعہ کے درمیان کے گناہ بخش دیئے جائیں گے)۔

حافظ ذھبی نے(103) نے اسے معلقا بطریق اسماعیل  بن ابی خالد المقدسی حدثنا محمد بن خالد البصری(104) حدثنا خالد بن سعید بن ابی مریم ذکر کیا ہے۔
    یہ سند ضعیف ہے کیونکہ  اس کا مدار خالد بن سعید بن ابی مریم  پر ہے اور یہ مجہول ہے۔ ابن حجر نے ابن المدینی سے ان کا یہ قول نقل کیا ہےکہ ہم  اس راوی کو نہیں پہنچانتے ہیں (105)۔ اور ابو الحسن ابن القطان نے بھی مجہول قرار دیا ہے۔(106) اور اگر ذھبی  کی ذکر کردہ معلق سند ابن مردویہ  والی ہی سند ہو تو اس میں ایک اور علت ہے اور وہ یہ کہ محمد بن خالد البصری الختلی کو محدثین نے کذاب(پرلے درجہ کا ردغ گو )کہا ہے۔ (107)
   ابن حجر نے ذکر کیا ہے کہ ذھبی نے" تلخیص المستدرک  "  میں کہا ہے کہ " احسب محمد بن خالد  وضعہ" میرے خیال میں محمد بن خالد نے اس حدیث کو گھڑا  ہے !۔(108)
    بہر حال یہ حدیث موضوع نہیں تو سخت ضعیف ضرور ہے! اس لیے حافظ منذری  کا یہ قول تعجب خیز ہےکہ اسے ابو بکر بن مردویہ نے "لا باس بہ" سند یعنی ایسی سند کے ساتھ روایت کیا ہے جس میں کوئی خرابی نہیں ہے، (109) نووی نے اسے "مجموع"(110) میں ضعیف کہا ہے۔ اور ابن کثیر نے فرمایا : حافظ ابو بکر بن مردویہ نے اسے غریب  اسناد کے ساتھ روایت کیا ہے اور اس کا مرفوع ہونا محل نظر ہے اور اس کی سب سے اچھی حالت موقوف ہونا ہے۔(111)  ، مناوی کہتے ہیں : ضیاء مقدسی  نے ابن عمر سے جو مرفوع روایت" من قرا یوم الجمعۃ" روایت  کی ہے اس کی سند میں محمد بن خالد ہے جسے ابن مندہ وغیرہ نے  مطعون  ومجروح قرار دیا ہے جبکہ منذری پر "ترغیب" میں اس کا حال مخفی  رہا  تو انہوں  نے اسے "لا باس بہ" قرار دیدیا، اور یہ احتمال  بھی ہے کہ انہوں نےشواہد کےپیش نظر ایسا  کہہ دیا ہو۔ (112)
شیخ البانی نے بھی ابن کثیر کے  قول  پر اعتماد کرتے ہوئے منذری کے کلام  کا رد کیا ہے (113)۔ 

چوتھی حدیث: 
حدیث ام المؤمنین عائشہ: اسے ابن مردویہ(114) نے عائشہ سے روایت کیا  ہے انہوں نے کہا:"قال رسول اللہ صلی اللہ علیہ وسلم : الا اخبرکم بسورۃ ملا عظمتھا ما بین السماء والارض، ولکاتبھا من الاجر مثل ذلک، ومن قراھا یوم الجمعۃ غفرلہ ما بینہ وبین الجمعۃ الاخری، وزیادۃ ثلاثۃ ایام، ومن قرا الخمس الاواخر منھا عند نومہ بعثہ اللہ من ای اللیل شاء؟ قالوا: بلی یا رسول اللہ ، قال: سورۃ  اصحاب الکھف"۔ 

(رسول اللہ صلی اللہ علیہ وسلم نے فرمایا : کیا میں تمہیں ایک ایسی سورت کی خبر نہ دوں جس کی عظمت نے آسمان وزمین کے خلاکو پر کردیا ہے اور اس کے لکھنے والے  کو اسی کے مثل اجر ملے گا ۔ اور جو شخص اسے جمعہ کے دن پڑھے گا تو اس کے وہ گناہ معاف  کردیئے جائیں  گےجنہیں وہ اس جمعہ سے لیکر اگلے جمعہ تک انجام دے گا ،بلکہ مزید تین دنوں کے گناہ بھی بخش دیئے جائیں گے۔ اور جو شخص اس سورت کی آخری پانچ آیتوں کو سونے کے وقت  پڑھے گا  اسے اللہ تعالی  رات کے جس حصہ میں چاہیگا اٹھائیگا؟ صحابہ کرام نے کہا! اے اللہ کے رسول صلی اللہ علیہ وسلم ضرور بتلائیں! فرمایا : وہ سورہ غار والوں کی سورت ہے)۔ 

 اس کی سند سے میں واقف نہ ہوسکا کہ اس پر حکم لگا سکوں! البتہ اس کے الفاظ میں کچھ خرابیاں ہیں۔ 

پانچویں  و چھٹی  حدیث: 
حدیث ابن عباس و ابوھریرہ: 
غزالی  نے "احیاء العلوم  " میں  کہا کہ ابن عباس  وابوھریرہ کی حدیث میں ہے: " من قرا سورۃ الکھف لیلۃ الجمعۃ، او یوم الجمعۃ اعطی نورا ، من حیث یقراھا الی مکۃ ، وغفرلہ الی یوم الجمعۃ الاخری، وفضل ثلاثۃ ایام ، وصلی علیہ سبعون الف ملک حتی یصبح، وعوفی من الداء ، والدبیلۃ، وذات الجنب، والبرص، والجذام، وفتنۃ الدجال"۔(115) 

   (جس نے جمعہ کی شب یا دن میں سورۂ کہف  پڑھی اسے پڑھنے کی جگہ  سے مکہ تک  ایک نور عطا ہوگا ، اور دوسرے جمعہ بلکہ مزید تین دنوں تک  کے گناہ  معاف کردیئے جائیں گے اور اس کے لیے  صبح تک  سترہزار فرشتے مغفرت  کی دعائیں  کرتے رہیں گے ۔ اور اسے بیماری، بڑی آفت و مصیبت، نمونیا، سفید داغ ،  کوڑھ اور دجال  کے فتنہ  سے عافیت  نصیب ہوگی)۔ 
حافظ عراقی  کہتے ہیں :یہ حدیث مجھے نہیں ملی(116) ، زبیدی  نے حدیث ابو ھریرہ  کے بارے میں کہا:  اس کی سند میں اسماعیل بن ابی زیاد متروک راوی ہے ، اسے دارقطنی نے کذاب کہا ہے ، اور حدیث ابن عباس کو ابو الشیخ اصبہانی  نے روایت کیا ہے ۔ (117) اور پٹنی نے ابن عباس  کی حدیث کے بارے میں کہا: اس کی سند میں اسماعیل کذاب  راوی ہے ، اس کے علاوہ  اس میں دو اور مجروح وضعیف راوی ہیں۔(118)
    مجھے نہیں معلوم کہ  حدیث ابن عباس  کی سند میں یہ اسماعیل کونسا راوی ہے؟ اور شوکانی  نے صحابی  کے ذکر کے  بغیر اسی طرح   کی ایک حدیث کے بارے میں فرمایا : یہ ایک طویل موضوع  حدیث ہے۔ (119) 

ساتویں حدیث: 
 حدیث اسماعیل  بن رافع: اسے ابن الضریس  نے"فضائل القرآن"(120) میں عن  یزید بن عبد العزیز الطیالسی عن اسماعیل  بن عیاش  عن اسماعیل  بن رافع  قال: بلغنا ان رسول اللہ صلی اللہ علیہ وسلم  قال: فذکر نحوہ۔ کہہ کر روایت کیا ہے۔
حافظ ابن حجر کہتے ہیں : یہ معضل سند ہے۔(121)
ابو المھلب الجرمی کا اثر(122):اسےابن الضریس(123) نے عن محمد بن مقاتل  المروزی عن خالد الواسطی عن الجریری عن ابی المھلب قال: من قرا سورۃ الکھف فی یوم الجمعۃ کان لہ کفارۃ الی الجمعۃ الاخری" کی سند ومتن کے ساتھ روایت کیا ہے ۔ 

(ابو المھلب نے کہا: جو شخص جمعہ  کے دن سورۂ کہف پڑھے گا  اس کے لیے دوسرے جمعہ تک کفارہ  ہوگا) 

   اس کی سند "لا باس بہ " ہے یعنی اس میں کوئي خرابی  نہیں ہے۔ 

(مترجم :تحقیق مذکور کا خلاصہ یہ ہیکہ جمعہ کے دن کی قید کے ساتھ مذکورہ فضیلت ثابت نہیں ہے ۔)

.............................................

حوالہ جات: 
(1) دیکھئے: فیض القدیر؛6/198 

(2) یہ رمانی واسطی ہے ۔ ابن معین، احمد، ابوزعہ، نسائی اور دارقطنی وغیرہ نے ثقہ کہا ہے۔ (تاریخ کبیر:8/271، جرح وتعدیل:9/140، تھذیب الکمال:34/362،سیراعلام النبلاء:6/152، تھذیب التھذیب: 12/261، تقریب :8492) 

(3)لا حق بن حمید سدوسی ثقہ حافظ ہیں۔ (تاریخ کبیر: 8/258، جرح وتعدیل:9/124، ثقات:5/518، تھذیب الکمال:3/176، تھذیب التھذیب:11/ 171، تقریب :7540) 

(4) قیس ضبعی ابو عبد اللہ بصری ثقہ مخضرم صالحین  میں سے ہیں۔ (تاریخ کبیر:7/145، جرح و تعدیل: 7/101 ، ثقات:5/308، تھذیب الکمال:24/ 64، تھذیب التھذیب:8/400، تقریب:5617) 

(5) سعد بن مالک بن سنان خزرجی انصاری مشہور صحابی رسول ہیں ۔ (تاریخ کبیر:4/44، جرح وتعدیل :4/93، استیعاب:2/602، تھذیب الکمال:10/ 294، السیر:3/168،تھذیب التہذیب:3/479، تقریب:2266، الاصابۃ:3/78) 

(6) امام حافظ حجۃ، امیر المؤمنین فی الحدیث۔ (تاریخ کبیر: 4/92، جرح وتعدیل :1/55، تھذیب الکمال: 11/ 154، تذکرۃ الحفاظ:1/203، السیر:7/229، تھذیب التھذیب :4/111، تقریب :2458) 

(7) المصنف:1/186ح:730، اور 3/378 ح: 6023۔ 

(8) الدعاء: 1/141ح:391

(9) المصنف:1/3،نیز10/450۔

(10) الفتن:2/264ح:1579

(11)الفتن:2/264ح:1582 

(12)9/348ح:10724، عمل الیوم واللیۃ رقم: 954 

(13) المستدرک:1/564- 565 نیز4/511 

(14) السنن الکبری:9/37ح:9831 ، عمل الیوم واللیلۃ رقم:83 

(15)شعب الایمان :2/112 ح:3038 

(16) یہ امام حافظ  علامہ ابو علی حسین بن علی بن شبیب معمری بغدادی  ہیں۔ دارقطنی  نے "صدوق حافظ" کہا ہے۔ خطیب  کہتے ہیں : حاملین علم  میں سے تھے ۔ فہم وحفظ کے ساتھ مشہور ومتصف تھے ۔ ان کی حدیثوں میں غرائب  اور کچھ ایسی چیزیں  ہیں جنہیں روایت  کرنے میں  وہ منفرد ہیں ۔(تاریخ بغداد:7/369،تذکرۃ الحفاظ:2/667)۔  ان کی روایت کے لیے دیکھئے:  النکت الظراف:3/447) 

(17) عمل  الیوم  واللیلۃ:ص17- 18 ح:30 

(18) نتائج  الافکار:1/247- 248۔ 

(19)  الدعوات  الکبیر:1/42ح:59۔ 

(20) دیکھئے: الجرح والتعدیل؛8/294۔ 

(21) الجرح والتعدیل:9/218۔ 

(22) الکامل  فی ضعفاء  الرجال:7/159، دیکھئے : الضعفاء  للعقیلی:4/454، المغنی فی الضعفاء: 7228، تھذیب التھذیب:11/407۔ 

(23) دیکھئے :سوالات عثمان الدارمی لابن معین رقم:874 

(24) علل الدارقطنی :11/308۔ 

(25) دیکھئے : تھذیب الکمال:2/167، تقریب التھذیب:232۔ 

(26) دیکھئے : تھذیب الکمال:18/335، تقریب التھذیب:4219۔ 

(27) ھشیم  بن بشیر سلمی ابو معاویہ واسطی ثقہ حافظ کثیر التدلیس والارسال الخفی ہیں۔ (تاریخ کبیر:8/242، جرح وتعدیل:9/115، تھذیب الکمال:3/272، تذکرۃ الحفاظ:1/148، سیر اعلام النبلاء:8/287، تھذیب التھذیب :11/59، تقریب :7362)۔ 

(28) فضائل  القرآن ص 131 

(29)7/693۔ 

(30) 4/2143ح:3450 

(31) فضائل القرآن ص99 رقم 211 

(32) تاریخ بغداد:4/134
 احمد بن خلف بغدادی کے بارے میں خطیب نے کہا: "یہ ہمارے نزدیک  غیر معروف  شیخ ہے " ،اس کی روایت  میں ابو ھاشم  کا ذکر  ساقط ہے ، شاید  تصحیف ہوگئی ہوگی۔ 

(33) العلل ومعرفۃ الرجال:2/251رقم:2153 

(34) السنن الکبری:3/249، شعب الایمان:2/ 474 ح2444، 

(35) فیض القدیر (6/199) میں کہا ہے کہ حافظ ابن حجر نے "امالی" میں فرمایا :" کچھ روایات  میں اسی طرح "یوم الجمعۃ " اور کچھ  روایتوں  میں "لیلۃ الجمعۃ" واقع ہے اور دونوں میں جمع وتطبیق یوں ہے کہ یوم  (دن ) سے رات سمیت  اور رات سے دن سمیت  مراد ہے۔ نیز دیکھئے : الفتوحات الربانیۃ:4/229۔ 

(36) المستدرک : 2/368۔
 
(37) السنن الکبری:3/249، السنن الصغری:1/ 235ح:606۔ 

(38) السنن الکبری:3/249، شعب الایمان :2/ 475 ح:2445، نیز 3/112 ح:3039،فضائل الاوقات : 1 / 502 ح :279 

(39) العلل: 11/308 

(40) دیکھئے: تھذیب الکمال:29/466، تقریب التھذیب:7215 

(41) دیکھئے : الجرح والتعدیل:9/291 

(42) دیکھئے:تھذیب الکمال:7/136، التقریب: 1470۔ 

(43) العلل:11/308۔ 

(44) شعب الایمان :2/474۔ 

(45) شعبہ بن الحجاج عتکی  ازدی ابو بسطام  واسطی  ،ثقہ، حافظ، متقن، امیر المؤمنین فی الحدیث ہیں ۔ (تاریخ کبیر:4/244،جرح وتعدیل:1/126، تھذیب الکمال:12/479، تذکرۃ الحفاظ:1/193، السیر:7/202 ، تھذیب التھذیب:4/338، التقریب:2805۔ 

(46) السنن الکبری :9/348 ح10722 ، عمل الیوم واللیلۃ :952 

(47) المعجم الاوسط:2/271ح:1478۔ 

 (1/248) (48)

(49) المستدرک:1/564 

(50)شعب الایمان:3/21ح 2754۔ 

(51) شعب الایمان:2/21 ح 2754 

(52) العلل :11/308 

(53) السنن الکبری 9/348 ح 10733، عمل الیوم واللیلۃ 953۔ 

(54) الدعاء 1/140 ح  388۔ 

(55) شعب الایمان  3/21 

(56)دیکھئے : شرح علل الترمذی:2/702- 705 

(57) دیکھئے : تھذیب الکمال:31/499، التقریب: 7679۔ 

(58) دیکھئے ؛ تھذیب الکمال:18/99، التقریب: 4108 

(59) دیکھئے : تھذیب الکمال:9/106، التقریب: 1913 

(60) العلل 11/308 

(61) السنن الکبری 9/348، عمل الیوم واللیلۃ ص528 ، حاشیہ نمبر:953۔ 

(62) الدعاء: ص 141 

(63) العلل : 11/308۔ 

(64) روح بن القاسم تمیمی عنبری  ابو غیاث بصری۔ انہیں ابن معین، احمد، ابو زرعہ، ابو حاتم، دارقطنی اور ابن شاھین وغیرہ نے ثقہ کہا ہے۔(تاریخ کبیر:3/309، جرح وتعدیل: 3/495، تھذیب الکمال: 9/252، تذکرۃ الحفاظ11/188، السیر: 6/404۔ تھذیب التھذیب:3/298، التقریب:1981۔ 

(65) محدث ، حافظ ابراہیم بن محمد بن یحیی بن سختویہ ابو اسحاق  المزکی النیسابوری ہیں ،خطیب   کہتے ہیں : آپ ثقہ ثبت تھے، بہت سی حدیثیں  روایت کرنے والے  ، بار بار حج  کرنے والے تھے ، امام دار قطنی  نے ان کی چنند ہ حدیثوں کو لیا ہے ۔ اور لوگوں نے ان سے بہت سارا  علم  قلمبند  کیا ہے " ۔ (تاریخ بغداد:6/168، سیر اعلام النبلاء:16/163) 

(66) الفوائد  المنتقاۃ الغرائب العوالی ، تخریج  الحافظ الدار قطنی ق (51 /ا) 

(67) نتائج الافکار (1/258- 259) 

(68) الفوائد  المنتقاۃ  ق (51/ا) 

(69) نتائج الافکار (1/259) 

(70)دیکھئے :تاریخ کبیر:6/407 

(71) المجروحین:2/120 

(72) دیکھئے: ضعفاء ابن الجوزی:2/239، المغنی فی الضعفاء(4804) 

(73) التقریب: 5333 

(74) المجروحین :1/163۔ 

(75) الکامل : 01/202 

(77 - 76) سوالات  السلمی  للدار قطنی (61) دیکھئے : المیزان: (1/130) ، المغنی  فی الضعفاء (406)
   ابو بکر شافعی محدث عراق محمد بن عبد اللہ  بغدادی  بزار  ہیں ، دار قطنی نے کہا :"ثقہ مامون اور علم کے پہاڑ ہیں ۔ ان کے وقت میں ان سے زیادہ کوئی ثقہ نہ تھا " ۔ (تاریخ بغداد: 5/456، تذکرۃ الحفاظ:3/880، السیر:16/39)۔ 

(78) الفوائد (3/1/257/1) 

(79) الدعاء (1/141 ح :389) 

(80)دیکھئے :  الجرح والتعدیل(9/18) 

(81) دیکھئے : ضعفاء  ابن الجوزی  (3/187) ، دیوان الضعفاء (4567)، میزان  الاعتدال 4/347، المغنی (6889)، لسان المیزان(8/390) 

(82) الدعاء (1/140) ح (388) 

(83) دیکھئے :  النکت الظراف (3/447) 

(84) دیکھئے : تھذیب الکمال (31/419)، التقریب (7641) 

(85) التقریب رقم(5608) ، دیکھئے : تھذیب الکمال 24/25)، تھذیب التھذیب :8/391 

(86) الدعوات الکبیر (1/42) 

(87) زاد المعاد (1/376) 

(88) المھذب فی اختصار السنن الکبیر  (3/1181) 

(89) التلخیص الحبیر (1/102) ، دیکھئے : نتائج الافکار (1/247)، الفتوحات الربانیۃ (2/19- 21) 

(90) نتائج الافکار (1/250) دیکھئے : النکت الظراف (3/447) 

(91) المتجر الرابح ص(48) ح(82) 

(92) دیکھئے: تفسیر ابن کثیر (9/101) ، الدر المنثور (9/475)، تخریج  الاحیاء  (1/447)۔ 

(93) الاحادیث المختارۃ (2/50-51)ح(430) 

(94) جزء حدیث ابی الفضل الزھری تخریج الجوھری (1/173) ح(127) 

(95) دیکھئے : تخریح  الاحیاء (1/447) 

(96) ذیل المیزان ص(422) رقم(700) مجھے تاریخ دمشق میں ابن عساکر   کا کلام نہیں ملا ۔ 

(97) بیان الوھم والایھام (4/605) 

(98) میزان الاعتدال  (2/506) 

(99) لسان المیزان (5/16) 

(100) الاحادیث المختارۃ(2/50) 

(101) دیکھئے : الترغیب  والترھیب (1/513)، تفسیر ابن کثیر(9/100) ، الدر المنثور (9/477)، تخریج  الاحیاء  (1/447)، التلخیص الحبیر) (2/72)۔ 

(102) المختارۃ -  مخطوط (226/ا) 

(103) میزان الاعتدال (3/534)، دیکھئے : لسان المیزان(7/112) 

(104) میزان میں یوں ہے:"حدثنا محمد بن خالد المقدسی ، حدثنا محمد بن خالد البصری حدثنا  خالد بن سعید بن ابی مریم......."  اس میں محمد  ابن خالد المقدسی کی زیادتی  ہے اور شاید یہ تصحیف ہے۔ 

(105) تھذیب التھذیب(3/95) 

(106) بیان الوھم والایھام (3/537)
(1079 دیکھئے  الموضوعات الکبری (2/45)، المیزان (3/534)، المغنی  فی الضعفاء (5364)، اللسان (7/111-112) ، الکشف الحثیث (227) 

(108) لسان المیزان (7/112)

(109) الترغیب  والترھیب (1/513) 

 (4/423) (110) 

(111) تفسیر  القرآن  العظیم (9/100) 

(112) فیض القدیر (6/199) 

(113) تمام المنۃ ص324 

(114) دیکھئے : الدر المنثور (9/477) ، فتح  القدیر (3/268)، تخریج الاحیاء (1/448) 

(115) احیاء علو الدین  (1/187) 

(116) تخریج  الاحیاء (1/143) 

(117) تخریج الاحیاء (1/143) 

(118) تذکرۃ الموضوعات(1/565) 

(119) الفوائد  المجمو عۃ ص (311) 

(120) ص (96) رقم(203) 

(121)دیکھئے : الفتوحات  الربانیۃ (4/229- 230) 

(122)  ابو مھلب جرمی بصری ابو قلابہ  کے چچا ہیں ، نام عمرو یا عبد الرحمن  بن معاویہ ہے، ثقہ اور تھوڑی حدیثیں  روایت کرنے والے ہیں ۔ (دیکھئے : طبقات کبری  (7/126)، تھذیب الکمال: 34/329، الاصابۃ:7/400) 

(123) فضائل القرآن ص98 رقم 208) 

.

جمعہ ‏کے ‏دن ‏سورہ ‏کہف ‏کی ‏تلاوت ‏روایات ‏کی ‏تحقیق

.

بسم اللہ الرحمٰن الرحیم

جمعہ کے دن سورہ کہف کی تلاوت کے سلسلے میں وارد حدیث کی تخریج و تحقیق 

بقلم 
مامون رشید ہارون رشید سلفی 

~~~~؛

قارئین کرام جمعہ کا دن تمام دنوں کا سردار ہے اس کے بہت سارے فضائل ومناقب اور خوبیاں ہیں کہتے ہیں  سورج طلوع ہونے والے ايام ميں سب سے بہترين جمعہ كا دن ہے  اسی روز حضرت آدم پیدا کیے گیے اسی روز جنت میں داخل کیے گیے اور اسی روز وہاں سے نکالے بھی گیے بلکہ یہی وہ دن ہے جس میں قیامت بھی قائم ہوگی (صحيح مسلم حديث نمبر ( 1410 ) وصحیح ابن خزیمہ بتصحیح البانی) اور اس میں ایک ایسی گھڑی بھی ہے کہ اس میں جو کوئی بھی جس بھی قسم کی دعا کرتا ہے سنی جاتی ہے (صححه الإمام الوادعي  في الصحيح المسند) اور جو شخص اس روز غسل ہاتھ سے فارغ ہو کر اول وقت میں مسجد کا رخ کرتا ہے اسے ایک اونٹ قربانی کرنے کا ثواب ملتا ہے، جو دوسرے وقت میں جاتا ہے اسے ایک گائے کی قربانی کا ثواب ملتا ہے ، جو تیسرے وقت میں جاتا ہے اسے ایک بکری قربانی کرنے کا ثواب ملتا ہے اور جو چوتھے وقت میں جاتا ہے اسے ایک مرغی قربانی کرنے کا ثواب ملتا ہے اور جو پانچویں نمبر پر جاتا ہے اسے ایک انڈے کی قربانی کا ثواب ملتا ہے ( صحيح البخاري و مسلم) اور جو مسلمان شخص بھى جمعہ كے روز يا جمعہ كى رات فوت ہوتا ہے اللہ تعالى اسے قبر كے فتنہ سے محفوظ ركھتا ہے "
(سنن ترمذى( 1074 ) علامہ البانى رحمہ اللہ تعالى نے " احكام الجنائز صفحہ نمبر ( 49 - 50 ) ميں اسے صحيح قرار ديا ہے)
ابو لبابہ بن عبد المنذر رضى اللہ تعالى عنہ بيان كرتے ہيں كہ نبى كريم صلى اللہ عليہ وسلم نے فرمايا:

" جمعۃ المبارك سب ايام كا سردار ہے، اور اللہ تعالى كے ہاں ان ايام ميں عظيم دن ہے، اور اللہ تعالى كے ہاں يہ دن عيد الفطر اور عيد الاضحى سے بھى عظيم ہے، اس ميں پانچ خصلتيں اور امتيازات ہيں:
اللہ تعالى نے اس روز آدم عليہ السلام كو پيدا فرمايا، اور اسى روز آدم عليہ السلام كو زمين كى طرف اتارا گيا، اور اسى روز آدم عليہ السلام فوت ہوئے، اور اس روز ميں ايك ايسا وقت اور گھڑى ہے جس ميں بندہ اللہ تعالى سے جو بھى مانگتا ہے اللہ تعالى اسے عطا فرماتا ہے، جب كہ حرام كا سوال نہ كيا جائے، اور اسى روز قيامت قائم ہو گى، مقرب فرشتے، اور آسمان و زمين اور ہوائيں، اور پہاڑ اور سمندر يہ سب جمعہ كے روز سے ڈرتے ہيں"
(سنن ابن ماجہ حديث نمبر ( 1084 ) علامہ البانى رحمہ اللہ تعالى نے صحيح الجامع حديث نمبر ( 2279 ) ميں اسے حسن كہا ہے).وغیرہ وغیرہ ..

بنا بریں امت مسلمہ کے بہت سارے نیک افراد اس روز عبادت وریاضت تلاوت اور ذکر واذکار کا خاصہ اہتمام کرتے ہیں انہیں عبادتوں میں سے ایک سورہ کہف کی تلاوت بھی ہے چنانچہ لوگ جمعہ کے روز ایک مخصوص فضیلت کی امید کرتے ہوئے بالخصوص اس سورت کی تلاوت کا اہتمام کرتے ہیں..

اس مختصر سے مضمون میں ہم جمعہ کے روز خصوصیت کے ساتھ سورہ کہف کی تلاوت کی فضیلت کے سلسلے میں وارد حدیث کا حکم معلوم کریں گے اور یہ جانیں گے کہ آیا واقعی یہ فضیلت ثابت بھی ہے یا محض ضعیف حدیث اور فضائل اعمال ؟

قارئین کرام: اس سلسلے میں دس احادیث اور تین آثار مروی ہیں جن میں سے صرف حضرت ابو سعید خدری رضی اللہ عنہ کی حدیث کے علاوہ تمام روایتیں سخت ضعیف ہیں اس لیے میں اولا حضرت ابو سعید کی حدیث کا تفصیلی حکم بیان کروں گا اور بقیہ احادیث کی علتوں کی طرف اجمالی اشارے پر اکتفا کروں گا ان شاء اللہ.. 

حضرت ابو سعید کی حدیث کا مدار  أبو هاشم الرماني پر ہے ،وہ عن أبي مجلز ، عن قيس بن عباد، عن أبي سعيد. کی سند سے روایت کرتے ہیں. (مذکورہ سند کے تمام روات ثقات حفاظ اور بخاری و مسلم کے روات ہیں)
اس حدیث کو روایت کرنے میں ابو ھاشم پر سند اور متن میں شدید اختلاف واقع ہوا ہے بعض راویوں نے ان سے موقوفا روایت کیا ہے تو بعض نے مرفوعا، اسی طرح بعض نے متن حدیث کو مطولا روایت کیا ہے تو بعض نے مختصرا، اور بعض روات نے کسی لفظ کا اضافہ کیا ہے تو بعض نے کمی اور بعض نے کسی لفظ کی جگہ میں کچھ دوسرا لفظ استعمال کیا ہے تو بعض نے کچھ اور... 

خلاصہ یہ ہے کہ ابو ھاشم سے اس حديث کو ان کے چھ شاگردوں نے روایت کیا ہے .. اور الفاظ حدیث بالاجمال دو چیزوں کے سلسلے میں وارد ہوئی ہے :

اول: وضو کے بعد دعا کی فضیلت کے سلسلے میں اس کے الفاظ ہیں "من توضأ فقال: سبحانك اللهم وبحمدك، أشهد أن لا إلا أنت، أستغفرك وأتوب إليك، كتب في رق، ثم طبع بطابع، فلم يكسر إلى يوم القيامة" 

یعنی جو شخص وضو کرتا ہے اور یہ دعا کہتا ہے "سبحانك اللهم وبحمدك، أشهد أن لا إلا أنت، أستغفرك وأتوب إليك" تو اسے ایک چمڑی پر لکھا جاتا ہے پھر اس پر ایک مہر لگائی جاتی ہے اور اسے قیامت تک توڑا نہیں جاتا. 

دوم: سورۃ کہف کی تلاوت کی فضیلت کے سلسلے میں. 
چنانچہ ابو ھاشم سے روایت کرنے والے بعض راویوں نے صرف وضو کے بعد دعا کی فضیلت کے سلسلے میں وارد الفاظ کو روایت کرنے پر اکتفا کیا ہے اور وہ قيس بن الربيع، وليد بن مروان اور روح بن القاسم ہیں ان کی اسانید میں ضعف ہے..
اور بعض نے دونوں چیزوں کو ایک ساتھ روایت کیا ہے  وہ هشيم بن بشير، شعبة بن الحجاج اور سفیان الثوری ہیں ان کی اسانید میں خود ان کے مابین اور ان سے روایت کرنے والے ان کے شاگردوں کے مابین کافی اختلافات  ہیں میں انہیں تینوں کی روایتوں کی تخریج کروں گا: 

اولا: 
هشيم بن بشير کی سند : 

اس حدیث کو خود ابو عبید القاسم بن سلام نے (فضائل القرآن:244) کے اندر ...
اور دارمی نے (سنن الدارمی حدیث:3450) کے اندر ابو النعمان محمد بن الفضل السدوسی سے.. 

اور ابن الضریس نے (فضائل القرآن: 99 حدیث: 211) کے اندر احمد بن خلف البغدادي سے... 
اور بیھقی نے (شعب الایمان حدیث:2444) کے اندر سعید بن منصور کے طریق سے... 

ان چاروں (ابو عبید، ابو النعمان,  ابن خلف اور سعید بن منصور)نے  عن هشيم، عن أبي هاشم کی سند سے موقوفاً ان الفاظ کے ساتھ روایت کیا ہے "من قرأ سورة الكهف يوم الجمعة أضاء له من النور ما بينه وبين البيت العتيق" یہ أبو عبيد کے الفاظ ہیں بقیہ روات نے انہیں کی طرح روایت کیا ہے سوائے محمد بن الفضل کے ان کی روایت میں : "ليلة الجمعة"کے الفاظ ہیں. 


اور اسے روایت کیا ہے امام حاکم نے (مستدرک:2/348) اور امام بیھقی نے(السنن الكبرى:3/249) کے اندر نعیم بن حماد کے طریق سے... 

اور بیھقی نے(شعب الایمان حدیث: 2445) کے اندر یزید بن مخلد بن یزید کے طریق سے... 
اور امام دار قطنی نے (علل:11/308) کے اندر حکم بن موسیٰ کے طریق سے... 
ان تینوں (نعیم, یزید اور حکم) نے عن هشيم، عن أبي هاشم کی سند سے مرفوعاً ان الفاظ کے ساتھ روایت کیا ہے : «من قرأ سورة الكهف في يوم الجمعة أضاء له من النور ما بينه وبين البيت العتيق». یہ يزيد کے الفاظ ہیں جبکہ نعيم کے الفاظ «أضاء له من النور ما بين الجمعتين» اس طرح سے ہیں.
امام حاكم نے نعيم کی سند کے بارے میں فرمایا : (هذا حديث صحيح الإسناد، ولم يخرجاه). یہ حدیث صحیح الاسناد ہے لیکن بخاری ومسلم نے اسے روایت نہیں کیا ہے. 

اس پر تعاقب کرتے ہوئے امام حاکم فرماتے ہیں :(نعيم ذو مناكير) نعیم منکر روایتیں بیان کرنے والا ہے.. 

ثانیا: سفیان بن سعید الثوری کی سند:

اس حدیث کو خود عبد الرزاق نے(مصنف حدیث:730-6033)  اور انہیں کے طریق سے امام طبرانی نے(الدعاء حديث:391) کے اندر ...

اور ابن ابی شیبہ نے (مصنف:1/3-10/450) اور نعیم بن حماد نے (الفتن حدیث:1579) کے اندر وکیع بن الجراح کے طریق سے... 

اور نعیم بن حماد نے (الفتن حدیث:1582) اور نسائی نے (السنن الکبری ح:10725) اور حاکم نے (مستدرک:1/565-4/511)کے اندر عبد الرحمن بن مھدی کے طریق سے... 

اور بیھقی نے (شعب الایمان ح:3038) کے اندر قبیصۃ بن معبد کے طریق سے... 

ان چاروں (عبد الرزاق,  وکیع,  عبد الرحمن بن مھدی اور قبیصۃ) نے عن سفيان، عن أبي هاشم کی سند سے موقوفاً ان الفاظ کے ساتھ روایت کیا ہے :

«من توضأ، ثم فرغ من وضوئه، ثم قال: سبحانك الله وبحمدك، أشهد أن لا إله إلا أنت، أستغفرك، وأتوب إليك، ختم عليها بخاتم فوضعت تحت العرش، فلا تكسر إلى يوم القيامة، ومن قرأ سورة الكهف كما أنزلت ثم أدرك الدجال لم يسلط عليه، ولم  يكن له عليه سبيل، ومن قرأ خاتمة سورة الكهف أضاء نوره من حيث قرأها ما بينه وبين مكة». یہ عبد الرزاق کے الفاظ ہیں. .

جبکہ وكيع نے ابن أبي شيبة کی روایت میں الفاظ وضوء کو ذکر کیا ہے اور نعيم بن حماد کی روایت میں سورۃ کہف کے سلسلے میں وارد الفاظ کو راویت کیا ہے الفاظ اس طرح ہیں: 

«من قرأ سورة الكهف كما أنزلت أضاء له ما بينه وبين مكة، ومن قرأ آخرها ثم أدرك الدجال لم يسلط عليه». 

اور عبد الرحمن بن مهدی نے اپنی روايت میں سورہ کھف کی تلاوت کے سلسلے میں وارد الفاظ کی راویت پر اکتفا کیا ہے الفاظ اس طرح ہیں: 

 «من قرأ سورة الكهف كما أنزلت ثم أدرك الدجال لم يسلط عليه، ولم يكن له عليه سبيل، ومن قرأ سورة الكهف كان له نوراً من حيث قرأها ما بينه وبين مكة».

اور قبيصة کے الفاظ یہ ہیں: 
 «من قرأ سورة الكهف يوم الجمعة فأدرك الدجال لم يسلط عليه- أو قال: لم يضره-، ومن قرأ خاتمة سورة الكهف أضاء الله نوراً من حيث كان بينه وبين مكة».
قال الحاكم: (هذا حديث صحيح الإسناد، ولم يخرجاه)
یہ حدیث صحیح الاسناد ہے لیکن بخاری ومسلم نے اسے روایت نہیں کیا ہے.

ثالثا:شعبۃ بن الحجاج کی سند: 
اس حدیث کو امام نسائی نے(السنن الكبرى ح:10723) کے اندر محمد بن جعفر غندر کے طریق سے.. 
اور طبرانی نے (الدعاء ح:388) کے اندر عمر بن مرزوق کے طریق سے... 
اور بیھقی نے معلقا (شعب الایمان :3/21) کے اندر معاذ بن معاذ کے طریق سے..

ان تینوں نے (غندر، عمرو، اور معاذ) نے عن شعبة، عن أبي هاشم کی سند سے موقوفاً روایت کیا ہے الفاظ اس طرح ہیں: 
«من قرأ سورة الكهف كما أنزلت كانت له نوراً من حيث يقرؤها إلى مكة، ومن قرأ آخر الكهف فخرج الدجال لم يسلط عليه»، یہ غندر کے الفاظ ہیں اور بقیہ روات نے بھی اسی طرح روایت کیا ہے .

اور اسے روایت کیا ہے امام نسائی نے(السنن الکبری ح:10722 اور عمل الیوم واللیلۃ ح:952)  اور امام طبرانی نے (المعجم الاوسط ح:1478) اور امام حاکم نے (مستدرک 1/564) کے اندر یحییٰ بن کثیر کے طریق سے... 

اور امام بیہقی نے (شعب الایمان ح:2754) کے اندر عبد الصمد بن عبد الوارث کے طریق سے... 
اور امام دار قطنی نے معلقا(علل 11/308) کے اندر ربیع بن یحییٰ کے طریق سے.. 

ان تینوں (يحيي، عبد الصمد، اور ربيع) نے عن شعبة، عن أبي هاشم کی سند سے مرفوعا ان الفاظ کے ساتھ: 
 «من قرأ سورة الكهف كما أنزلت كانت له نورا يوم القيامة من مقامه إلى مكة، ومن قرأ عشر آيات من آخرها ثم خرج الدجال لم يسلط عليه، ومن توضأ فقال: سبحانك اللهم وبحمدك لا إله إلا أنت، أستغفرك وأتوب إليك، كتب في رق ثم جعلت في طابع فلم يكسر إلى يوم القيامة» روایت کیا ہے.. 
 
یہ يحيي کے الفاظ ہیں طبراني، حاكم، اور بيهقي کے ہاں جبکہ ان کے علاوہ دوسروں کے ہاں مختصراً وضو کے سلسلے میں وارد الفاظ کے بغیر موجود ہے .. عبد الصمد کے الفاظ بھی اسی طرح ہیں. 

امام حاکم نے يحيى بن کثیر کی سند کے بارے میں فرمایا : (هذا حديث صحيح على شرط مسلم، ولم يخرجاه، ورواه سفيان الثوري، عن أبي هاشم فأوقفه) 
یہ حدیث صحیح ہے اور امام مسلم کی شرط پر ہے  لیکن بخاری و مسلم نے اس کی تخریج نہیں کی ہے، اسے سفیان ثوری نے بھی ابو ھاشم سے روایت کیا ہے مگر انہوں نے اسے موقوفا بیان کیا ہے..

حدیث کے اندر موجود اختلافات کا دراسہ: 
حدیث کی تخریج سے پتا چلا کہ حدیث کا مدار ابو ھاشم الرمانی پر ہے اور ان سے اس حدیث کو ان کے تین شاگردوں (هشيم بن بشير، سفيان اور شعبة بن الحجاج ) نے روایت کیا ہے... ان تینوں کی روایتوں میں سندا اور متنا اختلاف واقع ہوا ہے تفصیل درج ذیل ہے.. 

أولا: هشيم بن بشير پر اختلاف :
ان سے روایت کرنے میں سندا اور متنا دونوں اعتبار سے اختلاف پایا جاتا ہے... 

اولا: سند کے اندر موجود اختلاف:
 وہ اس طرح کہ ان کے شاگردوں نے ان سے موقوفا اور مرفوعا دونوں طریقوں سے روایت کیا ہے... 

موقوفا روایت کرنے والے چار لوگ ہیں: 
(1)أبو عبيد القاسم بن سلام بغدادي،مشہور ثقہ امام اور صاحب تصانيف مفیدہ..(ملاحظہ فرمائیں تقریب التهذيب: 5497) 

(2) أبو النعمان محمد بن الفضل السدوسي البصري، الملقب بعارم، یہ ثقة ثبت راوی ہیں اخیر عمر میں تغير  کے شکار ہو گئے تھے.(ملاحظہ فرمائیں تقریب التهذيب:6266)

(3) احمد بن خلف البغدادي یہ غیر معروف ہیں ان کے بارے میں خطیب بغدادی فرماتے ہیں هو شيخ غير مشهور (ملاحظہ فرمائیں تاریخ بغداد:4/134) 

(4) سعید بن منصور صاحب السنن "امام ثقہ ثبت" راوی ہیں (ملاحظہ فرمائیں تقریب التهذيب:2412) 

مرفوعا روایت کرنے والے تین راوی ہیں: 
(1) نعيم بن حماد أبو عبد الله الخزاعي المروزي"صدوق، يخطئ كثيراً، فقيه، عارف بالفرائض"صدوق راوی ہیں بہت زیادہ غلطیاں کرنے والے ہیں فقیہ ہیں فرائض کے ماہر ہیں (ملاحظہ فرمائیں تقریب التهذيب:7215) 

(2)يزيد بن مخلد بن يزيد،امام ابن أبي حاتم نے الجرح والتعديل اور أبو أحمد الحاكم نے "الأسامي والكنى" اور ذهبي نے "المقتنى"کے اندر ان کا ترجمہ ذکر کیا ہے مگر کسی نے جرح یا تعدیل کا کوئی کلمہ نہیں لکھا. ..(ملاحظہ فرمائیں  الجرح والتعديل (9/ 291)،الأسامي والكنى (4/ 283) المقتني (1923)

(3) حکم بن موسیٰ یہ صدوق راوی ہیں (ملاحظہ فرمائیں تقریب التهذيب:1470)

ھشیم بن بشیر کی روایت کا موقوف ہونا ہی راجح ہے جیسا کہ ائمہ نے بھی اسی کو راجح قرار دیا ہے.. 
امام دارقطني حكم بن موسى کی روایت کے بارے میں فرماتے ہیں: (ووقفه غيره عن هشيم، وهو الصواب" حکم کے علاوہ دوسروں نے ھشیم سے اسے موقوفا روایت کیا ہے اور وہی صحیح ہے (علل :11/308) 

اور امام بيهقي فراماتے ہیں: (هذا هو المحفوظ موقوف) یہ موقوف روایت ہی محفوظ ہے(شعب الایمان2/474)

اور امام ابن القيم رحمہ اللہ نے مرفوع روایت کو ذکر کرنے کے بعد فرمایا: (وذكره سعيد بن منصور من قول أبي سعيد الخدري، وهو أشبه) اس حدیث کو سعید بن منصور نے ابو سعید کے قول کے طور پر ذکر کیا ہے اور وہی اقرب الی الصواب ہے... (زاد المعاد (1/376) 

وجہ ترجیح بھی واضح اور ظاہر ہے کیونکہ موقوفا روایت کرنے والے مرفوعا روایت کرنے والوں سے عدد میں بھی زیادہ ہیں اور حفظ و ضبط میں بھی اعلی درجے پر فائز ہیں.. 
اس کے ساتھ ساتھ یہ بھی کہ ھشیم کے اس حدیث کو ابو ھاشم سے سننے میں بھی کلام ہے امام احمد بن حنبل رحمہ اللہ فرماتے ہیں جنہوں نے صرف اس حدیث کے پہلے ٹکڑے یعنی وضو کے سلسلے میں وارد الفاظ کو روایت کیا ہے: 
"هشيم لم يسمعه من أبي هاشم" ہشیم نے اسے ابو ھاشم سے نہیں سنا ہے. (العلل ومعرفۃ الرجال بروایۃ ابنہ عبد اللہ رقم:2153) گرچہ ھشیم نے ابو عبید, نعیم بن حماد, سعید بن منصور اور محمد بن الفضل کی روایت میں تحدیث کی صراحت کی ہے اور تصریح عموما اتصال کا فائدہ دیتی ہے مگر قرائن یہاں عدم سماع ہی کا تقاضا کرتے ہیں اور وہ درج ذیل ہیں: 

(1) هشيم کا تدلیس سے معروف ہونا چنانچہ امام احمد فرماتے ہیں"التدليس من الريبة - وذكر هشيما - فقال: كان يدلس تدليسا وحشاً، وربما جاء بالحرف الذي لم يسمعه فيذكره في حديث آخر، إذا انقطع الكلام يوصله" یعنی هشيم انتہائی زیادہ تدلیس کرتے تھے... (العلل روایۃ المروذی رقم:31)

(2) امام احمد کا سماع کی نفی کرنا جو علم علل الحدیث کے گنے چنے جہابذہ ائمہ میں سے ایک ہیں...ساتھ ہی یہ بھی کہ امام احمد ھشیم کی حدیثوں کے بارے میں اور ان کی تدلیس کے بارے میں سب سے زیادہ جاننے والے ہیں ھشیم امام احمد کے ابتدائی دور کے اساتذہ میں سے ہیں امام احمد نے ان کی تمام حدیثیں یاد کر لی تھیں(ملاحظہ فرمائیں الجرح والتعديل 1/295، حليۃ الاولیاء 9/153)... آپ نے ھشیم کی بہت ساری حدیثوں کے بارے میں فرمایا ہے کہ انہوں نے ان کو اپنے اساتذہ سے نہیں سنا ہے..(ملاحظہ فرمائیں العلل بروایۃ عبد اللہ اس میں اس قسم کی بہت ساری احادیث ہیں) 

(3) حدیث کے اندر موجود اختلاف بھی عدم سماع ہی کو تقویت پہنچا رہا ہے. 

(4) الفاظ حدیث میں ھشیم کا شعبہ اور سفیان کی مخالفت بھی اس سلسلے میں کچھ قوت پہنچا رہی ہے. 

لہٰذا راجح یہ ہے کہ ھشیم نے سرے سے اس روایت کو ابو ھاشم سے سنا ہی نہیں ہے... اور ہم نے جو تحدیث کا اعتبار نہیں کیا ہے اس کو تقویت امام ابن رجب رحمه الله کے اس قول سے ملتی ہے آپ فرماتے ہیں: 
(كثيراً ما يرد التصريح بالسماع، ويكون خطأ .. ، وكان أحمد يستنكر دخول التحديث في كثير من الأسانيد، ويقول: هذا خطأ - يعني: ذكر السماع- ... ، وحينئذ فينبغي التفطن لهذه الأمور، ولا يغتر بمجرد ذكر السماع والتحديث في الأسانيد، فقد ذكر ابن المديني أن شعبة وجدوا له غير شيء يذكر فيه الإخبار عن شيوخه، ويكون منقطعا)

بہت ایسا ہوتا ہے کہ سماع کی صراحت موجود ہوتی ہے مگر وہ غلط ہوتی ہے ..امام احمد بہت ساری سندوں میں تحدیث کے دخول کو منکر قرار دیتے تھے اور کہتے تھے یہ خطا ہے یعنی سماع کا ذکر غلط ہے.... لہذا ایسی صورت میں ان چیزوں کے سلسلے میں چوکنا رہنا چاہیے اور اسانید کے اندر محض سماع اور تحدیث کے ذکر سے دھوکہ نہیں کھانا چاہیے.. ابن المدینی نے ذکر کیا ہے کہ محدثین نے شعبہ کی بہت سی ایسی چیزیں پائی ہیں جن میں انہوں نے اپنے اساتذہ سے اخبار کا ذکر کیا ہے مگر وہ منقطع ہیں.. (شرح علل الترمذی2/589-592) 

ثانیا: متن میں پایا جانے والا اختلاف: 
وہ اس طرح کے ھشیم کے اکثر شاگردوں نے اس حدیث کو ھشیم سے ان الفاظ کے ساتھ"من قرأ سورة الكهف يوم الجمعة أضاء له من النور ما بينه وبين البيت العتيق"یا ان کے ہم معنی الفاظ کے روایت کیا ہے.. 

سوائے محمد بن الفضل السدوسی کے انہوں نے اسے بجائے "یوم الجمعۃ" کے "ليلة الجمعة" کے الفاظ کے ساتھ روایت کیا ہے. 
یہ محمد بن الفضل کے اوہام میں سے ہے کیونکہ وہ اپنے اخیر عمر میں تغیر اور اختلاط کا شکار ہو گئے تھے ساتھ ہی یہاں انہوں نے عدد میں اپنے سے زیادہ اور حفظ و ضبط میں اپنے سے قوی ترین لوگوں کی مخالفت کی ہے..

اس حدیث کے متن میں ایک اور اختلاف واقع ہوا ہے:
وہ اس طرح کہ نعیم بن حماد نے اسے "أضاء له من النور ما بين الجمعتين" کے الفاظ کے ساتھ روایت کیا ہے جب کہ ان کے علاوہ ھشیم کے تمام شاگردوں نے"ما بينه وبين البيت العتيق" کے الفاظ کے ساتھ روایت کیا ہے ...

شاید یہ نعیم کے مناکیر میں سے ہے کیونکہ وہ صاحب المناکیر اور بہت زیادہ غلطیاں کرنے والے ہیں اور یہاں انہوں نے ضبط میں اپنے سے قوی اور تعداد میں اپنے سے زیادہ لوگوں کی مخالفت کی ہے... 

ھشیم کی روایت کا خلاصہ یہ ہے کہ وہ موقوف اور منقطع ہے (یا کم از کم اس کا اتصال مشکوک ہے) البتہ ان سے صحیح طور جو الفاظ مروی ہیں وہ اس طرح ہیں:"من قرأ سورة الكهف يوم الجمعة أضاء له من النور ما بينه وبين البيت العتيق"

ثانیا: سفیان ثوری پر واقع اختلاف:

سفیان ثوری رحمہ اللہ کی روایت کے طرق کی تخریج سے یہ بات واضح ہو چکی ہے کہ انہوں نے ابو ھاشم سے صرف موقوفا روایت کیا ہے ..ہاں ان کے بعض شاگردوں نے مرفوعا بھی روایت کیا ہے مگر صرف حدیث کے شروع والے حصے کو جس میں صرف وضو کے بعد ذکر ودعا کی فضیلت کا ذکر ہے ان روایتوں میں سورہ کھف کا سرے سے تذکرہ ہی نہیں ہے... لہذا اس مقام پر ان کی تخریج کا کوئی خاص فائدہ بھی نہیں.. 

جہاں تک سفیان کی روایت کے متن کا معاملہ ہے تو اسے سفیان کے تمام شاگردوں نے ان الفاظ کے ساتھ روایت کیا ہے"من قرأ سورة الكهف كما أنزلت ثم أدرك الدجال لم يسلط عليه، ولم يكن له عليه سبيل، ومن قرأ خاتمة سورة الكهف أضاء نوره من حيث قرأها ما بينه وبين مكة" یا اسی کے ہم معنی الفاظ کے ساتھ.. یعنی ان کی روایتوں میں جمعہ کے ساتھ تخصیص کا کوئی ذکر نہیں ہے.... سوائے قبیصۃ بن عقبہ کے صرف تنہا انہوں نے ہی جمعہ کا ذکر کیا ہے.. چنانچہ انہوں نے سفیان سے ان الفاظ کے ساتھ روایت کیا ہے"من قرأ سورة الكهف يوم الجمعة فأدرك الدجال لم يسلط عليه - أو قال: لم يضره -، ومن قرأ خاتمة سورة الكهف أضاء الله نورا من حيث كان بينه وبين مكة" 

قبیصۃ بالخصوص امام سفیان ثوری سے روایت کرنے میں متکلم فیہ ہیں. 
ابن ابی خیثمہ یحییٰ بن معین سے روایت کرتے ہوئے کہتے ہیں:"هو ثقة الا في حديث سفيان الثوري فليس بذلك القوي" یعنی قبیصہ ثقہ ہیں مگر سفیان ثوری کی روایت میں نہیں ان سے روایت کرنے میں وہ قوی نہیں ہیں. 
امام احمد سفیان سے قبیصہ کی روایت کے بارے میں فرماتے ہیں"كان كثير الغلط" وہ بہت زیادہ غلطیاں کرتے تھے. (ملاحظہ فرمائیں تاریخ بغداد: 12/474) 

امام العلل یعقوب بن شیبہ فرماتے ہیں"كان ثقة صدوقاً فاضلاً، تكلموا في روايته عن سفيان خاصة، كان ابن معين يضعف روايته عن سفيان" قبیصہ ثقہ صدوق اور فاضل آدمی تھے، محدثین نے خصوصاً سفیان سے ان کی روایت پر کلام کیا ہے، امام ابن معین سفیان سے ان کی روایتوں کو ضعیف قرار دیتے تھے. (ملاحظہ فرمائیں تھذیب الکمال :23/481 ..شرح علل الترمذي:2/811-812)

حاصل کلام یہ ہے کہ جمعہ کے لفظ کے ساتھ قبیصہ کی روایت منکر ہے کیونکہ ایک تو وہ سفیان کی روایت میں ضعیف ہیں دوسرا انہوں نے عبد الرحمن بن مہدی, وکیع بن الجراح اور عبدالرزاق جیسے ائمہ ثقات کی مخالفت کی ہے.. 

ثالثا: شعبۃ بن الحجاج پر واقع اختلاف: 

ان سے روایت کرنے میں سندا اور متنا دونوں اعتبار سے اختلاف پایا جاتا ہے... 

اولا: سند کے اندر موجود اختلاف:
 وہ اس طرح کہ ان کے شاگردوں نے ان سے موقوفا اور مرفوعا دونوں طریقوں سے روایت کیا ہے... 

موقوفا روایت کرنے والے تین لوگ ہیں:
(1)غندر محمد بن جعفر الهذلي مولاهم، أبو عبد الله البصري، ثقہ ہیں شعبہ سے روایت کرنے میں أثبت الناس ہیں (ملاحظہ فرمائیں تھذیب الکمال 5/25 سیر اعلام النبلاء 17/102 اور تقریب التهذيب 5724 )

(2)عمرو بن مرزوق الباهلي مولاهم، أبو عثمان البصري، ثقہ ہیں مگر ان کے کچھ اوہام بھی ہیں (ملاحظہ فرمائیں سیر اعلام النبلاء 19/403 اور تقریب التهذيب 5145 )

(3)معاذ بن معاذ العنبري، أبو المثنى البصري، ثقہ اور متقن ہیں امام شعبہ کے ثقہ شاگردوں میں سے ہیں (ملاحظہ فرمائیں تھذیب الکمال 132/28 سیر اعلام النبلاء 17/51 اور تقریب التهذيب 6787)

مرفوعا روایت کرنے والے بھی تین ہیں: 
(1) يحيى بن كثير العنبري مولاهم، أبو غسان البصري، ثقہ راوی ہیں (ملاحظہ فرمائیں تقریب التهذيب:7679)

(2) عبد الصمد بن عبد الوارث التميمي العنبري مولاهم، أبو سهل البصري التنوري، ثبت في شعبة ،صدوق في غيره. یعنی شعبہ ثبت(ثقہ)ہیں جبکہ دوسروں سے روایت کرنے میں صدوق ہیں. (ملاحظہ فرمائیں تقریب التهذيب4108)

(3)ربيع بن يحيي الأشناني، أبو الفضل البصري، صدوق ہیں ان کے کچھ اوہام ہیں. (ملاحظہ فرمائیں تقریب التهذيب 1913)

راجح موقوف ہونا ہے کیونکہ ائمہ نے موقوف کو مرفوع پر ترجیح دی ہے:

امام نسائی مرفوع روایت کے بارے میں فرماتے ہیں" هذا خطأ والصواب موقوف" یہ خطا اور غلطی ہے موقوف ہی صحیح ہے (سنن کبری 9/348) 

امام طبرانی فرماتے ہیں "رفعه يحيى بن كثير عن شعبة ووقفه الناس" شعبہ سے روایت کرنے میں اسے یحییٰ بن کثیر نے مرفوعا روایت کیا ہے جب کہ لوگوں کی جماعت نے موقوفا روایت کیا ہے (الدعاء ص:141) 

طبیب العلل امام دار قطنی فرماتے ہیں"رواه غندر وأصحاب شعبة عن شعبة موقوفا" اسے غندر اور امام شعبہ کے شاگردوں نے موقوفا روایت کیا ہے (العلل 11/308)

وجہ ترجیح یہ ہے کہ موقوفا روایت کرنے والے مرفوعا روایت کرنے والوں سے اضبط واحفظ ہیں.. 
غندر امام شعبہ کے شاگردوں میں سب سے زیادہ ثقہ ہیں جیسا کہ یہ اکثر نقاد کی رائے ہے اسی طرح معاذ بن معاذ بھی شعبہ کے ثقہ شاگردوں میں سے ہیں.

 امام عبد الله بن المبارك فرماتے ہیں:"إذا اختلف الناس في حديث شعبة فكتاب غندر حكم فيما بينهم" جب لوگ شعبہ کی حدیث میں اختلاف کر بیٹھے تو غندر کی کتاب ان میں فیصل ہے (الجرح والتعدیل 1/270)

اسی طرح امام أحمد نے فرمایا:"ما في أصحاب شعبة أقل خطأ من محمد بن جعفر" شعبہ کے شاگردوں میں محمد بن جعفر (غندر) سے کم غلطی کرنے والا کوئی نہیں ہے.(شرح علل الترمذي 2/702) 

امام عجلی فرماتے ہیں:"غندر من أثبت الناس في حديث شعبة"  غندر شعبہ کی حدیث میں اثبت الناس ہیں (معرفۃ الثقات 2/234 ..شرح علل الترمذي 2/703) 

امام ابن عدي نے فرمایا:"أصحاب شعبة: معاذ بن معاذ، وخالد بن الحارث، ويحيى القطان، وغندر، وأبو داود خامسهم" شعبہ کے(سب سے ثقہ) شاگرد معاذ بن ، خالد بن الحارث، يحيى القطان اور غندر ہیں, ابو داؤد پانچویں نمبر پر ہیں(الکامل 3/280)

جبکہ مرفوعا روایت کرنے والے اس پائے کے نہیں ہیں ...ساتھ ہی بعض مرفوع روایتوں پر کلام بھی کیا گیا ہے :
چنانچہ عبد الصمد کی روایت میں ضعف ہے کیونکہ ان سے روایت کرنے والے عبد الرحمن بن ابی البختری کے سلسلے میں جرح یا تعدیل کا کسی امام کا کوئی کلمہ نہیں ملا. 

اسی طرح ربیع بن یحییٰ کی روایت کو دار قطنی نے ضعیف قرار دیا ہے فرماتے ہیں:"وقيل: عن ربيع بن يحيى، عن شعبة مرفوعاً، ولم يثبت" یعنی کہا گیا ہے کہ ربیع بن یحییٰ عن شعبہ کی سند سے مرفوعا بھی مروی ہے مگر وہ ثابت نہیں ہے. (علل:11/308)

اس اعتبار سے مرفوعا روایت کرنے والے صرف یحییٰ بن کثیر ہوں گے .
امام طبرانی فرماتے ہیں:"لم يرو هذا الحديث مرفوعا عن شعبة إلا يحيى بن كثير" اس حدیث کو شعبہ سے مرفوعا صرف یحییٰ بن کثیر نے روایت کیا ہے. (المعجم الاوسط ح:1455) یعنی انہوں نے عبد الصمد اور ربیع بن یحییٰ کی روایت کا اعتبار ہی نہیں کیا ہے. 

ثانیا:جہاں تک متن کے اعتبار سے شعبہ کی حدیث کا تعلق ہے تو وہ ان الفاظ کے ساتھ ہے "من قرأ سورة الكهف كما أنزلت كانت له نورا من حيث يقرؤه إلى مكة، ومن قرأ آخر الكهف فخرج الدجال لم يسلط عليه" 
مختصر یہ ہے کہ ان کی حدیث کے الفاظ میں کہیں جمعہ کا ذکر ہے ہی نہیں. 

ان تمام تفصیلات کے بعد ابو سعید کی حدیث پر حکم کا خلاصہ یہ ہے کہ یہ حدیث موقوف ہے یہ ابو سعید کا کلام ہے اس کا مرفوع ہونا صحیح نہیں ہے .

امام بیہقی فرماتے ہیں "والمشهور موقوف" مشہور موقوف ہونا ہے (الدعوات الکبیر (1/42) 

امام ذہبی فرماتے ہیں:"وقفه أصح" موقوف ہونا زیادہ صحیح ہے (المهذب في اختصار السنن الكبير 3/1181) 

امام ابن الملقن فرماتے ہیں:"الوقف ھو الصواب" موقوف ہونا ہی درست ہے (البدر المنیر:2/292)
امام ابن حجر فرماتے ہیں:"ورجال الموقوف في طرقه كلها أتقن من رجال المرفوع" موقوف روایت کے روات تمام طرق میں مرفوع حدیث کے راویوں سے اتقن ہیں.(فیض القدیر 6/199) 


یہ رہا سند کا حکم جہاں تک متن حدیث کا تعلق ہے تو گزشتہ تفصیلات سے یہ بات واضح ہو چکی ہے کہ ابو ھاشم سے جمعہ کے دن کے ساتھ سورہ کہف کی تلاوت کی فضیلت کی تخصیص صرف دو طریق سے وارد ہوئی ہے: 

اول: هشيم بن بشیر عن ابی ھاشم کی سند میں.
مگر اس میں دو علت ہے :

(1) ھشیم اس تخصیص میں شعبہ اور ثوری سے متفرد ہیں ان دونوں نے بلا تخصیص روایت کیا ہے .اور اس میں کوئی شک نہیں ہے کہ جب شعبہ اور ثوری متفق ہوں تو ترجیح انہیں ہی حاصل ہوگی چنانچہ خالد بن سریج فرماتے ہیں "میں نے عبد الرحمن بن مہدی سے کہا کہ حب ثوری اور ھشیم اختلاف کر بیٹھے ؟ تو انہوں نے کہا کہ ان سے (یعنی حصین بن عبد الرحمن)  روایت کرنے میں ھشیم اثبت ہیں ..میں نے کہا اگر شعبہ اور ھشیم اختلاف کر بیٹھے ؟ تو انہوں کہا کہ ھشیم (مقدم ہوں گے) یہاں تک کہ دونوں اکٹھے ہو جائیں یعنی سفیان اور شعبہ ایک حدیث میں جمع ہو جائیں(تو وہ دونوں مقدم ہوں گے) (تاریخ بغداد:14/91) 

دوسری علت: اس حدیث کو ھشیم نے  ابو ھاشم سے نہیں سنا ہے لہذا سند میں انقطاع ہے جیسا کہ تفصیلات گزر چکی ہے. 

دوم: قبیصۃ عن الثوری عن ابی ھاشم کی سند: 
اس میں بھی دو علتیں ہیں: 
(1) قبیصہ گرچہ ثقہ ہیں مگر سفیان ثوری سے روایت کرنے میں وہ بالخصوص ضعیف ہیں. 

(2) ضعیف ہونے کے باوجود انہوں نے عبد الرحمن بن مہدی, وکیع بن الجراح اور عبدالرزاق جیسے ائمہ ثقات کی مخالفت کی ہے.. 

خلاصہ یہ ہے کہ یہ حدیث جمعہ کے ساتھ تخصیص کے بغیر موقوفا صحیح ہے جبکہ جمعہ کے ساتھ سورہ کہف کی تلاوت کی تخصیص شاذ اور ضعیف ہے.. 

اس کے علاوہ اس باب کی جتنی بھی مرفوع حدیثیں ہیں سب کے سب سخت ضعیف ہیں کیونکہ ان کی اسانید میں یا تو مجہول العین راوی ہے یا تو متروک کذاب اور ضعیف جدا راوی ہے یا سرے سے حدیث کی سند ہی نا معلوم ہے ..لہذا تمام حدیثیں ایک دوسرے کے ساتھ مل کر بھی تقویت حاصل نہیں کر سکتی کیونکہ تقویت پہنچانے اور متابع یا شاہد بننے کے لیے شرط ہے کہ ضعف خفیف ہو شدید نہ ہو مگر یہاں تو ابو سعید کی روایت کے علاوہ تمام حدیثیں ضعیف ترین ہیں. 

اخیر میں بالاجمال میں چند چیزوں کا ذکر کروں گا: 
اول: جمعہ کے دن خصوصیت کے ساتھ سورہ کہف کی تلاوت اور اس کی فضیلت کے سلسلے میں کوئی مرفوع صحیح حدیث موجود نہیں ہے. 

دوم: جمعہ کے روز سورہ کہف کی تلاوت کے سلسلے میں صحابہ سے بھی کچھ مروی نہیں ہے اور نہ ہی یہ ثابت ہے کہ صحابہ کرام اسے تلاوت کرتے تھے لہٰذا اگر جمعہ کے روز سورہ کہف کی تلاوت کی اس قدر فضیلت ہے تو صحابہ کرام کو اس میں بڑھ چڑھ کر حصہ لینا چاہیے مگر ایسا نہیں ہے.. 

سوم: اس سلسلے میں تین تابعین کے آثار ملتے ہیں مگر وہ بھی ضعیف ہیں. 

چہارم: میرے علم کے مطابق سب سے پہلے جنہوں نے جمعہ کے روز سورہ کہف کی تلاوت کی مشروعیت کی بات کہی ہے وہ امام شافعی ہیں پھر بعد والوں میں سے اکثر لوگوں نے ان کی موافقت کی ہے مخالفت کا علم نہ ہو سکا. 

پنجم: جب اس سلسلے میں کوئی حدیث ثابت نہیں ہے تو اس غایت درجہ اہتمام کے ساتھ جمعہ کے روز اس کی تلاوت بھی درست نہیں ہے.. کیونکہ فضائل کا معاملہ توقیفی ہے اور اثبات توقیف دلیل کا متقاضی ہے. 

ششم: اس حدیث کو معاصرین میں سے محدث الیمن مقبل بن ہادی الوادعی، ابو إسحاق الحويني(اخوانی) عبد اللہ السعد، عبد الرحمن الفقيه اور مصطفی العدوی (إخواني) وغیرہم نے شاذ اور ضعیف قرار دیا ہے امام ابن باز رحمہ اللہ نے بھی کئی مقامات پر مطلقا ضعیف قرار دیا ہے جبکہ بعض مقامات پر فرماتے ہیں کہ اس سلسلےٰ میں وارد تمام حدیثیں ضعیف ہیں مگر وہ سب ایک دوسرے کے ساتھ ملکر قوت حاصل کر لیتے ہیں. مگر آپ کی یہ بات درست نہیں ہے جیسا کہ میں نے بالتفصیل یہ بات ثابت کیا ہے. 

والله أعلم بالصواب 

.

پیر، 13 جولائی، 2020

عشرہ ذی الحجہ کے نو روزوں کا حکم اور یوم عرفہ کے امتیازات

.

عشرہ ذی الحجہ کے نو روزوں کا حکم اور یوم عرفہ کے امتیازات 

~~~~؛

عشرہ ذوالحجہ کے روزے:

ھنیدہ بن خالد کی زوجہ (صحابیہ) نبی ﷺکی بعض ازواج سے بیان کرتی ہیں:

’’کَانَ رَسُولُ اللہِ ﷺ یَصُومُ تِسْعَ ذِي الْحِجَّۃِ ‘‘

رسول اللہ ﷺذوالحجہ کے (پہلے) نو دنوں کے روزے رکھتے۔ (سنن أبي داود: 2437، سنن النسائي: 2374، وسندہ صحیح)

امام ابو داود نے اس حدیث پر اس طرح باب قائم کیا: ’’باب في صوم العشر‘‘ عشرہ ذوالحجہ کے روزے کا بیان۔

تنبیہ: ایک روایت میں سیدہ عائشہ رضی اللہ عنہا فرماتی ہیں:

’’مَا رَأَیْتُ رَسُولَ اللہِﷺ صَائِمًا فِی الْعَشْرِ قَطُّ‘‘

میں نے رسول اللہ ﷺکو عشرہ(ذوالحجہ) میں روزہ رکھتے نہیں دیکھا۔

ایک دوسری روایت میں ہے:

’’أَنَّ النَّبِیَّﷺ لَمْ یَصُمِ الْعَشْرَ۔‘‘

نبی ﷺ عشرہ (ذوالحجہ) میں روزہ نہ رکھتے۔ (دیکھئے صحیح مسلم: 1176)

امام بیہقی رحمہ اللہ (المتوفی:458ھ) فرماتے ہیں:

’’وَہَذَا الْحَدِیثُ أَوْلَی مَعَ مَا سَبَقَ ذِکْرُہُ مِنَ الْحَدِیثِ الَّذِيْ رُوِيَ عَنْ عَائِشَۃَ أَنَّہَا قَالَتْ: مَا رَأَیْتُ رَسُولَ اللہِ ﷺ صَائِمًا فِی الْعَشْرِ قَطُّ لِأَنَّ ہَذَا مُثْبِتٌ فَہُوَ أَوْلَی مِنَ النَّافِيْ۔‘‘

یہ حدیث (ھنیدہ بن خالد کے طریق والی) اور اس کے ساتھ جو (اس عشرے) سے متعلق پیچھے ذکرہوا، اولیٰ اور راجح ہے اس حدیث سے جو کہ سیدہ عائشہ رضی اللہ عنہانے بیان کی کہ ’’میں نے رسول اللہ ﷺکو ان دس دنوں میں روزہ رکھتے نہیں دیکھا۔‘‘ کیونکہ مذکورہ بالا روایت (روزہ رکھنے) کو ثابت کر رہی ہے، اس لیے وہ روزہ رکھنے کی نفی کرنے والی حدیث سے راجح اور اولیٰ ہے۔ (فضائل الأوقات للبیہقي: 175، مزید دیکھئے: السنن الکبرٰی:688/4)

امام نووی رحمہ اللہ (المتوفی: 676ھ) فرماتے ہیں:

’’ہو متأول علی انہا لم ترہ ولا یَلْزَمْ مِنْہُ تَرْکُہُ فِيْ نَفْسِ الْأَمْرِ لِأَنَّہُ ﷺ کَانَ یَکُونُ عِنْدَہَا فِی یَوْمٍ مِنْ تِسْعَۃِ أَیَّامٍ وَالْبَاقِی عِنْدَ بَاقِی أُمَّہَاتِ الْمُؤْمِنِینَ أَوْ لَعَلَّہُﷺ کَانَ یَصُومُ بَعْضَہُ فِيْ بَعْضِ الْأَوْقَاتِ وَکُلَّہُ فِی بَعْضِہَا وَیَتْرُکُہُ فِی بَعْضِہَا لِعَارِضِ سَفَرٍ أَوْ مَرَضٍ أَوْ غَیْرِہِمَا وَبِہَذَا یُجْمَعُ بَیْنَ الْأَحَادِیْث۔‘‘

سیدہ عائشہ رضی اللہ عنہاکے قول کی وضاحت اس طرح سے کی جا سکتی ہے کہ انھوں نے نبی کریم ﷺ کو روزے کی حالت میں نہ دیکھا ہو، اس سے یہ لازم نہیں آتا کہ آپ نے حقیقت میں ان روزوں کو چھوڑا تھا کیونکہ آپ نو میں سے ایک دن ان کے پاس ٹھہرتے تھے۔ اور باقی ایام دیگر امہات المومنین کے پاس، اور یہ بھی ممکن ہے کہ آپ کبھی اس عشرے کے چند دن تو روزہ رکھتے ہوں اور چند دن چھوڑتے ہوں، اور کبھی پورا عشرہ روزہ رکھا ہو اور کبھی سفر یا مرض یا کسی اور سبب سے پورا عشرہ روزے کو ترک کیا ہو۔ اس وضاحت سے احادیث میں تطبیق دی جا سکتی ہے۔ (المجموع شرح المھذب: 387/6)

مزید فرماتے ہیں:

’’فلیس في صوم ہذہ التسعۃ کراہۃ بل ہی مستحبۃ استحبابا شدیدًا لا سیما التاسع منہا وہو یوم عرفۃ‘‘۔

ان نو دنوں میں روزے رکھنا مکروہ نہیں بلکہ مستحب اور شدید مستحب ہیں اور خاص طور پر 9 ذوالحجہ کو جو یوم عرفہ ہے۔‘‘ (شرح صحیح مسلم للنووي: 78/8)

٭ امام عبد اللہ بن عون رحمہ اللہ (المتوفی: 150ھ) فرماتے ہیں:

’’کَانَ مُحَمَّدٌ یَصُومُ الْعَشْرَ عَشْرَ ذِي الْحِجَّۃِ کُلِّہِ، فَإِذَا مَضَی الْعَشْرُ وَمَضَتْ أَیَّامُ التَّشْرِیقِ أَفْطَرَ تِسْعَۃَ أَیَّامٍ مِثْلَ مَا صَامَ‘‘

امام محمد بن سیرین رحمہ اللہ تابعی (المتوفی: 110ھ) مکمل عشرہ ذوالحجہ کے روزے رکھتے تو جب عشرہ ذوالحجہ اور ایام تشریق گزر جاتے تو نو دن روزے کا ناغہ کرتے جیسے پہلے روزے رکھتے‘‘ (مصنف ابن أبي شیبۃ: 300/2، وسندہ صحیح)

یہاں مکمل عشرہ سے مراد 9 دن ہی ہیں کیونکہ اگلے الفاظ سے ظاہر ہے۔ واللہ اعلم

~~~~

عرفہ کے دن کی فضیلت:
یوم عرفہ عشرہ ذوالحجہ میں سے اہم ترین دن ہے اور اس کے متعدد فضائل ہیں:

1: اللہ تعالیٰ کا یوم عرفہ کی قسم کھانا:

اللہ تعالیٰ فرماتا ہے:

((وشاھد ومشھود))

قسم ہے حاضر ہونے والے کی اور جس کے پاس حاضر ہوا جائے۔ (البروج: 3)

اکثر مفسرین کا موقف ہے کہ آیت کریمہ میں ’’شاھد‘‘ سے مراد ’’جمعہ‘‘ کا دن اور ’’مشھود‘‘ سے مراد عرفات کا دن ہے جیسا کہ ابو ہریرہ رضی اللہ عنہ، سیدنا علی بن ابی طالب رضی اللہ عنہ اور امام قتادہ رحمہ اللہ سے صحیح و حسن اسناد سے مروی ہے۔ (دیکھئے تفسیر الطبري 481/11، 482)

2: دین کی تکمیل اور اتمام نعمت کا دن:

سیدنا طارق بن شہاب رضی اللہ عنہ، سیدنا عمر بن خطاب رضی اللہ عنہ سے روایت کرتے ہیں کہ ایک یہودی نے ان سے کہا: اے امیر المومنین! تمھاری کتاب میں ایک آیت ہے جسے تم پڑھتے ہو، اگر ہم یہودیوں پر اترتی تو ہم ضرور اس دن کو عید کا دن بنا لیتے۔ عمر رضی اللہ عنہ نے پوچھا: کونسی آیت ہے؟ وہ کہنے لگا: الیوم اکملت لکم دینکم واتممت علیکم نعمتی ورضیت لکم الاسلام دینا (المائدۃ: 3) تو عمر رضی اللہ عنہ فرمانے لگے: ہم اس دن اور جگہ کو جانتے ہیں جس میں یہ نبی ﷺپر اتری، اس وقت آپ عرفات (کے میدان) میں جمعہ کے دن کھڑے تھے۔‘‘ (صحیح البخاري: 45، 7268، صحیح مسلم: 3017)

ایک دوسری روایت میں سیدنا عبد اللہ بن عباس رضی اللہ عنہما فرماتے ہیں:

فإنھا نزلت في یوم عیدین في یوم جمعۃ ویوم عرفۃ۔

بے شک یہ آیت دو عید کے دنوں میں اتری، جمعہ کا دن اور عرفہ کا دن۔ دیکھئے (سنن الترمذي: 3044 وسندہ صحیح)

3: یوم عرفہ اہل اسلام کے لیے عید کا دن:

سیدنا عقبہ بن عامر الجہنی رضی اللہ عنہ سے روایت ہے کہ رسول اللہ ﷺ نے فرمایا:

’’یَوْمُ عَرَفَۃَ، وَیَوْمُ النَّحْرِ، وَأَیَّامُ التَّشْرِیقِ عِیدُنَا أَہْلَ الْإِسْلَامِ، وَہِیَ أَیَّامُ أَکْلٍ وَشُرْبٍ۔‘‘

یوم عرفہ، قربانی کا دن اور ایام تشریق ہم اہل اسلام کے لیے عید ہیں اور یہ ایام کھانے پینے کے ہیں۔ (سنن أبي داود: 2419، سنن الترمذي: 773، سنن النسائي: 3007، وسندہ حسن)

4: عرفہ کے دن اللہ تعالیٰ کا اپنے بندوں (حاجیوں) پر فخر کرنا اور عام بخشش فرمانا:

سیدہ عائشہ رضی اللہ عنہا فرماتی ہیں کہ رسول اللہ ﷺ نے فرمایا:

’’مَا مِنْ یَوْمٍ أَکْثَرَ مِنْ أَنْ یُعْتِقَ اللہُ فِیہِ عَبْدًا مِنَ النَّارِ، مِنْ یَوْمِ عَرَفَۃَ، وَإِنَّہُ لَیَدْنُو، ثُمَّ یُبَاہِي بِہِمِ الْمَلَائِکَۃَ، فَیَقُولُ: مَا أَرَادَ ہَؤُلَاءِ؟‘‘

اللہ تعالیٰ عرفہ کے دن سے زیادہ کسی دن بھی اپنے بندوں کو جہنم سے آزاد نہیں کرتا اور (اللہ تعالیٰ) اپنے بندوں کے قریب ہوتا ہے پھر فرشتوں کے سامنے اپنے بندوں پر فخر کرتے ہوئے فرماتا ہے کہ ان سارے بندوں کا کیا ارادہ ہے؟‘‘ (صحیح مسلم: 1348)

5: یوم عرفہ کا روزہ:

سیدنا ابو قتادہ رضی اللہ عنہ سے روایت ہے کہ رسول اللہ ﷺ نے فرمایا:

((صِیَامُ یَوْمِ عَرَفَۃَ، أَحْتَسِبُ عَلَی اللہِ أَنْ یُکَفِّرَ السَّنَۃَ الَّتِی قَبْلَہُ، وَالسَّنَۃَ الَّتِی بَعْدَہُ……))

عرفہ کے دن کے روزے کے بارے میں مجھے اللہ تعالیٰ سے امید ہے کہ یہ گزشتہ اور آئندہ (دو) سالوں کے (گناہوں) کا کفارہ ہو گا۔ (صحیح مسلم: 1162)

تنبیہ: یہ روزہ حاجیوں کے لیے نہیں ہے۔ (دیکھئے: صحیح البخاري: 1658، 1988، صحیح مسلم: 1123)

امام شافعی رحمہ اللہ (المتوفی:204ھ) فرماتے ہیں:

’’فَأُحِبُّ صَوْمَہَا إلَّا أَنْ یَکُونَ حَاجًّا فَأُحِبُّ لَہُ تَرْکَ صَوْمِ یَوْمِ عَرَفَۃَ لِأَنَّہُ حَاجٌّ مُضَحٍّ مُسَافِرٌ وَلِتَرْکِ النَّبِيِّ۔ ﷺ۔ صَوْمَہُ فِی الْحَجِّ وَلِیَقْوَی بِذَلِکَ عَلَی الدُّعَاءِ، وَأَفْضَلُ الدُّعَاءِ یَوْمُ عَرَفَۃَ۔‘‘

میں اس دن کے روزے کو پسند کرتا ہوں سوائے حاجی کے، اس کے لیے میں پسند کرتا ہوں عرفہ کے دن کا روزہ نہ رکھے کیونکہ وہ فریضۂ حج ادا کرنے والا، قربانی کرنے والا اور مسافر ہے (سب سے بڑی بات) نبی ﷺکے حج میں روزہ چھوڑنے کیوجہ سے، تاکہ وہ دعا کے لیے خوب توانا رہے اور عرفہ کے دن کی دعا افضل دعا ہے۔ (دیکھئے مختصر المزني ص59، فضائل الأوقات للبیہقي ص364) 

ماخوذ 
ماہنامہ الحدیث، شمارہ 144 

مضمون: عشرہ ذوالحجہ کی فضیلت و اہمیت 

تحریر: الشیخ ابو احمد وقاص زبیر 

.